ကျွန်တော်တို့ ဆိုက်လေးတွင် ၀င်ရောက်ဖတ်ရှုသူ အပေါင်းအသင်းများတွင် အဆီမကျသဖြင့် စိတ်ညစ်နေကြသူများ ရှိသလို ၊ အစား အသောက် အနေအထိုင် ဂရုစိုက် နေသည့်ကြားမှ ၀ိတ်မလျော့ သူများလည်းရှိနေသည်။ ပြီးခဲ့သည် ရက်ပိုင်း အတွင်းက  ကျွန်တော် တို့ဆိုက်၏ ပင်တိုင် ဆောင်းပါးရှင် ကိုနိုင်ဦး၏ သိပ္ပွံနည်းကျ အဆီကျနည်းများ စာအုပ်တွင် အဆိုပါ ပြဿနာ များ၊ အခက်အခဲများ နှင့် ပတ်သက်ပြီး အကျယ်တ၀င့် ရှင်းလင်းတင်ပြထားသည် ကို ဖတ်ရှုပြီးသူများ အနေဖြင့် သဘောပေါက် နားလည် မည်ထင်ပါသည်။ ယခု ဆောင်းပါးလေးသည်လည်း အဆီကျ လိုသူများအတွက် သိထားသင်သော အချက်အလက်အချို့ ပါဝင်နေသဖြင့် တင်ဆက်ေ၇းသား ပေးလိုက်ခြင်းဖြစ်ပါသည်။ သင်၏ နေ့စဉ်လှုပ်ရှား သွားလာ စားသောက်မှုတို့တွင် အချက်အနည်းငယ် ထည့်သွင်း လုပ်ဆောင်ခြင်းဖြင့် ခန္ဓာ ကိုယ်အလေးချိန်ကို တစ်ပတ်လျှင် ကီလို သိသိသာသာ လျှော့ချလာနိုင်ပါသည်။ ဤနည်းဖြင့် အဆီလျှော့ချကာ “၀ိတ် လျှော့နိုင်ခဲ့ပြီ” ဟု ကြုံးဝါးနိုင်ခဲ့သူတွေ ရှိလာပြီဖြစ်ပါသည်။

ဝလွန်း၍ စိတ်ညစ်နေခြင်း၊ သွယ်သွယ် လျလျနှင့် ရှုချင်စဖွယ် မဖြစ်ဘဲ တုတ်ခိုင်ခိုင် ခန္ဓာကိုယ်ကို ပိုင်ဆိုင်ရ၍ စိတ်ပင်ပန်းခြင်း၊ တစ်ခါတစ်ရံတွင်လည်း မလှုပ်ချင်၊ မရှားချင်နိုင်လောက်အောင် ခန္ဓာကိုယ်လေးပင်မှုကို ထည့်တွက် နေရခြင်း စသည်တို့ အတွက် ဒုက္ခမခံရအောင် ယနေ့ကာလ လူအတော်များများ ကြိုးပမ်းကြလေ့ရှိသည်။ အားကစား လုပ်သည်။ အဆီနည်း အစားအစာများ မှီဝဲသည်။ အဆီကျဆေးဝါးများ သောက်သုံးသည်။ ဤနည်းဖြင့်ပင်လျှင် စိတ်တိုင်းမကျနိုင်ပါဟု ဆိုငြားအံ့။

ခန္ဓာကိုယ်တွင် ဇီဝရုပ်သွင် ဖြစ်ပျက်ခြင်း (Metabolism) ဟူသည့် ဖြစ်စဉ်ရှိရာ ယင်းဖြစ်စဉ် တိုးမြှင့်လာသည် နှင့်အမျှ ကိုယ်တွင်း အဆီလျော့ကျမှုလည်း အလိုလို လိုက်ပါ ဖြစ်ပေါ်လာပါသည်။ အကြောင်းမူ ဤဖြစ်စဉ်ဖြင့် အဆီများ ကို ချေဖျက်ကာ လိုအပ်သော စွမ်းအင်အဖြစ် ပြောင်းလဲရသောကြောင့် ဖြစ်ပါ၏။

Metabolism ကိုတိုးမြှင့်ပေးမှုနှင့် ပတ်သက်ပြီး မကြာသေးမီကပင် ပြောဆိုဆွေးနွေး မှုများ ပြုခဲ့ကြသည်။ အမှန်ပင် အာမခံနိုင်မည်လား ဟုကား မေးစရာဖြစ်နေသည်။ သေချာသည်ကတော့ ရပ်နားနေစဉ် ဇီဝရုပ်သွင်ဖြစ်ပျက်မှု နှုန်း (RMR – Resting Metabolic Rate) ကို အရှိန် တိုးပေးခြင်းဖြင့် အဆီပမာဏကို သက်သက် သာသာနှင့် ပိုမိုလျှော့ ချလာနိုင်ပါလိမ့်မည်။ “ရပ်နားနေစဉ် ဇီဝရုပ်သွင် ဖြစ်ပျက်မှုနှုန်း” ဟူသည်ကား ကြွက်သားများကို ဤအတိုင်းထားစဉ် အခြားကိုယ်အင်္ဂါများကို လုပ်ဆောင်စေခြင်းဖြင့် ထိုအတွက် လိုအပ်သော စွမ်းအင်ပင်ဖြစ်သည်။

သို့သော်လည်း Virginia Polytechnic Institute and State University မှ အာဟာရဗေဒပါမောက္ခ Janet Walberg Rankin က ထိုကိစ္စသည် ထင်သည်ထက်ပို၍ ရှုပ်ထွေးဖွယ်ရှိ ကြောင်းဆိုသည်။ လူသားတို့၏ မျိုးဗီဇက ဇီဝ ရုပ်သွင် ဖြစ်ပျက်မှုနှုန်းကို ပိုင်းဖြတ် ဖန်တီးခြင်းဖြစ်သည်။ ဥပမာဆိုရလျှင် ကနေဒါနိုင်ငံ ကွိဘက်မြို့မှ Laval University တွင် ပြုလုပ်ခဲ့သော လေ့လာမှု တစ်ရပ်ကို သုံးသပ်ခြင်းဖြင့်သိရသည်မှာ တူညီသော အားထုတ်လုပ်ဆောင်မှု ပြုရသည့်လူများတွင် အဆီသိုလှောင်မှု သိသာစွာ ကွဲလွဲနေပါသည်။ ဆိုလိုသည်မှာ တစ်ဦး တစ်ယောက်က လမ်းနည်း နည်း နေ့စဉ်လျှောက်ရုံဖြင့် အဆီလျှော့နိုင်ငြား သင့်အဖို့မူ ထိုသူထက်ပို၍ လမ်းလျှောက်နိုင်မှ ထိုသူနီးနီး အလေးချိန် လျော့ကျနိုင်ပါသည်။

ထို့အတွက် စိတ်ညစ်နေဖို့တော့ မလိုပေ။ ခန္ဓာကိုယ် ဇီဝရုပ်သွင်ဖြစ်ပျက်မှုကို လူတိုင်းတိုးမြှင့်ပေးနိုင်သည်ကို တော့ Rankin က ယုံကြည်သည်။ သူက ထိုသို့တိုးမြှင့်ပေးနိုင်မည့် နည်းလမ်းခြောက်ခုကို ထောက်ခံတင်ပြထားပါ သည်။

၁။ အစပ်စားခြင်း

ငရုပ်သီးတို့တို့ တိတိစားခြင်းဖြင့် Metabolism ကိုတိုးမြှင့်ပေးကြောင်း လေ့လာမှုတစ်ခုက အဆိုပြုသည်။ ဂျပန် အမျိုးသမီးတစ်စုသည် ကက်ပ်ဆိုင်ဆင် Capsaicin ဓာတ် ပြည့်ပြည့်၀၀ပါသော ငရုပ်သီးများကို အစာနှင့်ရောစားပြီး နောက် Metabolism မြင့်တက်ခဲ့ကြသည်။ ကက်ပ်ဆိုင်ဆင်ဟူသည် ကုလားအော် အစရှိသော ငရုပ်သီးများတွင် တွေ့ ရသည့် ဒြပ်ပေါင်း တစ်မျိုးဖြစ်သည်။ ယင်းက အက်ဒရီနလင် Adrenaline ကဲ့သို့ပင် ခန္ဓာကိုယ်လုပ်ဆောင်မှုကို တွန်း အားပေးသောနည်းအားဖြင့် Metabolism ကို မြင့်စေခြင်းဖြစ်သည်။

သို့ဖြစ်ရာ တစ်နေ့လျှင် ငရုပ်သီး စပ်စပ်ချက်ထားသောဟင်း အနည်းဆုံးတစ်ခွက်မျှ စားသုံးခြင်း၊ အခြားဟင်းရွက် သီးနှံများနှင့်အတူ ကုလားအော် ငရုပ်သီးကိုလည်း သဘောလောက်ဖြစ်စေ စားသုံးခြင်းတို့ဖြင့် အဆီလျှော့ ကျမှုနှုန်းကို လည်း ပိုမိုမြင့်မားလာမည် ဖြစ်ပါသည်။

၂။ အလေးမခြင်း

အသက်ကြီး ရင့်လာသည်နှင့်အမျှ Metabolism နှုန်းလည်း တဖြည်းဖြည်း လျှော့နည်း လာလေ့ရှိသည်။ အကြောင်း မူ ဖျတ်ဖျတ် လတ်လတ် လှုပ်ရှားမှု နည်းလာခြင်း၊ အသက် ၃၀ ကျော်အရွယ်မှစကာ တစ်နှစ်လျှင် ကြွက်သား ၁ ရာခိုင် နှုန်း ဆုံးရှုံးနေကြခြင်း စသည့် အချက်နှစ်ချက်ကြောင့် ဖြစ်သည်။ ၆၈ ကီလိုလေးသော လူတစ်ဦးသည် အလေးမလေ့ ကျင့်ခန်း မပြုပါက တစ်နှစ်လျှင် ကြွက်သား ၂၅၀ ဂရမ် ဆုံးရှုံးရမည် ဖြစ်သည်။ ထို့ပြင် လှုပ်ရှားမှု မပြုသော ကြွက်သား သည် အဆီစုလာစေမှုကို အားပေးအား မြှောက်ပြုသဖြင့် ကြွက်သား ဆုံးရှုံးမှုနှင့်အတူ Metabolism လည်း လျော့နည်း လာရတော့သည်။

Rankin ကမူ တစ်နည်း တစ်ဖုံဖြင့် ကုစားသည်။ အလေးမ ၀ိတ်ပြားများ တိုးမြှင့်မှုကို ခံနိုင်ရည်ရှိအောင် လေ့ကျင့် ခြင်းနည်းဖြင့် ဖြစ်ပါ၏။ နယ်သာလန် နိုင်ငံ၌ ပြု လုပ်ခဲ့သော လေ့လာမှု တစ်ခုတွင် ကြွက်သား ပမာဏထက် နှစ် ကီလို မီတာ ပိုလေးသော အလေးမမှုကို ပြုစေခြင်းဖြင့် ၁၈ပတ် အကြာတွင် RMR ကို ၉ ရာခိုင်နှုန်းအထိ တိုးမြှင့်နိုင်ခဲ့သည်။ အကျိုးဆက်အားဖြင့် လေ့လာမှုတွင် ပါဝင်ခဲ့သူများသည် အိပ်နေစဉ်တွင်ပင်လျှင် Metabolism ပိုမိုဖြစ်ခဲ့ကြသည်။

ထို့ကြောင့် အလေးမခန်းမသို့ တစ်ပတ်လျှင် နှစ်ကြိမ်၊ သုံးကြိမ်သွားပြီး ကျင့်သားရလာသည်နှင့်အမျှ အလေးတိုး မြှင့်ပြီး မပါ။ Rankin ကတော့ ဆိုသည်။ ကြွက်သားပမာဏထက် တစ်ကီလို ပိုမိုမနိုင်ပြီ ဆိုသည်နှင့် ပထမ စပြီး မသော နေ့ကထက် သုံးပုံတစ်ပုံကျော်မျှသော Metabolism ကတော့ ဆိုသည်။ ကြွက်သား ပမာဏထက် တစ်ကီလို ပိုမိုမနိုင်ပြီ ဆိုသည်နှင့် ပထမစပြီး မသောနေ့ကထက် သုံးပုံတစ်ပုံကျော် မျှသော metabolism ဖြစ်မှုကို အပို ထပ်ဆောင်းပေး လိမ့်မည်ဟူ၍။

၃။ ကော်ဖီနှင့် လက်ဖက်ရည်ကြမ်း သောက်ခြင်း

ကဖင်းဓာတ် စားသုံးခြင်းဖြင့် Metabolism ကို အနည်းငယ် တိုးမြှင့်ပေးနိုင်ကြောင်း Randin ကဆိုသည်။ ကော်ဖီခါးခါး နှစ်ခွက်သည် ကော်ဖီသောက်ပြီး သုံးနာရီ အတွင်း RMR ကို ပျမ်းမျှ ၁၂ရာခိုင်နှုန်း တိုးမြှင့်ပေးပါသည်။

ကော်ဖီနှစ်ခွက်ထက် ပိုလျှင်ကား မည်သို့ဖြစ်မည်နည်း။ ထိုသို့ပိုသောက်ခြင်းက စိတ်ရှုပ်ထွေးမှု၊ မျက်လုံးကြောင်မှု၊ ကယ်လ်စီယမ် လျော့နည်းမှုတို့ကို ဖြစ်စေတတ်သည့် သဘောဆောင်ကြောင်း Rankin က ပြောသည်။

ယခုနောက်ပိုင်း သိလာကြသည်မှာ လက်ဖက်ရည်ကြမ်းသည် ကော်ဖီထက်ပိုပြီး Metabolism မြင်စေမှု ဖြစ်စေပုံ ရသည်။ သို့အတွက် နေ့လည်နေ့ခင်း လက်ဖက်ရည်ကြမ်းသောက်သုံးမှု ပြုသင့်လှပါ၏။

၎။ လှုပ်လှုပ်ရှားရှား နေတတ်ခြင်း

တစ်ချိန်လုံး လှုပ်လှုပ်ရွရွနှင့် အလုပ်ရှုပ်နေတတ်သူများသည် ထိုသို့ မဟုတ်သူများနှင့် ယှဉ်လျှင် Metabolism ပိုဖြစ်ကြကြောင်း Rankin ကကောက်ချက်ချသည်။ ထို့အတွက် မိမိက ယခင်က တည်းက အေးအေးလူလူ နေတတ် သည့် သဘာဝရှိသည် ဆိုပြီး ပူနေရန်တော့ မလိုပေ။ အဘယ်ကြောင့်နည်း။ ကိုယ်တွင်း အဆီများကို ဇီဝဖြစ်ပျက်မှုက အသုံးပြုနိုင်ခြင်း အများစုသည် ခန္ဓာကိုယ် လှုပ်ရှားမှု မရှိစဉ်ဖြစ်ကြောင်း Rankin က ရှင်းပြသည်။ လှုပ်ရှားမှု တစ်ခု ပြုလုပ်နေစဉ် အဆီကုန်ဆုံးမှုက မပြောပလောက်ဘဲ TV ကြည့်စဉ်၊ အလုပ်လုပ်စဉ်၊ လမ်းလျှောက်စဉ်၊ အိပ်စက် စဉ်တွင် အဆီဆုံးရှုံးမှု (Metabolism) ဖြစ်မှုကပိုများနေသည်။ ထို့ထက်ပို၍ လမ်းလျှောက်မှု၊ ဥယျာဉ်တွင်း တိုလီိမုတ်စ လုပ်မှုတို့ကိုသာပြုလျှင် ပို၍ပင်အကျိုးရှိပါသည်။

သို့ဖြစ်ရာ တစ်နေ့လုံး အလုပ်စားပွဲထိုင်၊ အချိန်ကြာမြင့်စွာ ဖုန်းဖြင့်စကားပြောနေရတတ်လျှင် ကြားနားချိန်လေး များ၌ ခဏတဖြုတ် လမ်းထလျှောက်ခြင်းဖြင့် ကိုယ်အလေးချိန်ကျအောင် တစ်ဖက်တစ်လမ်းမှ ဖန်တီးယူရမည် မဟုတ် ပါလော။

၅။ အသားဓာတ်ပိုစားခြင်း

အသားဓာတ် (Protein) အနည်းငယ် ပိုမိုစားသုံးခြင်းသည် Metabolism ကို တိုးမြှင့်ပေးကြောင်း Rankin က ဆိုသေးသည်။ အခြားအစာ တစ်ခုခုစားပြီးနောက် RMR သည် အနည်းငယ်မျှသာ မြင့်လာသော်လည်း အသားဓာတ်စား ပြီးလျှင်ကား အတော်မြင့်တက် သွားတော့သည်။ အကြောင်းမူ ယင်းကိုချေဖျတ်ရန် ဇီဝဖြစ်ပျက်မှု ပိုမိုလိုအပ် သောကြောင့်တည်း။

အသားဓာတ် များများပါသော အစားအစာသည် အဆာခံစေပြီး အဆာပြေ စားသောက်ရန် သိပ်မလိုပေ။ သို့သော် လည်း Rankin ကတော့ အသားဓာတ် အလွန်အမင်း များပြားစွာ စားသုံးမှုကို အားမပေးပေ။ “အသီးအနှံတွေ မစား တော့ အသားဓာတ်ကို ချည်းစားနေတာတော့လဲ ဘယ်ဖြစ်မလဲ” ဟု ဆိုသည်။

သို့ဖြစ်ရာ သရေစာလျှော့စား၍ အချိုဓာတ်ပါသော အစာများ ရှောင်ကြဉ်ပြီး အသားဓာတ်ပါဝင်သော အစားအစာ များ အစားထိုး စားသုံးရပါမည်။ ဥပမာ အဆီပါမှုနည်းသော ချိစ်၊ အမဲသား၊ ပါးပါးလှးီရင်ပုံသား၊ အဆီမပါသောဒိန်ချဉ် စသည့် အစားအစာများ ဖြစ်ပါ၏။

၆။ အကျိုးရှိရှိကြားဖြတ် အနားယူခြင်း

ပုံမှန် အလုပ်လုပ်ဆောင် မှုများကြားမှ တိုတောင်း ထိရောက်သော အားကစား ပြုလုပ်မှုများက အက်ဒရီ နယ်လင်နှင့် အခြား စွမ်းဆောင်မှုပေးသည့် ဟော်မုန်းများ ပိုမိုထွက်စေပြီး ဤနည်းဖြင့် RMR ကို မြင့်လာစေပါသည်။ ခွန်အားစိုက်သုံး ရသော အားကစားပြုလုပ်မှုများက ကိုယ်ခန္ဓာ အဆီလျှော့ချမှုကို ပိုမိုစွမ်းဆောင်နိုင်သည်ဟု လေ့လာမှု အသစ်တစ်ခုက ဖော်ပြထားသည်။ သို့သော် ဤကြားဖြတ် လေ့ကျင့် မှုများသည် ကျန်းမာသန်စွမ်းပြီး ငယ်ရွယ်သူများနှင့်သာ သင့်တော် ပါသည်။

အဆီလျှော့ချပြီး ကိုယ်အလေးချိန် နည်းလိုသူတို့အဖို့ အသားဓာတ်များများပါသော အစာများမှီဝဲခြင်း၊ အဆီပါဝင် မှုနည်းသော အစားအသောက်များ စားသုံးခြင်း၊ တစ်ပတ်လျှင် သုံး၊ လေးကြိမ်ဝိတ်ပြားမ၊ အေရိုးဗစ်ကစားခြင်း စသည် တို့ပြုလုပ်မှ ခန္ဓာကိုယ်ကို မိမိလိုသလို ပုံသွင်းနိုင်မည်ဖြစ်သည်။

ခန္ဓာကိုယ်တွင် အဆီပါဝင်မှု များလွန်းခြင်းသည် ကျန်းမာရေးရှုထောင့်အရ မည်သို့မျှ မသင့်တော်ပေ။ ယင်းမှာ နှလုံးရောဂါ၊ သွေးတိုးရောဂါ၊ လေဖြတ်ခြင်းအစရှိသော ရောဂါဆိုးများ၏ အကြောင်းခံလည်း ဖြစ်ပါ၏။ သို့ဖြစ်သော ကြောင့် ခန္ဓာကိုယ်အဆီလျှော့်ချပြီး ကျစ်လစ်တောင့်တင်းသော ကိုယ်ခန္ဓာပိုင်ဆိုင်လိုသူတို့အဖို့ အခြားလုပ်ဆောင်မှု များနှင့်အတူ ယခုဖော်ပြပါအချက် ခြောက်ချက်ကိုလည်း လိုက်နာရင်း “၀ိတ်လျှော့နိုင်ခဲ့ပြီ” ဟု ကြုံးဝါးနိုင်ကြပါစေ။

တင်ဆက်သူ။  ။အောင်အောင် (aungaung.aung24@gmail.com)

မောင်အိုလံပီယာ (၆)ထပ်ကွမ်း ဒိုရီယန်ရီတ်စ် ၏ ကိုယ်ရေးအကြောင်းအရာ အချို့ကို ကျွန်တော် ကဲ့သို့ မောင်အိုလံပီယာ အချို့၏ ဘ၀ဖြစ်စဉ် အကြောင်းကို စိတ်ဝင်စားသူများ ဗဟုသုတ ရနိုင်ရန် ရည်ရွယ်၍ရေးသား တင်ဆက်ပေးလိုက်ပါသည်။ ကျွန်တော် အကြိုက်ဆုံး မောင်အိုလံပီယာ (၆) ဦးတွင် ဒိုရီယန်ရိတ်စ် သည်လည်း အပါအ၀င်ဖြစ်သည်။ ထိုကြောင့်လည်း ကျွန်တော်သည် ဤ ဆိုက်တွင် ဒိုရီယန်ရီတ်စ် ၏ ခံယူချက၊် ဒိုရီယန်ရိတ်စ် အကြောင်းပါသော ဆောင်းပါးများကိုေ၇းသားခဲ့ပြီး ဖြစ်သလို ၊ အခြား ကျွန်တော် ကြိုက်နှစ်သက်သော မောင်အိုလံပီယာအချို့၏ အကြံပေးချက်များ ၊ ကစားနည်းများ ကိုလည်း အလျဉ်းသင့်သလို ရေးသား တင်ဆက်ခဲ့ပါသည်။ ထိုေ၇းသား မှု များအပေါ် တစ်ချို့ကလည်း ချီးကျူးစကားဆိုကြသလို ၊ တစ်ချို့ကလည်း ဝေဖန်ပြောဆိုမှု များ ရှိလာသဖြင့် ကျွန်တော်အတိုင်းမသိ ၀မ်းသာ မိပါသည်။ ဘာဇြစ်လို့လဲဆိုတော့ ကျွန်တော်ေ၇းသော ဆောင်းပါးကို  ဂရုတစိုက်နှင့် ဖတ်ပြီး သူတို့ အမြင်ကို ပွှင့်ပွှင့်လင်းလင်း ဝေဖန်ပေးသောကြောင့်ဖြစ်သည်။ ကျွန်တော်ကလည်း ပွင့်ပွင့်လင်းလင်း ပဲပြောလိုက်ပါမည်။ ကျွန်တော် ဆောင်းပါး ဖတ်သူ တစ်ယောက် ပဲ ကျန်နေပါစေ ကျွန်တော်ကတော့ ကျွန်တော် စိတ်ဝင်စားသည့် ပ၇ိသတ်လည်း အကျိုးရှိမည်ထင်သည့် ကာယဗလ နှင့် ပတ်သက်သည့် ဆောင်းပါးများကို ကျွန်တော်ဘက်မှ အချိန်ပေးနိုင်သည့် အထိ ဆက်လက်ေ၇းသားနေပါမည်။ ဝေဖန်သူများလည်း ဆက်လက် ဝေဖန်နိုင်ပါသည်။ သင်တို့၏ ဝေဖန်မှုများသည် ကျွန်တော်အတွက် လှေကားထစ် ဖြစ်နေသောကြောင့် ကျွန်တော် ကြိုဆိုပါသည်။ယခုလည်း ဒိုရီယန်ရီတ်စ် ၏ ကိုယ်ေ၇း အကြောင်းအရာ အချို့မှ ဒိုရီယန်ရီတ်စ် ကိုယ်တိုင်ပြောပြသော အချက်အလက်အချို့ကို ပြန်လည်၍ ဖောက်သည် ချ လိုက်ပါသည်။နောက်ပိုင်းတွင်လည်း ဒိုရီယန်ရီတ်စ် တစ်ယောက် မောင်အိုလံပီယာ (၆) ထပ်ကွမ်း ဇြစ်လာဖို့ ဘယ်လို ကြိုးစားခဲ့ရတယ် ဘယ်လို အခက်အခဲ တွေ ရင်ဆိုင်ခဲ့ရတယ်၊ ဘာကြောင့် အနားယူခဲ့တယ် ဆိုတဲ့ အချက်အလက် အချို့ကို ကျွန်တော် လေ့လာ မိသလောက် ပြန်လည် တင်ဆက်ပေးပါမယ် အခုတော့ ဒိုရီယန် ပြောပြတဲ့ သူ့အကြောင်းအချို့ကို လေ့လာကြည့်ကြပါ။

ဒိုရီယန်ရီတ်စ် ဟာ အသက်(၂၁) နှစ် အရွယ်ကျမှ ကာယဗလ အားကစားကို စတင် ကစားခဲ့တယ်။ ကျွှန်တော အသက်(၁၆)နှစ် ကျောင်ထွက်လိုက်ကတည်းက တစိုက်မတ်မတ် မဟုတ်တာတောင် ကြာထိုးကြားထိုး ကစားဖြစ်ပါတယ်။ကာယဗလ မကစားခင် ကတည်းက  သူကိုယ်တိုင်ဟာ ကရာတေးအားကစား ကိုလည်း ကစားပြီး လူငယ်ဘ၀ လူငယ်ထိန်းသိမ်းေ၇းစခန်းတွင် (၆)လခန့် နေခဲ့ရပြီး လူငယ်များအကြားတွင် သန်မာသော လူတစ်ဦး အဖြစ် ချီးကျူးခံရသည်မှ အစ ပြု ပြီး ကိုယ်ကာယကြီးထွား သန်မာလိုစိတ်ဖြစ်ပေါ်လာကာ ကိုယ်ကာယလေ့ကျင့်ခန်းများအပေါ်တွင် စိတ်ဝင်စားပြီး ကာယဗလ နှင့် ပတ်သက်သည့် ဗဟုသုတများ ၊ အာဟာရ အကြောင်းအရာများ၊ လေ့ကျင့်နည်း စနစ်များကို လေ့လာ ပြီးမှ အသက် (၂၁) နှစ်အရွယ်တွင် အားကစား ရုံ သို့သွားပြီး ကာယဗလ အားကစား လေ့ကျင့်ဖို့ ဆုံးဖြတ်ခဲ့သည်။ သူပြောပြ ချက်အရ သူ့အနေနဲ့ ယခုလို လေ့လာပြီးမှ ကစားသည့်အတွက် အချို့သော သူများလို ဆင်ကန်းတောတိုး အမှားမျိုး မရှိပဲ စနစ်တကျနှင့် အာဟာရဗဟုသုတ ၊ နည်းစနစ် ဗဟုသုတ အစရှိသော အထောက်အကူများကြောင့် တိုးတက်မှု မြန်ဆန်ခဲ့ကြောင်း  သူစကစားစဉ်က ကာယဗလ နှင့် ပတ်သက်ပြီး သူ့ကို အကူ အညီပေးမည့်သူ မရှိကြောင်း သူ့ လက်ဦးဆ၇ာသည် ကာယဗလစာစောင်များ ၊ စာအုပ်များ ဇြစ်ကြောင်း ထို စာအုပ်များမှ လေ့လာ မိသမျှကို လေ့ကျင့်ရုံတွင် လက်တွေ့ စမ်းသပ်ပြီး မိမိနှင့် အကျိုးရှိမည့် ကစားနည်းများ ကိုလေ့လာခဲ့ကြောင်း၊ ကိုယ်ပိုင် လေ့ကျင့်မှု အစီအစဉ်ကို မိမိ ကိုယ်တိုင် ဆွဲတတ်လာကြောင်း ၊ အခြေခံ အားဖြင့် တော့ အမှား နှင့် အမှန် ကို ခွဲခြားတတ်လာကြောင်း ၊စကစားခင်တုန်းက ကိုယ်ကာယ ကြီးထွားဖို့သာ ရည်ရွယ်ပြီး  ဆုကြေးစား မောင်အိုလံပီယာ တစ်ယောက် ဖြစ်ဖို့ အထိ မရည်ရွယ်ထားကြောင်း ၊ မိမိ ကိုယ်ကာယ ဘယ်လောက်အထိ ကြီးထွားမလဲ ဆိုတာ ကို သိချင်၍ ကစားရင်း ၊ ကစားရင်းမှ ပြိုင်ပွဲများ ယှဉ်ပြိုင်ပြီး ယခု ကဲ့သို့ မောင်အိုလံပီယာ တစ်ယောက် ဇြစ်လာ ဖို့ စိတ်ဆန္ဒများ ပေါ်ပေါက်လာကာ (၆) ထပ်ကွမ်း မောင်အိုလံပီယာ တစ်ယောက် ဖြစ်လာသည်အထိ အောင်မြင်မှုများ ဆက်တိုက်၇၇ှိခဲ့ပြီး လီဟေနီ ၏ စံချိန်ကို မှီဖို့ ဆန္ဒ ထားရှိသလား ဆိုသည့်အမေးအပေါ် လီဟေနီ ပထမဦးဆုံး မောင်အိုလံပီယာ ဆုရသည့် အချိန်က အသက်နှင့် သူ ပထမ ဦဆုံး မောင်အိုလံပီယာ ဆု ရသည့် အချိန်က အသက်သည် ကွာခြားကြောင်း ၊ လီဟေနီ ကြီးစိုးတုန်းက  ကုသိုလ် ကံ အများကြီး ကောင်းကြောင်း တစ်နည်းအားဖြင့် ပွဲချောင်ကြောင်းကို ဆိုလိုပါသည်။

သူအနေနှင့် သူယှဉ်ပြိုင်ခဲ့စဉ် တစ်လျောက် သူ့လိုမျိုးထုထည်အပြည့်နှင့် သူနှင့် ပခုံးချင်း ယှဉ်နိုင်သည့် ကာယဗလသမားများ( နာဆာအယ်ဆွန်ဘတ်တီ၊ ကယ်ဗင်လက်ဗရုန်း၊ ပေါလ်ဒီလေးလ်၊ ဖလက်စ်ဝှီးလား) ၊ အကောင်သေးသော်လည်း သူ့ကို အမြဲတမ်း ခြိမ်းခြောက်နီုင်သည့် (ရှောင်ရေး) အစရှိသည့် နာမည်ကျော် မောင်များနှင့် တွေ့ကြုံခဲ့ရသဖြင့် မိမိရရှိခဲ့သော ချန်ပီယံ ဆုတံဆိပ်ကို သူများကို လွဲမပေးရအောင် အပြင်းအထန် ကြိုးစားခဲ့ရပြီး ဒဏ်ရာတွေလည်း အများအပြားရခဲ့ကာ ၁၉၉၇ ခုနှစ်အပြီးတွင် ပြိုင်ပွဲမှ အနားယူ ရသည်အထိ ဖြစ်ခဲ့သည်။ နောက်ပိုင်းတွင် ဇနီးသည်နှင့်အတူ ဂျင်မ် တစ်ခု ထောင်ကာ ကိုယ်ကာယ နည်းပြအဖြစ်လည်းကောင်း ၊ ၊အချိန်ပိုင်းနည်းပြ အဖြစ်လည်းကောင်း၊ ကာယဗလ ဆိုင်ရာ နီှးနှောဖလှယ်ပွဲများ တက်ရောက်ဟောပြောခြင်း၊ ဒိုင်လူကြီး အဖြစ် ဆောင်ရွက်ခြင်းများကို ပြုလုပ်ပြီး ကာယဗလဆိုင်ရာ လုပ်ငန်းများဖြင့် အသက်မွေးဝမ်းကြောင်းပြုလျက်ရှိသည်။ အောက်တွင် ဒိုရီယန်ပြောသော သူ့အကြောင်း  ၊သူ့အကြိုက် အချို့ကို တင်ဆက်ပေးလိုက်ပါသည်။

အသက် (၃၁)

မွေးနေ့ – ဧပြီလ (၁၉) ရက် – ၁၉၆၂

မွေးနက္ခတ် – Aries

ဗေဒင်ကို လုံးလုံးပုံပြီး ယုံကြည်အားထားသူမဟုတ်သော်လည်း၊ ဇာတာကို မကြာခဏတွက်ချက် စစ်ဆေးကြည့်ရှုတတ်သည်။ သူ၏မွေးနက္ခတ် အမှတ်အသားဖြစ်သော “သိုးထီး” (Ram) သည် သူ၏စရိုက် နှင့်လိုက်ဖက်ညီသည်ဟု ဒိုရီယံကပြောသည်။

အရပ်အမောင်း

၅ ပေ ၁၀ လက်မ

ပြိုင်ပွဲဝင် ကိုယ်အလေးချိန် (Contest weight)

၁၉၉၂ မောင်အိုလံပီယာပြိုင်ပွဲတွင် (၂၄၂)ပေါင်ဖြင့် အနိုင်ရခဲ့သည်။

၁၉၉၃ မောင်အိုလံပီယာပြိုင်ပွဲတွင် (၂၄၂)ပေါင်ဖြင့် အနိုင်ရခဲ့သည်။

အိမ်ထောင်ရေး အခြေအနေ

အိမ်ထောင်ရှိသည်။ ဇနီးသည်၏အမည်မှာ ဒက်ဘီ ဖြစ်ပြီး သားတစ်ယောက်၏ အမည်မှာ ”လူးဝစ္စ” (Lewis) ဖြစ်သည်။မှတ်ချက် (နောက်ပိုင်းတွင် ဘရားဇီး Fitness model Glauce Ferreira နှင့် ဒုတိယ အိမ်ထောင်ထပ်ပြုခဲ့သည်။(ပုံ တွင်လေ့လာနိုင်ပါသည်)

ပထမဆုံးပြိုင်ပွဲကြီးများ

အင်္ဂလန်နိုင်ငံ၊ “မိုးကင့်ဗ်” (Morecambe) တွင် ကျင်းပခဲ့သည့် ၁၉၈၅ခုနှစ် “အနောက်ဘက် ကမ်းခြေ တံခွန်စိုက်ပြိုင်ပွဲ” (1985 West Coast Championship) တွင် ပထမဆုံးစတင်ပါဝင်ယှဉ်ပြိုင်ခဲ့ပြီး ဗိုလ်စွဲခဲ့သည်။

အနိုင်ရခဲ့သောအဓိက  ပြိုင်ပွဲကြီးများ(အကျဉ်းချုပ်)

Major Wins

• ၁၉၈၆၊ ဗြိတိသျှ၊ ဟဲဗီးဝိတ်တန်း၊ တံခွန်စိုက်မောင်
• ၁၉၈၈၊ ဗြိတိသျှ၊ ဟဲဗီးဝိတ်တန်း၊ တံခွန်စိုက်မောင်နှင့် အတန်းအားလုံး၏ “တံခွန်စိုက်မောင်” (Overall Championship)
• ၁၉၉၁ ချန်ပီယံများ၏ မဟူရာည၊ တံခွန်စိုက်ပြိုင်ပွဲမောင် (Night of Champions)
• ၁၉၉၂ မောင်အိုလံပီယာ
• ၁၉၉၃ မောင်အိုလံပီယာ
• ၁၉၉၄ မောင်အိုလံပီယာ
• ၁၉၉၅ မောင်အိုလံပီယာ
• ၁၉၉၆ မောင်အိုလံပီယာ
• ၁၉၉၇ မောင်အိုလံပီယာ

အကြိုက်ဆုံး ကာယဗလမောင်များ

ထူးဆန်းသောကိုယ်ခန္ဓာရှင် ကာယဗလသမားများကို သဘောကျသည်။ ဥပမာအားဖြင့် “ကာဆီ-ဗီယေးတာ” (Casey Viator) နှင့် မိုက်ခ်-မင်ဇာ” (Mike Menzer) တို့ဖြစ်သည်။

ဘ၀တွင် စိတ်အလှုပ်ရှားဆုံးအချိန်

၁၉၉၂ခုနှစ် မောင်အိုလံပီယာပြိုင်ပွဲတွင် အနိုင်ရခဲ့စဉ်က ဖြစ်သည်။

ဘ၀တွင် စိတ်ဓာတ်အကျဆုံးအချိန်

၁၉၈၆ခုနှစ်၊ ဗြိတိသျှတံခွန်စိုက်၊ အတန်းပေါင်းစုံ “တံခွန်စိုက်မောင်” ဘွဲ့အတွက် ရှုံးခဲ့စဉ်က ဖြစ်သည်။

အများဆုံးကစားချင်သည့် ကြွက်သားများ

နောက်ကျောနှင့်အောက်ပိုင်းတို့ ဖြစ်သည်။ … ထိုကြွက်သားများမှာ အကြီးဆုံးကြွက်သားစု အစိတ် အပိုင်းများဖြစ်ရာ အလေးကြီးများဖြင့် အများဆုံးလေ့ကျင့်ရန်လိုအပ်သောကြောင့် ဖြစ်သည်ဟု ဒိုရီယံက ပြောသည်။

အနည်းဆုံးကစားချင်သည့် ကြွက်သား

ဝမ်းဗိုက်ကြွက်သားများဖြစ်သည်။ ၀မ်းဗိုက်ကြွက်သားများအတွက် လေ့ကျင့်ရသည်မှာ အလေးများမပါဘဲ အကြိမ်များစွာကစားရသောကြောင့် ဖြစ်သည်ဟု ဒိုရီယံကပြောပါသည်။

အကြိုက်ဆုံးလေ့ကျင့်ခန်း

ခါးကိုင်ဆွဲတင်ခြင်း (Barbell Rows) ဖြစ်သည်။ ထိုလေ့ကျင့်ခန်း ကစားနေစဉ်အတောအတွင်း နောက်ကျော အပေါ်ပိုင်း ၀င်းသားများကားထွက်လာသည်ကို ခံစားရသောကြောင့်ဖြစ်သည်ဟု ဒိုရီယံကပြောသည်။

မကြိုက်ဆုံးလေ့ကျင့်ခန်း

ပေါင်ရှေ့နောက်ခွဲထိုင်ထ (Lunges) ဖြစ်သည်။ ထိုလေ့ကျင့်ခန်းကို ဒိုရီယံမည်သည့်အခါမှ မကစားပါ။

အကြိုက်ဆုံးစာအုပ်

ကမ္ဘာ့ဟဲဗီးဝိတ် လက်ဝှေ့ချန်ပီယံ “ရော့ကီး-မာစီယာနူ” (Rocky Marciano) ၏ ကိုယ်ရေးအထ္ထုပ္ပတ္တိစာအုပ်။ သူ၏လူမှုရေး အခြေအနေနှင့် ကိုယ်လုံးကိုယ်ထည်၊ ကိုယ်ခန္ဓာအခြေအနေများက သူ့အတွက်တစ်ပန်းသာမှုမပေး သည့် အခြေအနေများက ကမ္ဘာ့တံခွန်စိုက်သရဖူကို ဆွတ်ခူးနိုင်သည်အထိ သူ၏ဇွဲနပဲနှင့် သတ္တိတို့ကို သရုပ်ဖော် ရေးသားထားသော စာအုပ်ဖြစ်သောကြောင့်ဖြစ်သည်ဟု ဒိုရီယံကမှတ်ချက်ပေးခဲ့သည်။

အကြိုက်ဆုံးရုပ်ရှင်

“ပလက်တွန်း” (Platoon) စစ်ကား။ … ထိုကားသည် စစ်၏အချည်းအနှီးဖြစ်မှုကို ဒိုရီယံအား စိတ်လှုပ်ရှား အောင် ခြုံငုံပြသနိုင်ခဲ့သောကြောင့်ဖြစ်သည်ဟု သူကဆိုသည်။

အကြိုက်ဆုံး သရုပ်ဆောင်မင်းသား

“ရောဘတ်-ဒီနီးရိုး” (Robert Denino)။ ဇာတ်ကောင်မျိုးစုံ၏ ဘ၀ကို ကျယ်ကျယ်ပြန့်ပြန့်၊ ပိုင်ပိုင်နိုင်နိုင် သရုပ် ဆောင်နိုင်ခြင်းကြောင့်ဖြစ်သည်။

အကြိုက်ဆုံး သရုပ်ဆောင်မင်းသမီး

“မယ်ရီလင်-မွန်ရိုး” (Marilyn Monroe)။ ပိတ်ကားပေါ်က တစ်ဆင့်မြင်ရတဲ့ မယ်ရီလင်ရဲ့ မျက်မှောက်ထင်ရှား မှုနဲ့ဖမ်းစားမှုဟာ အဓိပ္ပာယ်ဖော်ပြလို့ မရနိုင်လောက်အောင် အားကောင်းလှလို့ပါပဲလို့ ဒိုရီယံကအကြောင်းပြပါတယ်။

အကြိုက်ဆုံး အားကစားသမား

“ဘရုစ်-လီး” (Bruce Lee)  ဖြစ်ပါသည်။ သူလုပ်သမျှမှာ အကောင်းဆုံးတွေဖြစ်အောင် လုပ်နိုင်ခဲ့ပါတယ်။ ဒိုရီယံငယ်ငယ်က ဘရုစ်-လီးရဲ့ ကိုယ်လုံး၊ ကာယဗလအလှကို သဘောကျချီးကျူးခဲ့တယ်လို့ ဆိုပါတယ်။

အကြိုက်ဆုံးအစားအစာ

ငါး စတိတ်ကြော်

မကြိုက်ဆုံး အစားအသောက်

ရမ်အရက်တစ်ပိုင့်နဲ့ အိုက်စ်ကရင်တစ်ခွက်

အကြိုက်ဆုံး မော်တော်ကား

ဘီ-အမ်-ဒဗလျူ – ၇ (B M W – 7 Series)

အကြိုက်ဆုံး အပန်းဖြေချင်သည့်နေရာ

ဂျမေကာမှာ တစ်ပတ်လောက် အပျင်းထူပြီး အပန်းဖြေအနားယူလိုသည်။

ကာယဗလသမား ဖြစ်မလာခဲ့လျှင် …

ရော့တေးဂီတသမားတစ်ဦး ဖြစ်လာနိုင်သည်။ ဒိုရီယံက မိမိသည် တေးဂီတကိုချစ်သူဖြစ်ပြီး မနက် (၉) နာရီမှ ညနေ (၅) နာရီအထိ အလုပ်လုပ်ရသောအလုပ်မျိုးကို ဘယ်အခါကမှ စဉ်းစား၍ရနိုင်မည့်သူမဟုတ်ဟု ပြောပါသည်။

မိမိ၏ကာယဗလဘ၀ကို သြဇာသက်ရောက်သူများ

ဇနီး ဒက်ဘီနှင့် မောင်စကြာဝဋ္ဌာ “မိုက်ခ်-မင်ဇာ” ၏ အရေးအသား ဆောင်းပါးများ။

ဆုကြေးစား ကာယဗလအတွက် မကြိုက်ဆုံးအရာ

ခရီးသွားရသဖြင့် ကာယဗလလေ့ကျင့်မှု ပျက်ကွက်ရခြင်းကို မနှစ်မြို့ဆုံးဖြစ်သည်။

အကြိုက်ဆုံးရည်မှန်းခဲ့သော အရာ

မောင်အိုလံပီယာသရဖူကို အကြိမ်များစွာ အနိုင်ရရှိရန်ဖြစ်သည်။

ရေရှည်ရည်မှန်းချက်

ပျော်ရွှင်သောမိသားစု ဘ၀နေထိုင်ရေးနှင့်ငွေရေးကြေးရေး အာမခံချက်ရရှိရေးတို့ဖြစ်သည်။

တင်ဆက်သူ။  ။အောင်အောင် (aungaung.aung24@gmail.com)

နွေရာသီရဲ့ ပူပြင်းလှတဲ့နေရောင်ခြည်ကို အံတုလျှက် ကျွန်တော် ခေမာသီလမ်းမပေါ်မှာတည်ရှိတဲ့ Mr. Myanmar Gym ကို ရောက်ရှိခဲ့ပါသည်။ Gym ပိုင်ရှင်ကတော့ ပရိသတ်ကြီးလည်း သိပြီးသားဖြစ်သလို ကျွန်တော်တို့ ကာယဗလ၀ါသနာပိုးတွေကြားမှာ မြန်မာပြည်ရဲ့လက်ရှိ ကာယဗလချန်ပီယံတွေ အကြောင်းပြောကြကြေးဆိုရင် သူ့ကို လုံးဝမေ့ထားလိုမရ။ သူမပါရင် မပြီးတဲ့ မြန်မာပြည်ရဲ့ လက်ရှိနံပါတ်(၁)ချန်ပီယံ မြန်မာပြည်ရဲ့ အကြီးထွားဆုံး ပြိုင်ပွဲဝင်မောင်တစ်ဦး၊ အမြဲတမ်းပြုံးပြုံးရွှင်ရွှင်နေတတ်တာလည်း သူရဲ့ပင်ကိုယ် အကျင့်တစ်ခုလို့ဆိုရမလိုပါ။ သူကတော့ မြန်မာနိုင်ငံမှာ ၂၅ရက် ဖေဖော်ဝါရီက ကျင်းပခဲ့တဲ့ ၁၁ကြိမ်မြောက် အရှေ့တောင်အာရှ ကာယဗလ တံခွန်စိုက်ပြိုင်ပွဲမှာ ၉၀ ကီလိုတန်း၌ ရွှေတံဆိပ်ဆွတ်ခူးခဲ့သူ ကိုဝိုင်းချစ်(ခ)ကိုအောင်ဆွေနိုင်ပါ။ ကျွန်တော် ကိုအောင်ဆွေနိုင်ကို မျက်နှာချင်းဆိုင်တွေ့ပြီး သိချင်တာလေးတွေ မေးမြန်းချင်တဲ့ မြန်မာပြည်ကမောင်တွေ စာရင်းမှာ ထည့်ထားတာကြာပါပြီ။ သို့သော်လည်း ကျွန်တော်နှင့် ကာယဗလမောင်တွေနှင့်က ပြိုင်ပွဲကျင်းပသည့် အချိန်တွေမှသာ တွေ့ဆုံခွင့်ရပြီး ကျန်အချိန်များဆိုလျင် ကျွန်တော်လည်း ကိုယ်ရေးကိုယ်တာ ကိစ္စတွေနှင့် မအားလပ်၊ သူတို့နှင့်လည်း ဘယ်လိုမှအချိတ်အဆက်မမိ ဖြစ်နေပါတယ်။ တစ်နေ့ ကိုအောင်ဆွေနိုင်နှင့် ဖုန်းပြောကြရင်း ကျွန်တော် ကိုအောင်ဆွေနိုင်ကို သိချင်တာလေးတွေ မေးမြန်းချင်ပါတယ်။ ကျွန်တော်တို့ဆိုက်က ၀ါသနာရှင် တွေလည်း အကိုရဲ့ ကာယဗလအပေါ်မှာ ထားရှိတဲ့ အတွေးအခေါ်၊ အယူအဆ၊ အကိုပေးချင်တဲ့ အကြံဥာဏ်လေး တွေလည်း သိရအောင်ပါဆိုတော့ ညီလေးမင်းကြိုက်တဲ့ အချိန်လာခဲ့ပါ။ အကိုဒီရက်ပိုင်းအားတယ်ဆိုတာနဲ့ ကျွန်တော်လည်း ကိုအောင်ဆွေနိုင် Gym တည်ရှိရာ ခေမာသီလမ်းမကြီး ဆေးတက္ကသိုလ် (၂)ရှေ့သို့ ရောက်ရှိခဲ့ ပါတယ်။ ကျွန်တော်နှင့်အတူ တစ်ချိန်တုန်းက တွဲကစားဖက် ဇော်ဇော်လည်း ကိုအောင်ဆွေနိုင်ကို သိချင်တာတွေ မေးချင်တယ်ဆိုလို့ ကျွန်တော်တို့ (၂)ယောက် အတူတူသွားခဲ့ကြပြီး ကျွန်တော်တို့ရောက်ရှိချိန် ကိုအောင်ဆွေနိုင် ကလည်း ၀မ်းသာအားရနဲ့ ကြိုဆိုပါတယ်။

ညီလေးတို့ အေးဆေးထိုင်ကြကွာ၊ အကို Gym ကို တိုးချဲ့ဖို့အတွက် အလေးတွေကို အိမ်ပြန်ရွှေ့ အဆောက်အဦးဖြိုပြီး အကိုအသစ်ပြန်ချဲ့မှာမို့လို့ပြောပြီး သူ့ရဲ့တပည် လေးယောက် လောက်နဲ့ အလေးပြားများကို ကားပေါ်တင်လိုက် ကျွန်တော်တို့ကို စကားလှမ်းပြောလိုက်နဲ့ (၁၀)မိနစ်လောက် ကြာတော့ ကျွန်တော်လည်း မနေနိုင်တော့ဘူး၊ ကိုဝိုင်းချစ်ရဲ့ အလေးပြားတွေကို ကားပေါ် ၀ိုင်းသယ်ပေးရပါ တော့တယ်။ မြန်မြန်ပြီးအောင်ပါ။ ခဏနေတော့ သူရဲ့အိမ်တည်ရှိရာ ဥက္ကာ(၈)လမ်းကို ကျွန်တော်တို့ကိုခေါ်ပြီး စကားတွေဖောင်ဖွဲ့ပြီး ခရားရေသွန်း ပြောကြပါတော့တယ်၊ သိတဲ့အတိုင်းပေါ့ ကျွန်တော်ကလည်း ကာယဗလနဲ့ ပတ်သတ်ရင် ဗဟုသုတမှန်သမျှကို ခြလိုစုတတ်သူ။ ကိုအောင်ဆွေနိုင်ကလည်း ကာယဗလနဲ့ ပတ်သတ်တဲ့ ဗဟုသုတကို အခုလိုမျိုး ၀ါသနာတူတွေကို ပြောပြချင်သူ။ ကရင်ထန်းလျက်အိုးတွေ့တယ်ဆိုတဲ့ စကားပုံလိုပေါ့ဗျာ။ ကျွန်တော်တို့ဆိုက်အတွက် ကျွန်တော်သိချင်တာတွေ မမေးမြန်းခင် ကိုအောင်ဆွေနိုင်ရဲ့ ပြောစကားတွေကြားမှာ နစ်မျောရင်း ကိုအောင်ဆွေနိုင်ရဲ့ ကာယဗလအပေါ်မှာထားရှိတဲ့ စိတ်ဓာတ်၊ ဇွဲ၊ လုံ့လနှင့် လေ့လာမှုတွေကို တဖြည်းဖြည်းနှင့် ပိုမိုသိရှိခဲ့ပါတယ်။

ကိုအောင်ဆွေနိုင်ဟာ မြန်မာပြည်ရဲ့ လက်ရှိမောင်တွေထဲမှာ ကာယဗလ နည်းပညာ ဗဟုသုတ အတော်ကိုပြည့်စုံ့တဲ့ မောင်တစ်ယောက်ဆိုတာတော့မမှားပါဘူး။ သူ့ဆီမှာရှိတဲ့ မောင်အိုလံပီယာ ကာယဗလပြိုင်ပွဲ အခွေတွေလည်းဖွင့်ပြ၊ နိုင်ငံခြားမှ ၀ယ်ယူထားသော ကာယဗလမဂ္ဂဇင်းများ ကိုလည်း ပြသခဲ့ပါတယ်။ သူ့ရဲ့ပြောစကားတစ်ခုကတော့ “ကိုယ်တို့ ကာယဗလမောင်တွေဟာ အလေးတွေမ ကြွက်သားတွေရှိရုံနဲ့ အောင်မြင်တိုးတက်ပြီလို့ ထင်နေကြတယ်။ အမှန်တော့ ကာယဗလတိုးတက်တာ မဟုတ်ဘူး။ အသိညဏ်တိုးတက်အောင် ခေတ်နဲ့အမှီလိုက်နိုင်အောင် လေ့လာနိုင်ရမယ်။ အင်တာနက်၊ အင်္ဂလိပ်စကား အရေးအပြောနဲ့ အခြားသော လူမှုဆက်ဆံရေးတွေမှာလည်း ၀င်တိုးနိုင်ရမယ်။ ဒါမှလည်း ကိုယ့်အတွက် သာမက နိုင်ငံတော်အတွက်လည်း အကျိုးပြုတဲ့ လူသားတစ်ဦး ဖြစ်မှာဆိုတဲ့စကားလေးပါ။ ကျန်တဲ့ မြန်မာပြည်ကာလဗလ လောကမှ အတုယူတိုက်ဖွယ် အကြောင်းအရာတွေး။ နိုင်ငံခြားမှ မောင်အိုလံပီယာမောင်တွေရဲ့ ကာယဗလ အပေါ်မှာ ဘယ်လိုသုံးသပ်လေ့လာတယ်၊ ဘယ်လို စည်းကမ်းလိုက်နာတယ် ဆိုတဲ့  နိုင်ငံခြားခရီးစဉ်တွေမှာ တွေ့ကြုံခဲ့ရတာ တွေလည်း ပြောပြပါတယ်။ ဆောင်းပါးရှည်မှာစိုးလို့ ကျွန်တော် သိချင်တာလေးတွေကိုမေးမြန်းပြီး ပရိတ်သတ်ကြီး လည်း ပြန်လည်သိခွင့်ရအောင် အခုလိုမျိုး ဆောင်းပါး (၁) ပုဒ် အနေနဲ့ တင်ဆက် ပေးလိုက်ပါတယ်။

A.A       ပထမဦးဆုံး အကို့ရဲ့ မိဘနှစ်ပါးနှင့် အကို့ မွေးသက္ကရာဇ် လေးသိချင်ပါတယ်။

A.S.N   အရင်ဆုံး အကို အဘိုးကနေစပြောရရင် အဘိုးက မြူနီစပယ် ကျောင်းအုပ်ဆရာကြီး ရှေ့နေဦးဘကျော်။ ၀ိပသနာကျမ်းကြီး (၃)အုပ်လည်း အင်္ဂလိပ်လိုရေးခဲ့တယ်။ ဦးနာဂသေန ဆိုတဲ့နာမည်နဲ့ပေါ့။ အဖေက ဦးဥာဏ်စိန်၊ မြန်မာ့လက်ရွေးစင်ဘောလုံးသမား၊ အမေက ဒေါ်ခင်ကြည်၊ အထည်အလိပ်တွေ ကိုယ်တိုင်ဝယ် ကိုယ်တိုင်ဒီဇိုင်းထွင် ချုပ်တယ်။ ဖောက်သည်သွင်းတယ်။ မွေးချင်း (၁၀)ယောက်မှာ အကိုက (၉) ယောက်မြောက် အမကြီး (၆)ယောက်ရှိတယ်။ အိမ်နာမည်က ၀ိုင်းချစ် ခင်မင်တဲ့လူတွေကလည်း ၀ိုင်းချစ် လို့ပဲခေါ်တယ်။ ၁၉၇၆ ခုနှစ် အောက်တိုဘာ ၁၇ ရက်နေ့မှာ အကိုကို မြောက်ဥက္ကလာမှာပဲ မွေးတယ်။

A.A       အကို ကာယဗလ အားကစားအပြင် တစ်ခြား ဘယ်အားကစားကို ၀ါသနာပါတုန်း။

A.S.N   ခြင်းခတ်တာဝါသနာပါတယ်။အကိုက ငယ်ငယ်တုန်းက ပန်းတိမ်သင်ခဲ့တယ်။ (၈)တန်းပြီးခါစကပေါ့။ နောက်ပိုင်းမှာ ပန်းတိမ်ဖို ခေါင်းဆောင်လည်း ဖြစ်ခဲ့တယ်။ ညနေပိုင်း အလုပ်ပြီးတာနဲ့ အကို ၀ိုင်းခြင်းခတ်တယ်။ ခြင်းခတ်လည်း ၀ါသနာပါတယ်။ ဘုရားပွဲမှာလည်း အကို အဖွဲ့လိုက်ခတ်တယ်။ ခြင်းလုံးအဖွဲ့ချုပ်မှာလည်း အကို့ကို အမှုဆောင်အဖြစ် ခန့်အပ်ဖူးတယ်။ နောက်အကိုက ကျွမ်းထိုးတာလည်း အလယ်တန်းကျောင်းသားဘ၀ ကတည်းက လေ့ကျင့်ခဲ့တယ်။ အဲဒါကြောင့် အကို ကာယဗလအပြင် ခြင်းခတ်နဲ့ ကျွမ်းဘားလည်း ၀ါသနာ ပါတယ်။

A.A       အကို ကာယဗလ အားကစားကို ဘယ်အချိန်လောက်ကစပြီး စတင်ကစားဖြစ်သလဲ။

A.S.N   ၁၉၉၆ လောက်ကနေ အကိုစကစားပြီး ၁၉၉၇ ခုနှစ်ကနေစပြီး ပြိုင်ပွဲတွေဝင်ရောက် ယှဉ်ပြိုင်ခဲ့တယ်။ အကို အသက် (၂၀) မြန်မာစာ ပထမနှစ် တက်နေတဲ့ အချိန်လောက်ပေါ့။

A.A       အကိုရဲ့ ကာယဗလ လက်ဦးဆရာရှိရင် နာမည်လေးသိပါရစေ။

A.S.N   အကို့ရဲ့ လက်ဦးဆရာကတော့ အကိုရဲ့ အစ်ကိုကြီး ကိုသက်နိုင်ပါ။ သူက ၁၉၉၆ ခုနှစ် ကာယဗလ အဖွဲ့ချုပ်ရဲ့နည်းပြနှင့် ဒိုင်လူကြီးလက်မှတ်ရထားတဲ့သူပါ။ အစ်ကိုကြီး ကိုသက်နိုင်ရဲ့ လမ်းပြပေးမှု တွေကြောင့် အကို အဲဒီအချိန်က ကာယဗလအားကစားကို စတင်လေ့ကျင့်ဖြစ်တယ်။ နောက်ပိုင်း အစ်ကိုကြီး နဲ့ လိုက်သွားရင်း မြန်မာလက်ရွေးစင်မောင်တွေနဲ့ ရင်းနှီးခဲ့တယ်။ နောက်ပြီး ဆရာကျောက်ဘီလူး ဦးတင်မောင်ဆွေ ဆီအကို့ကို အပ်ပေးတယ်။ ဒုတိယဆရာကတော့ ဦးတင်မောင်ဆွေပေါ့။

A.A       အကို မြန်မာပြည်က မောင်တွေထဲက ဘယ်သူကို အားကျသလဲ။

A.S.N   အကိုကတော့ ဦးပြားကို အရမ်းလေးစားတယ်။ သူ့ကို အရမ်းကြည်ညိုတယ်။ ဒီအရွယ်ထိ ကာယဗလ အားကစားကို လိုက်စားပြီး ပြိုင်ပွဲတွေဝင်နေနိုင်တာချီးကျူးတယ်။

A.A       အကို ရရှိခဲ့တဲ့ ဆုတွေကို ပြောပြပေးလို့ရမလား။

A.S.N   ညီလေးရေ အကိုရခဲ့တဲ့ ဆုတွေက အများကြီးဆိုတော့ ညီလေးတို့လည်း အဆင်ပြေအောင် ပထမရခဲ့တဲ့ ဆုတွေကိုပြောပြမယ်။

၁၉၉၇ ခုနှစ်         အရှေ့ပိုင်းခရိုင် ကာယဗလမောင်       (ပထမ)

၁၉၉၈ ခုနှစ်         မောင်ဒဂုံ                                    (ပထမ)

၁၉၉၈ ခုနှစ်         YMCA                                      (ပထမ)

၁၉၉၈ ခုနှစ်         ရန်ကုန်တိုင်း                                (ပထမ)

၁၉၉၈ ခုနှစ်         ဧရာဝတီတိုင်း                              (ပထမ)

၁၉၉၉ ခုနှစ်         Crusher (21 နှစ်အောက်)             (ပထမ)

၁၉၉၉ ခုနှစ်         မောင်မြန်မာ (အငယ်တန်း)             (ပထမ)

၂၀၀၀ ခုနှစ်         မောင်မြန်မာ (အကြီးတန်း)              (တတိယ)

၂၀၀၉ ခုနှစ်         Crusher (အကြီးတန်း)                  (ပထမ)

၂၀၁၀ ခုနှစ်         မောင်မြန်မာ (အကြီးတန်း)              (ပထမ)

၂၀၁၁ ခုနှစ်         Crusher                                                (ပထမ)

၂၀၁၁ ခုနှစ်         မောင်မြန်မာ (အကြီးတန်း)              (ပထမ)

၂၀၁၁ ခုနှစ်         Crusher                                                (ပထမ)

၂၀၁၀ ခုနှစ်         အရှေ့တောင်အာရှ (၈၀ Kg)            (ပထမ)

၂၀၁၂ ခုနှစ်         အရှေ့တောင်အာရှ (၉၀ Kg)            (ပထမ) တွေရရှိခဲ့ပါတယ်။ ဒုတိယ၊ တတိယ ရခဲ့တာတွေမပါသေးဘူးနော်။ ညီလေးကို အခုပြောတဲ့ အထဲမှာ။

A.A       အကို အခုလိုမျိုး အောင်မြင်မှုတွေရရှိခဲ့တဲ့ အပေါ်မှာ အကို ဘယ်လိုမျိုးခံစားရလဲ။

A.S.N   အရမ်းပျော်တာပေါ့၊ အကိုက ကာယဗလနဲ့ ပတ်သက်ရင်အရမ်းရူးသွပ်တယ်။ အရမ်းလည်းလေ့လာချင်တယ်။ အကိုက နိုင်ငံခြားမှာလည်း (၃)နှစ်နီးပါးလောက် နေလာခဲ့တာလေ။ အကို့မိတ်ဆွေ တစ်ယောက်ရဲ့ ကျေးဇူးကြောင့်ပါ။ သူ့နာမည်က Eamonn လို့ခေါ်တယ်။ မြန်မာနိုင်ငံ UN မှာ လုပ်တဲ့ အကြီးအကဲ တစ်ယောက်ပေါ့။ အကိုနဲ့ Summit မှာ ခင်ရာကနေ ပိုရင်းနှီးပြီးတော့ အကို့ရဲ့ မွေးစားအဖေလိုဖြစ်ပြီး အကိုရဲ့ လိုအပ်မှုမှန်သမျှ၊ ကာယဗလနဲ့ ပတ်သက်တဲ့နည်းပညာ အချက်အလက်တွေကို သူ့ဆီကနေ တစ်ဆင့် အကူအညီရခဲ့တယ်။ နောက်သူ့တာဝန်နဲ့ ဂျီနီဗာပြောင်းတော့ အကိုလည်းလိုက်သွားတယ်။ သူ့ရဲ့ အကူအနေနဲ့ Information Center မှာ အချိန်ပိုင်းဝင်လုပ်တယ်။ အလုပ်ပိတ်ရက်ဆို သူ့ရဲ့မိတ်ဆွေတွေကို နည်းပြလုပ်ပေးတယ်။ ဒေါ်လာနဲ့ ရတာပေါ့ ညီလေးရာ။

A.A       အကိုရဲ့ နိုင်ငံခြားခရီးစဉ်တွေကနေ အကိုအတွက် အများကြီး အကျိုးရှိခဲ့တာပေါ့ ဟုတ်လားအကို။

A.S.N   အဲဒီလိုပြောလည်းရပါတယ်။ အကို ဂျီနီဗာမှာနေရင်း ကမ္ဘာကျော် ကာယဗလစာအုပ်တွေ၊ ဗီဒီယိုတွေ၊ website တွေလေ့လာတယ်။ နိုင်ငံခြားမှာ ကျင်းပတဲ့ ပြိုင်ပွဲတွေကို ဒေါ်လာရာချီပေးပြီး အကိုကြည့်တယ်။ အများကြီးအကျိုးအမြတ်ရှိပါတယ်။ အကို့အတွက်တော့ နိုင်ငံရပ်ခြား ခရီးစဉ်တွေ။

A.A       နိုင်ငံခြားခရီးစဉ်တွေထဲကနေမှ အကိုအတွက် အမှတ်တရဖြစ်ခဲ့တဲ့ ခရီးစဉ်လေးတွေရှိရင် ပြောပြပေးပါအုံး အကို။

A.S.N   အမှတ်တရတွေကတော့ အများကြီးပါ။ အဲဒီထဲကမှ အကို L.A ကို ရောက်ခဲ့တုန်းက ညီလေးတို့ကတော့ သိပြီးသားဖြစ်မှာပါ။ Gold’s Gym ဆိုတာလေ။ အကို အဲဒီကို ၀င်ပြီးကစားတယ်။ မောင်အိုလံပီယာ တွေလည်း တွေခဲ့ရသလို ဒင်းနစ်ဂျိမ်းစ်၊ လူးဖာရ်ရစ်နို၊ ခရစွကော်မီယာတို့နဲ့လည်း အကို စကားတွေ ပြောခဲ့တယ်။ အတူတူကစား၊ အတူတူစားသောက်ပြီး သိချင်တာလေးတွေ မေးမြန်းခဲ့တယ်။ ဒိုရီယန်ရိတ်စ် နဲ့လည်း နာရီဝက်လောက် စကားပြောခဲ့တယ်။ သူတို့နဲ့ စကားပြောရဖို့ အကို ဒေါ်လာရာချီပြီးပေးရတယ်။ ဒါပေမယ့် အကို သိချင်တာသိရဖို့ဆိုတော ပေးပျော်ပါတယ်။ ဂျာမနီကို ရောက်တုန်းကလည်း မားကပ်ရှုး၊ ဂွန်တာရှာလီယာကမ် တို့နဲ့လည်း စကားတွေပြောခဲ့တယ်။ သိချင်တာတွေ မေးမြန်းခဲ့တယ်။

A.A       အကို ဂျီနီဗာမှာ ဘယ်နှစ်နှစ်လောက်နေထိုင်ခဲ့တုန်း။

A.S.N   (၃)နှစ်နီးပါးလောက်နေခဲ့တယ်။၂၀၀၆ နှစ်ကုန်လောက်မှာ အကို မြန်မာပြည်ပြန်ရောက်တယ်။ အကို ရလာတဲ့ လုပ်အားခလေးနဲ့ အခုလက်ရှိ အိမ်ကို ၀ယ်တယ်။ ကာတစ်စီး ၀ယ်တယ်။ နောက်ပြီး အကို ပြိုင်ပွဲတွေအနားယူရာကနေ ပြန်လည် ယှဉ်ပြိုင် ခဲ့တယ်။

A.A       အကို ပြိုင်ပွဲမတက်တော့ဘူးလို့ ကျွန်တော်ကြားလိုက်သေးတယ်။ ဟုတ်လား။

A.S.N   အေး ဟုတ်တယ်။ အကို ပြီးခဲ့တဲ့အခေါက် နိုင်ငံခြားခရီးစဉ် ယှဉ်ပြိုင်မှုပြန်လာချိန်ကစပြီး မပြိုင်တော့ဘူးလို့ ဆုံးဖြတ်ခဲ့တယ်။ ဒါပေမယ့် ပြိုင်ပွဲမတိုင်ခင် ဗိုလ်ကြီးထွန်းမောင်ဆီသွားတော့ မင်းမနားပါနဲ့ ဆက်ပြိုင်ပါ။ မြန်မာပြည်ရဲ့ မောင်တွေထဲမှာ မင်းက အလားအလာအများကြီးရှိသေးတယ်။ ဒီထက်ကောင်းအောင် ထပ်ကြိုးစားပြီး မြန်မာဆိုတာကိုပြလိုက်ပါ။ ကာယဗလလောကကို မင်းဒီထက် အရောင်ပိုတောက်လာအောင် ကြိုးစားပေးကွာလို့ အကို့ကိုတိုက်တွန်းတယ်။ နည်းစနစ်တွေလည်း ရှင်းပြတယ်။ ဗိုလ်ကြီးထွန်းမောင် ဆိုတာ မြန်မာမှာသာမက ကမ္ဘာ့အဆင့်ပြိုင်ပွဲမှာတောင် နံပါတ် (၄)ရခဲ့သူပါ။ အခု အသက် (၈၀)ကျော်နေပြီ။

A.A       မြန်မာပြည်မှာ အခု Gym တွေကမိုးဦးကျမှိုပင် တွေလိုပေါများလာတဲ့အပေါ် အကို့အမြင်။

A.S.N   အကို့အမြင်ကတော့ ကောင်းပါတယ်။ ဒီလိုမျိုး ကျန်းမာရေးအကျိုးပြု လေ့ကျင့်ရုံတွေပေါ်လာတာ။ ဒါပေမယ့် ၀မ်းနည်းစရာတစ်ခုက ၁၀၀ မှာ ၈၀% က နည်းပြကောင်းမရှိဘူး။ နည်းစနစ်ကျကျနဲ့ သင်ပြပေးနိုင်တဲ့ နည်းပြကောင်းရှားတယ်။ Common Body Builder တစ်ယောက်အနေနဲ့ ဘာမှသိပ်အကျိုးမယုတ်ပေမယ့် Competitive Body Builder တစ်ယောက်အဖို့ကျတော့ ဒီလိုမျိုး နည်းစနစ်မမှန်တဲ့ နည်းပြတွေနဲ့ အခြေခံ ကကောင်းအောင် မကစားခဲ့တော့ ဘာကိုသွားတွေ့ရသလဲဆိုရင် အားနည်းချက်တွေ အများကြီးကို ပြန်ပြုပြင် ရတယ်။ ဒီနေရာမှာ အားနည်းချက်ဆိုတာက ပြန်ပြင်လို့ရတဲ့ အားနည်းချက်ရှိသလို တစ်ချို့အားနည်းချက် တွေကျ မမှီတော့ဘူး။ ဒါကြောင့် မိမိကိုယ်ကို သုံးသပ်ပါ။ ကိုယ်ဟာ ပြိုင်ပွဲဝင်မှာလား။ ဒါမှမဟုတ် ကျန်းမာရေးအတွက် နည်းနည်းပါးပါးနဲ့ ကြည့်ကောင်းရုံလားဆိုတာ။ ပြိုင်ပွဲဝင်ဖို့ ဆုံးဖြတ်ထားရင် တကယ့်ကို ထဲထဲဝင်ဝင် ကိုယ်တိုင်လည်း လေ့လာပါ။ သူများပြောစကားတွေကြီးပဲ မယုံပါနဲ့။ ကာယဗလအားကစားက အမြင်လွယ်တယ် အပြောလွယ်တာ ဒါပေမယ့် လက်တွေ့လုပ်ကြည့်ပါ တကယ့်ကို နက်နဲပါတယ်။

A.A       အကိုအနေနဲ့ မျိုးဆက်သစ်လူငယ်အပေါ်နှင့် အောင်မြင်မှုနဲ့ အလှမ်းဝေးနေတဲ့ ပြိုင်ပွဲဝင်မောင်အချို့ကို ပေးချင်တဲ့ အကြံဥာဏ်လေး။

A.S.N   မျိုးဆက်သစ်ကို အကိုပြောချင်တာက အခြေခံလေ့ကျင့်ခန်းတွေကို မမေ့ပါနှင့်။ ကမ္ဘာကျော် မဂ္ဂဇင်းတွေ၊ ဆေးဝါးတွေကို သိပ်မယုံပါနဲ့။ ဒါတွေက ကြွားလုံးတွေပါ။ အကုန်မမှန်ပါဘူး။ လေ့ကျင့်သက် (၁)နှစ်လောက် မရသေးခင်မှာ ဘယ် Supplement ကိုမှ မသုံးစွဲပါနဲ့။ Vitamin အားဆေးကိုပဲ မှီဝဲပါ။ အဟာရနှင့် အနေအထိုင် ဆင်ခြင်ပါ။ တကယ်တတ်ကျွမ်းနားလည်တဲ့ နည်းပြတွေထံမှာ လေ့လာသင်ယူပါ။ စတင်လေ့ကျင့်ကတည်းက အခြေခံမကောင်းရင် နောက်ပိုင်းတွေမှာ အများကြီး အခက်တွေ့စေပါတယ်။

အောင်မြင်မှုနဲ့ အလှမ်းဝေးနေသူတွေလည်း အကိုပြောချင်တာ အဓိက ဆရာကောင်းလည်း လိုပါတယ်။ ကိုယ်ထင်ရာ ကိုယ်လျှောက်လုပ်ရင် တော့ အချိန်ကုန် လူပန်းတာ ပဲ အဖတ်တင်မယ် လို့ ပြောချင်တယ်။

A.A       အာဟာရအပိုင်း အရေးကြီးပုံလေးကို ပြောပြပေးပါအုံး။

A.S.N   ကာယဗလအားကစားသမားတစ်ယောက်အတွက် အာဟာရအပိုင်းအလည်း အဓိက နေရာကနေပါဝင်တယ်။ လေ့ကျင့်မှုအစီအစဉ်တွေကိုသာ မှတ်တမ်းထားနေရုံနဲ့မပြီးဘူး။ တတ်နိုင်ရင် အာဟာရပိုင်းကိုလည်း မှတ်တမ်းစာအုပ်ထားပြီးဂရုတစိုက် မှတ်သားသင့်တယ်။ မြန်မာကာယဗလသမားအများစုက လိုအပ်တဲ့ ကယ်လိုရီပြည့်ဝအောင် စားသောက်တတ်ဖို့ အာဟာရပိုင်းဆိုင်ရာ တွက်ချက်စားသောက်တတ်မှုတွေ အများကြီးလိုတယ်။ အလေ့အကျင့် အများကြီးလိုတယ်။ ဒီနေရာမှာ နည်းပြဆရာတွေရဲ့ ဗဟုသုတ ပြည့်ဝဖို့လည်း လိုအပ်နေတယ်။ အားကစားကိုဝါသနာပါတဲ့ ဆရာဝန်တွေထံမှာ အာဟာရဗဟုသုတကို ဆည်းပူးလေ့လာကြဖို့လိုတယ်။

A.A       အကိုရဲ့ အာဟာရစားသောက်ပုံ နမူနာလေးပြောပြပေးပါလား အကို။

A.S.N   ပြိုင်ပွဲနီးရင် စားသောက်တဲ့စရိတ်က တစ်နေ့ကို လေးသောင်းလောက် ကုန်တယ်။ ကြက်ဥအလုံး (၉၀)လောက်နဲ့ အမဲသားကို တစ်နေ့ (၃)ကြိမ်လောက်စားတယ်။ စားသောက်မှုပုံစံကိုတော့ တစ်နေ့ (၆)ကြိမ် (၇)ကြိမ်လောက် ခွဲစားတယ်။ ပြိုင်ပွဲဝေးချိန်မှာ ကာဗိုဟိုက်ဒရိတ် ပိုစားတယ်။ နီးရင် ပရိုတိန်းနဲ့ ကာဗို ဟိုက်ဒရိတ် ဆတူစားတယ်။ Supplements အနေနဲ့ အကိုက ပရိုတိန်းပေါင်ဒါမှုန့်ရယ် ကာဗိုဟိုက်ဒရိတ် မှုန့်ရယ်ကို (၂)မျိုးရောပြီး သောက်သုံးတယ်။ လေ့ကျင်ခန်းမစခင်နှင့် လေ့ကျင်ခန်းစပြီးတွေမှာ အဲဒီအမှုန့် (၂)မျိုးပေါင်းနဲ့ ကြက်ဥ (၁၅)လုံး အကာချည်းပဲယူပြီး ဖျော်ရည်စက်ထဲထည့်ကြိတ်ပြီး သောက်တယ်။ (၂)ကြိမ်ဆိုတော့ အလုံး (၃၀)ပေါ့။ တစ်နေ့တာရဲ့ ကျန်တဲ့အချိန်တွေမှာလည်း ကြက်ဥအကာကို အကို စားတယ်၊ ပြိုင်ပွဲဝေးရင် အလုံး (၆၀)လောက်ပဲ စားတယ်။ Amino ဆေးလုံးလည်းသောက်တယ်၊ ပြိုင်ပွဲနီးရင် သီးသန့် ထပ်ပြီးတော့လည်း Supplements တွေ အကိုသောက်သေးတယ်။ မြန်မာပြည်က ကာယဗလ ကစားသမားအများစုက အာဟာရကို သေချာမတွက်ချက်ပဲ လေ့ကျင့်မှုကို ပိုပြီးကစားချင်ကြတယ်။ အဲဒါ အဓိက မှားနေတဲ့အချက်ပဲ။ တွက်ချက်စားသောက်တဲ့နေရာမှာလည်း မချက်ပြုတ်ခင်အလေးချိန်နဲ့ ချက်ပြုတ်ပြီး အသင့်စားသောက်တဲ့အလေးချိန်က တူနေရမယ်။ ဒါမှလိုအပ်တဲ့ ကယ်လိုရီတွက်ချက်မှုမှာ မှန်ကန်မယ်။ အကိုဆိုရင် တစ်နေ့တာအတွက် အာဟာရကို သေချာချိန်တွယ်ပြီး တွက်ချက်စားတယ်။ အမဲသားတောင်မှ ဈေးထဲမှာရောင်းတဲ့ အမဲသားမစားဘူး။ City mart မှာရောင်းတဲ့ နိုင်ငံခြားကလာတဲ့ အမဲသားကိုစားတယ်၊ အရမ်းကောင်းတယ် အဆီလုံးဝမပါဘူး။ အလေးချိန်လည်း အတိအကျတွက်တယ်။ မချက်ပြုတ်ခင်နဲ့ ချက်ပြုတ်ပြီး အလေးချိန် ကွာခြားတာတွေမရှိဘူး။ နောက်တစ်ချက်က ဗီတာမင်စုံအောင် စားပါ။ မစားနိုင်ရင် ဆေးဝါးတွေတွဲပြီးသောက်သုံးပါ။ omega (3)၊ vitamin (c), zinc ဆေးတွေလည်း အကို သောက်တယ်။ နောက်အသီးအနှံလည်း နေ့တိုင်းစားတယ်။ လိမ္မော်သီး၊ စပျစ်သီး၊ ပန်းသီးတစ်ခုခုပေါ့။

A.A       Supplements တွေ အပေါ် အကို့ အမြင်လေးသိချင်တယ်။

A.S.N   ဒီအကြောင်းနဲ့ ပတ်သက်ပြီးပြောရရင်တော့ မရှိမကောင်း၊ ရှိမကောင်းလို့ဆိုရမှာပေါ့။ အကို အခုန ပြောခဲ့သလိုပေါ့။ Supplements တွေ အပေါ်မှာ ကစားသမားတွေက အရမ်းအထင်ကြီးကျတယ်။ အထင်ကြီး လောက်အောင်လည်း အမျိုးမျိုးကြော်ငြာနေကြတယ်။ အထူးသဖြင့် လူသစ်ကစားသမားလေးတွေ မှားတတ် ကြတယ်။ ကစားသက် တစ်လလောက်နဲ့ ပရိုတိန်းမှုန့်တို့ အမိုင်နိုတို့ သောက်ချင်ကြတယ်။ ဒီလိုဖြစ်အောင် လည်း ဘယ်သူတွေကလုပ်သလဲဆို နည်းပြဆရာတွေနဲ့ ဆေးရောင်းသူုတွေပေါ့။ အမှန်တော့ Supplements ဆိုတာ workout မစခင်နဲ့ workout အပြီးတွက်တော့ အရမ်းအကျိုးရှိပါတယ်။ ကုန်ခမ်းသွားတဲ့ အရာကို ပြန်ဖြည့်ပေးဖို့လွယ်ကူပါတယ်။ ဒါပေမယ့် လူသစ်တွေအနေနဲ့ လုံးဝ(လုံးဝ) မသောက်သင့်ပါဘူး။ အကို ကိုယ်တိုင်လည်း ဈေးလာဝယ်တဲ့ လူရှိရင်မေးပါတယ်။ ကစားသက် ဘယ်လောက်ရှိလဲ။ အနည်းဆုံး ကစားသက် (၁)နှစ်ကျော်မရှိပဲ Supplements မသောက်ပါနဲ့။ အခြေခံလေ့ကျင့်ခန်းနဲ့ သဘာဝ အစား အသောက်တွေနဲ့ vitamin ဆေးလုံးလေးတွဲသောက် ဒီလောက်ဆိုရပါပြီ။ ဒါပေမယ့် အခုဟာက ကိုယ့်အတွက် အကျိုးအမြတ်ရပြီးရောဆိုပြီး မမေးမမြန်းပဲ ရောင်းချနေကြတာတွေ့နေရသလို ၀ယ်သုံးနေတဲ့ သူတွေလည်းရှိနေပါတယ်။ ညီလေးတို့ ဆိုက်လေးကနေ ဒီကိစ္စကို သတိပေးဖြစ်အောင်ပေးလိုက်ပါ။

A.A       လူသစ်တွေအပေါ်မှာ လေ့ကျင့်ခန်းနဲ့ ပတ်သက်ပြီး အကိုပေးချင်တဲ့ အကြံဥာဏ်ရှိရင်။

A.S.N   အဲဒါကျ ညီလေးရေ အရမ်းကျယ်ပြန့်တယ်လိုထင်တယ်။ ဘာလို့လဲဆိုတော့ လူတစ်ယောက်နှင့်တစ်ယောက် ခန္ဓာကိုယ်ဖွဲ့စည်းတည်ဆောက်ပုံ၊ အာနည်းအားသာထဲ ကြွက်သားအစိတ်အပိုင်း၊ သူရဲ့အတွင်းပါဝါ၊ သွေးပူတဲ့အခါမှာ ဖြစ်ပေါ်တဲ့ ကြွက်သားလှုံ့ဆော်နိုင်မှု၊ အာဟာရဘယ်လောက်မှီဝဲနိုင်သလဲ နှလုံးခုန်နှုန်း၊ ကျန်းမာရေးရာဇ၀င် ဒါတွေသိထားမှ သူနဲ့သင့်တော်တဲ့ လေ့ကျင့်ခန်းတစ်ခုကို နည်းပြတစ်ယောက်က ရေးဆွဲလို့ရမှာပါ။ ဂျင်မ်တွေမှာ အခုတွေ့ရသလောက်က ပရိုဂရမ်တွေပုံသေထားပြီး လာသမျှ လူသစ် လူဟောင်း မှန်သမျှ ဒီအတိုင်းသွားနေကြတာပါ။ အဲဒီတော့ ဘာသွားတွေ့ရသလဲဆိုတော့ အားနည်းမှုတွေ အများကြီးဖြစ်လာတယ်။ (၂)နှစ် (၃)နှစ်လောက် အဲဒီလိုကစားပြီး ပုံပန်းမကျတဲ့ ခန္ဓာကိုယ်တွေကို ပြန်လည် ပြုပြင်ရတာ ပိုခက်တယ်။ အကိုလည်းပြိုင်ပွဲတွေမှာ တွေ့ရပါတယ်။ တစ်ချို့ပြိုင်ပွဲဝင်လူငယ်လေးတွေ အချိုးအစားတော်တော်လှတယ်။ ဒါပေမယ် ဖြစ်မလာကြဘူး။ ဘာလို့လဲဆိုတော့က သူတို့မှာ ကိုယ်တိုင် လည်း ကိုယ်အားနည်းချက်ကို မပြုပြင်နိုင်ဘူး ပြုပြင်ပေးနိုင်တဲ့ နည်းပြကောင်းဆိုတာလည်းရှားတယ်။ ဒီမှာက အလေးမ ဗလကြီးပြီး နည်းပြဖြစ်နေသာကလွဲလို့ တစ်ခြားဗဟုသုတပိုင်းမှာ အားနည်းတဲ့နည်းပြတွေ အများကြီးရှိတယ်။ နည်းပြကောင်းတစ်ယောက်ဖြစ်ဖို့ဆိုတာ အတွေ့အကြုံ ဗဟုသုတ စာပေလေ့လာနိုင်စွမ်း အများကြီးလိုပါတယ်။

A.A       ပြိုင်ပွဲဝင် ကာယဗလသမားတစ်ယောက်မှာ ဘယ်လိုအချက်အလက်တွေရှိရမလဲဆိုတာလေး။

A.S.N   အကို့ရဲ့ အမြင်အရတော့

(၁)        Symmetry         (တစ်ကိုယ်လုံးရဲ့ ကိုယ်ကာယပြေပြစ်မှု)

(၂)        Proportion         (ကြွက်သားကြီးထွားမှု တစ်ခုနှင့်တစ်ခုညီညွတ်ခြင်း)

(၃)        Density             (ကြွက်သားသိပ်သည်းမှု)

(၄)        Muscularity       (ကြွက်သားကွဲပြားပေါ်လွင်မှု)

(၅)        Posture            (စင်မြင့်ပေါ်မှာ ရပ်လျက်အနေအထား)

(၆)        Posing Ability    (ကိုယ်ဟန်ပြစွမ်းရည်ကောင်းမှု) တို့ဖြစ်တယ်။ နောက်ပြီးတော့ ကျန်တဲ့ စည်းကမ်းပိုင်းဆိုင်ရာလိုက်နာမှု၊ လေ့ကျင့်ချိန်မှန်ကန်မှု၊ နည်းစနစ်မှန်ကန်မှု၊ အာဟာရအစားအသောက် တွက်ချက်စားသောက်ပုံ အများကြီးပါညီလေး၊ ပြောရရင် တစ်နေကုန်တောင်ပြီးမှာ မဟုတ်ပါဘူး။ (ထိုမေးခွန်းနှင့်ပတ်သက်၍ နောက်ပိုင်းတွင် ဆောင်းပါးတစ်ပုဒ်အနေဖြင့် သီးသန့်ရေးသားပါမည်။)

A.A       ကျွန်တော်တို့ရဲ့ Myanmar Fitness ဆိုက်အပေါ် အကိုရဲ့ သဘောထားလေးပြောပေးပါ။

A.S.N   သိပ်ကောင်းပါတယ်ညီလေးတို့ ဆိုက်လေးလည်း နာမည်တော်တော်ရလာပြီနော်။ ၀မ်းသာတယ်ကွာ ဒီဆိုက်ကို စထောင်တဲ့ နိုင်ေ၀၀င်းဆိုရင်လည်း အကိုရဲ့ညီလေးတစ်ယောက်လို သဘောထားပြီး အကို လိုအပ်တာတွေ ကူညီပေးခဲ့တယ်။ ဒီမှာရှိတဲ့ မောင်တစ်ချို့မှာတွေ့ရတဲ့၊ အကျင်စရိုက်တစ်ခုက  လူမျိုး ခွဲခြားပြီး ဆက်ဆံနေကြတာပါ။ အကိုကျတော့ အဲဒီအကျင့်မွေးကတည်းကမပါဘူး။ မြန်မာပြည်မှာနေတယ် မြန်မာ စကားပြောတယ် မြန်မာအ၀တ်အစား ၀တ်တယ်။ သူ့ဘာသာ ဘယ်လူမျိုးပဲဖြစ်ဖြစ် အကိုက မခွဲခြားဘူး။ ကာယဗလနဲ့ပတ်သက်ရင် မျိုးဆက်သစ်တွေကို လက်တွဲခေါ်တယ်။ တတ်နိုင်တဲ့ဘက်ကနေ ကူညီတယ်။ ဒီနေ့ထိလည်း ပြိုင်ပွဲဝင်နေတဲ့ မောင်တစ်ချို့ကို ကိုယ့်ဘက်ကနေ တတ်နိုင်သလောက် ကူညီတယ်။ ဆေးဝါး အာဟာရ၊ လေ့ကျင့်နည်းစနစ် အစရှိသည်ဖြင့်ပေါ့ကွာ။ ဘာပဲဖြစ်ဖြစ် လူငယ်ဆိုတာ အနာဂတ်ရဲ့ မျိုးဆက်ပဲလေ။ သူတို့အောင်မြင်ရင် တို့မြန်မာပြည်ရဲ့ ဂုဏ်တက်တယ်။ အဖွဲ့ချုပ်အတွက်နာမည်ရတယ်။ ညီလေးတို့ဆိုက်ဆိုရင်လည်း အခု အကိုဘယ်ဂျင်မ်သွားသွား ကြားနေရတယ်။ ဒါဘာကိုပြလဲဆိုတော့ ညီလေးတို့ရဲ့ ကာယဗလအပေါ်မှာထားတဲ့ စေတနာ၊ ၀ါသနာကို ပြတာပဲ။ အခုလို ရပ်တည်လာနိုင်တာ ပြောတာပါ။ အားလုံးစုပေါင်းပြီး ဖေးဖေးမမနဲ့ သတင်းသမားလည်း သတင်းသမားအလျောက်၊ ကစားသမား လည်း ကစားသမားအလျောက် လက်တွဲညီညီနဲ့ ထိုးဖောက်ပြီး နိုင်ငံတကာမှာ မြန်မာကာယဗလကို မြှင့်တင်နိုင်ရင် အကောင်ဆုံးလို့ထင်ပါတယ်။

A.A       အကို့ရဲ့ လေ့ကျင့်ခန်းနည်းစနစ်လေး ပြောပြပေးလို့ရမလား။

A.S.N   အကိုက တစ်ပတ်ကို (၄)ရက်လောက်ပဲ ကစားတယ်၊ တစ်ရက်ကစား၊ တစ်ရက်နားပေါ့။ ပထမနေ့ အတွန်း လေ့ကျင့်ခန်း၊ ဒုတိယနေ့ အဆွဲလေ့ကျင့်ခန်း၊ တတိယနေ့ အောက်ပိုင်း အဲဒီလိုမျိုးကစားတယ်း။ သွေးပူကနေ လေ့ကျင့်ခန်းပြီးဆုံးချိန်အထိ ၄၅မိနစ်ထက်ပိုမကစားဘူး။ ပြိုင်ပွဲနားနီးရင် တစ်ပတ်(၆)ရက်ကစားတယ်။ အားနည်းတဲ့ အစိတ်အပိုင်းတွေကို ပိုပြီးဖိကစားတယ်။ အဲဒီအချိန်ကျရင် တစ်ခါတစ်လေ အကြောင်း အမျိုးမျိုးကြောင့် ဂျင်မ်မှာ မကစားစဖြစ်ရင် အိမ်မှာ ရေချိုးကာနီး တစ်ကိုယ်လုံးကို ထိရောက်စေတဲ့။ လေ့ကျင့်ခန်းလောက်တော့ ကစားဖြစ်အောင်ကစားတယ်။ လုံးဝမကစားပဲမနေဘူး။ ပြိုင်ပွဲပြီးရင် (၁၀)ရက် လောက်တော့ လုံးဝမကစားပဲ နားလိုက်တယ်။

A.A       ကိုယ်ဟန်ပြလေ့ကျင့်မှုနဲ့ ပတ်သက်ပြီးတော့ အကို ဘယ်လို လေ့ကျင့်သလဲ၊ မောင်အိုလံပီယာတွေထဲက အကိုကြိုက်တဲ့ ကိုယ်ဟန်ပြကောင်းတဲ့ ကာယဗလမောင် တွေရှိရင် ပြောပြပေးပါအုံး။

A.S.N   ကိုယ်ဟန်ပြလေ့ကျင့်မှုကတော့ အကို နေ့တိုင်းလိုလို အားတဲ့အချိန်တိုင်း အိမ်မှာလေ့ကျင့်တယ်။ အကို အိမ်မှာ မှန်တွေချိပ်ထားတယ်လေ။ နိုင်ငံခြား မောင်အိုလံပီယာတွေထဲကဆိုရင် ရှောင်ရေး၊ ဒက်စ်တာ ဂျက်ဆင်တို့ရဲ့ ကိုယ်ဟန်ပြပုံတွေကို အရမ်းသဘောကျတယ်။ ဒက်တာဂျက်ဆင်ဆိုရင် ကိုယ်ဟန်ပြတင် မကဘူး၊ သူ့ရဲ့ခန္ဓာကိုယ်အချိုးအစားရယ် မာဆယ်ကွဲပြားပေါ်လွင်မှု ကြွက်သားတွေ သူ့နေရာနဲ့သူ ပြည့်စုံနေတာတို့က အရမ်းကြည့်လို့ကောင်းတယ်။ ပန်းချီကားတစ်ချပ်ဆွဲရင်တော့ သူခန္ဓာကိုယ်ကို လိုက်မှီမယ်မထင်ဘူး။ ရှောင်ရေးကျတော့ မောင်အိုလံပီယာတွေထဲမှာ အကောင်အသေးဆုံးလို့ ပြောလို့ ရတယ်။ ဒါပေမယ့်သူ့မှာ မွေးရာပါ ကြွက်သားလှုံ့ဆော်မှု ကောင်းတယ်ဆိုတာ သွေးပူလာရင်ကြွက်သားတွေ ဖောင်းကြွလာပြီး အကောင်ကြီးလာတာကို ပြောတာ။ ဒီအချက်ကလည်း ပြိုင်ပွဲဝင်မောင်တစ်ယောက်မှာ ရှိသင့်တဲ့ ဘုရားပေးတဲ့ လက်ဆောင်ပေါ့။ လူတိုင်းမှာ ဒီလိုမျိုးမွေးရာပါ အားကောင်းတဲ့ ကြွက်သား၊ အားနည်းတဲ့ ကြွက်သားအကုန်ရှိပါတယ်။

A.A       ကိုယ်ဟန်ပြနဲ့ ပတ်သက်ပြီး ပြိုင်ပွဲဝင်လူငယ်တွေကို ဘာများပြောချင်သလဲ။

A.S.N   ကိုယ်ဟန်ပြနှင့်ပတ်သက်ပြီး လူငယ်တွေကို ပြောချင်တာ။ နေ့တိုင်း အချိန်ရတိုင်းလေ့ကျင့်ပေးပါ လေ့ကျင့်တဲ့နေရာမှာလည်း ကိုယ်ထက် စီနီယာကျတဲ့ သူတွေဆီက သင်ယူလေ့လာပါး။ ပြိုင်ပွဲအခွေတွေကို ကြည့်ပြီး နည်းလမ်းယူပါ။း နောက်တစ်ခုက ခန္ဓာကိုယ်ပျော့ပျောင်းမှုရှိအောင်လည်းကြိုးစားပါ။ လေ့ကျင့်ပါး။ ပျော့ပျောင်းမှုရှိတဲ့ ခန္ဓာကိုယ်ဟာ လေ့ကျင့်ခန်းပြုလုပ်စဉ်မှာလည်း ဒဏ်ရာရမှုမှ ကင်းဝေးစေသလို posing ပြရာမှာလည်း အများကြီး အထောက်အကူပြု အကျိုးရှိပါတယ်။ နိုင်ငံခြားမှာဆိုရင် ကိုယ်ဟန်ပြ လေ့ကျင့်မှုကို အကနည်းပြဆရာတွေဆီမှာ သီးသန့်သင်ယူတယ်။ နောက် yoga လေ့ကျင့်ခန်းတွေလည်းကစားပါ။ အကိုလည်း ကစားတယ်။ မိမိရဲ့အားနည်းချက်ကို တတ်နိုင်သရွှေ့ရှောင်ပြီးပြပါ။ အားသာချက်ရှိတဲ့ ကြွက်သားကို ဒိုင်တွေရဲ့မျက်စိမှာ စွဲကျန်နေအောင်ပြနိုင်တာလည်း ကိုယ်ဟန်ပြကောင်း မောင်တစ်ယောက်ဖြစ်စေတယ်။ ဒါကြောင့် ကိုယ်ဟန်ပြပုံ အမျိုးမျိုးကို လေ့လာပါ။ လေ့ကျင့်ပါ။ မိမိနဲ့ လိုက်ဖက်တဲ့ ကိုယ်ဟန်ပြပုံတွေကို ရှာဖွေပါ။ တီထွင်ဆန်းသစ်ပါလို့ ပြောချင်ပါတယ်။

A.A       Training အပေါ်မှာထားရှိရမဲ့ စိတ်ဓာတ်ပိုင်းဆိုင်ရာလေးလည်းပြောပြပေးပါအကို။

A.S.N   ကိုယ့် Training အပေါ်မှာ ကိုယ်တိုင်ယုံကြည်စွာနဲ့ လေ့ကျင့်ရမယ်။ အချိန်တန်ရင် ၀တ္တရားတစ်ခုကြီးလို အမြဲတမ်းစိတ်ထဲမှာ ထည့်မထားပဲ။ ကိုယ်နေ့တိုင်းလုပ်နေကျ သာမန်အလုပ်တစ်ခုလို သဘောထားပြီး ယုံယုံကြည်ကြည်နဲ့လေ့ကျင့်ရမယ်။ လေ့ကျင့်ချိန်မှာလည်း စိတ်အာရုံမပျံလွင့်စေပဲ လေ့ကျင့်ခန်းပြုလုပ်ပုံ မှန်ကန်ဖို့နဲ့ ကြွက်သားတွေအလုပ်လုပ်ပုံ အပေါ်မှာ အာရုံစူးစိုက်ထားရမယ်။ ကစားနေတဲ့ ကြွက်သာတွေ ဘယ်လိုကြီးထွား လာသလဲဆိုတာကို စိတ်အာရုံနဲ့တွေးထင်မှန်းဆကြည့်ရမယ်။ ကိုယ်ကစကစားကတည်းက စိတ်တန်ခိုးကို မြှင့်တင်ထားရမယ်။ ဒီအလေးက ဘယ်လောက်တောင်လေးနေမလဲ၊ ငါမနိုင်လောက်ဘူးဆိုပြီး စိတ်ဝင်လိုက်ကတည်းက သူရဲ့လေ့ကျင့်မှုမှာ ကျဆုံးမှုက တစ်ဝက်ဖြစ်သွားပြီ။ ကစားနေတဲ့ အကျောတစ်ကျောဟာ အကြိမ်မစေ့ခင်မှာတင် ဈာန်လျောကျတတ်တယ်။ ဒါကြောင့် လေ့ကျင့်ချိန်မှာ စိတ်ဓာတ်ကို မြှင့်တင်ပေးထားနိုင်သူဟာ ကာယဗလလေ့ကျင့်မှုကို အောင်မြင်မှုပေးနိုင်တဲ့ လက်နက်တစ်ခုပါ။

A.A       အကိုရဲ့ Mr. myanmar Gym တည်ရှိရာ လိပ်စာနဲ့ Gym နာမည်လေးဖြစ်ပေါ်လာ ပုံလေးလည်းသိပါရစေ။

A.S.N   ဒီနာမည်လေးက အကို မောင်မြန်မာဆုရရင်ပေးမယ်ဆိုပြီး ရည်ရွယ်ထားခဲ့တာ။ ကိုယ့်ရဲ့ကြိုးစားမှုကြောင့် မောင်မြန်မာရခဲ့တယ်။ အဲဒါနဲ့ ဒီနာမည်လေးဖြစ်ပေါ်လာတာ၊ အရင်က အကို Gym ကဘာနာမည်မှမရှိဘူး။ လိပ်စာက ဆေးတက္ကသိုလ် (၂)ရှေ့ ဥက္ကာမှတ်တိုင်ဆင်းလိုက်တာနဲ့ အကို Gym ကို တွေ့ရပါတယ်။ ခေမာသီလမ်းမကြီး ပေါ်မှာလေ။ သင်တန်းကြေးက အကို (၂)သောင်းယူဖို့စိတ်ကူးထားတယ်။ ပြန်ပြုပြင်ပြီးရင် ဖွင့်ပွဲတွေဘာတွေလုပ်မယ်။ ဒီပြင် Gym နဲ့တော့မတူ တစ်ခုခုတော့ ထူးခြားမှာပါ။ အကို ကိုယ်တိုင်နည်းပြလုပ်ပေးမှာပါ။

A.A       အကို့ကို personal Trainer လည်းငှားလို့ရတယ်ဆို ဟုတ်လားအကို။

A.S.N   ဟုတ်တယ်ညီလေး အကို အချိန်ပိုင်း ပြပေးပါတယ်။ တစ်နေ့(၁)နာရီပေါ့။ အရင်ကလည်း အနုပညာရှင်တွေကိုလည်း အကိုပြပေးဖူးတယ်း။ ဇော်ဝင်းထွဠ် ၊ ကော်နီ၊ တင်ဇာမော်၊ ၀ိုင်းဝိုင်း အစုံပါပဲ။ မတတ်နိုင်တဲ့ လူဆိုလည်း အကို Gym ကိုလာခဲ့ပါ အကိုပြပေးပါတယ်။ ။ အကို တတ်နိုင်သလောက် ကာယဗလနဲ့ ပတ်သက်ပြီး သင်ပေးဖို့အသင့်ပါ။

A.A       အကိုအနေနဲ့ လူသစ်တွေကို ထပ်ပြီးမှာချင်တဲ့ စကားလေးတွေရှိရင်လည်း ပြောပေးပါအကို

A.S.N   လူသစ်တွေကို ပြောချင်တာက ကိုယ်နဲ့လိုက်ဖက်တဲ့ လေ့ကျင့်ခန်းကို ရွေးချယ်လေ့ကျင့်ပါ။ နည်းပြကောင်းထဲမှာ တပည့်ခံယူပါ။ နည်းပြကောင်းဆိုတာကလည်း ကာယဗလ ဗဟုသုတ တစ်ခုတည်း ပြည့်စုံရုံနဲ့ နည်းပြကောင်းလို့ မခေါ်နိုင်ဘူး၊ အခြားသော လူမှုရေး၊ စကားအပြောအဆိုကအစ သင်ယူပေးနိုင်ရမယ်။ အကိုဆိုရင် ကာယဗလ နယ်ပယ်မှာ (၁၀)နှစ်ကျော်လောက်တောင်ဝါးဝါးဖြစ်ခဲ့တာ။ ဒါကြောင့် လူသစ်တွေအနေနဲ့ စတာထွက်ကတည်းက နည်းပြကောင်းကိုရှာပါ။ ကစားသက် (၁)နှစ်မကျော်ပဲဘယ် supplements မှမသောက်ပါနဲ့။ Training မှန်မှန်၊ အစားအသောက်မှန်မှန်နဲ့ vitamin ဆေးလေးပုံမှန်မှီဝဲရင်ရပါတယ်။ နိုင်ငံခြား ကာယဗလ မဂ္ဂဇင်းတွေ ဆေးဝါးကြော်ငြာတွေကို မယုံပါနဲ့။ အဲဒါတွေက ရိုက်စားတွေပ်။ လူသစ်တွေ အတွက်က အဲဒါတွေ မလိုပါဘူး။ တစ်ချို့အဲဒီ အာဘော်တွေကို အယုံလွန်ပြီး overtraining တွေဖြစ်လို့ ဖြစ်မှန်းမသိကြဘူး။ အချိန်တန်တော့ တိုးတက်မှုမရှိပဲ ဘူးသီးနုနု အမွေးသပ်သလိုဖြစ်သွားတယ်။ ချန်ပီယံတွေ ပြောတဲ့စကားတွေ၊ ချန်ပီယံတွေ လေ့ကျင့်တဲ့ကစားနည်းတွေဆိုတာ သူတို့လိုမျိုး ခန္ဓာကိုယ် တည်ဆောက်ပြီးသား အချောကိုင်ရုံပဲကျန်တဲ့ လူတွေအတွက်သာသင့်တော်ပါတယ်။ လူသစ်တွေ အတွက်တော့လုံးဝ မလိုအပ်ပါဘူး။ အပင်တစ်ပင်ကို နှိုင်းပြီး ဥပမာပြရရင် အပင်သေးသေးလေးကို နေ့တိုင်း ပေါင်းသင်မြက်ရှင်းပြီး ရေမှန်မှန်လောင်းနေတာကို အားမရပဲ အပင်ကြီးချင်ဇောနဲ့ ရေတွေအများကြီးလောင်း၊ မြေသြဇာတွေ အများကြီးကျွေးရင် ဒီအပင် ဘာဖြစ်သွားမလဲဆိုတော့ ကြီးလာမှာတော့မဟုတ်ဘူး။ အမြစ်ပုပ်ပြီး သေရင်သေ မသေရင် မြေဆီလွှာခန်းပြီး ဆိုးကျိုးပေးသလိုပါ။ လူသစ်တွေလည်း အခြေခံ လေ့ကျင့်ခန်းတွေကို ကစားပါ။ အဆင့်ကျော်ပြီး ကိုယ်ထက်အများကြီး စီနီယာကျတဲ့ လူတွေကို အားကျပြီး အကြိမ်တွေ၊ အကျော့တွေ အများကြီး မကစားမိပါစေနဲ့။ ပုံမှန်လေးသာကစားပါ။ ဖြစ်နိုင်ရင် (၁)ရက်ခြားကစားပါလို့ ပြောချင်တယ်။ နောက်ဆုံး ပြောချင်တဲ့ စကားတစ်ခွန်းကတော့ ကိုယ့်ကြောင့် “မြန်မာကာယဗလလောကကြီးကို အရောင်မမှိန်ပါစေနဲ့” တတ်နိုင်တဲ့ဘက်ကနေ ၀ိုင်းပြီးအရောင်ခြယ်ပေးကြဖို့ အကိုပြောချင်ပါတယ်။ မျိုးဆက်သစ်တွေကိုလည်း လက်တွဲခေါ်ကြပါ။ လိုအပ်တဲ့ အကူအညီကိုလည်း တတ်နိုင်တဲ့ဘက်ကနေ ကူညီကြပါ။

A.A       အကို အခုလို စိတ်ရှည်လက်ရှည် ဖြေကြားပေးတာ ကျေးဇူးပါအကို

A.S.N   အေး ညီလေးတို့ကိုလည်း ကျေးဇူးတင်ပါတယ်။ အကိုဆီကိုလည်း အချိန်မရွေး ဆက်သွယ်နိုင်ပါတယ်။အကို ဖုန်းနံပါတ်က ၀၉ ၅၁၂၇၅၆၇ ပါ။

တင်ဆက်သူ။   ။အောင်အောင်(aungaung.aung24@gmail.com)

“ကာယဗလ လေ့ကျင့်မှုဆိုတာဘာလဲ”

ကာယဗလသမားများ (Body builders)ဟာ သူတို့ရည်မှန်းတဲ့ ကိုယ်ခန္ဓာ ကာယဗလဖွံ့ဖြိုးမှု ရည်မှန်းချက် အတွက် အလေးတွေ မ,ပြီး လေ့ကျင့်ကြရပါတယ်။ ဒါပေမယ့် ကာယဗလအတွက် လေ့ကျင့်ရာမှာ အလေးတွေ အများဆုံး မ,နိုင်တာက အရေးအကြီးဆုံး မဟုတ်ဘူး။ ကာယဗလလေ့ကျင့်မှုရဲ့ အဓိကရည်ရွယ်ချက်က ကြွက်သားထု၊ ကြွက်သားကွဲပြားပေါ်လွင်မှု၊ အချိုးအစားကျကျနဲ့ လှပပြေပြစ်မှုတို့ရရှိဖို့ လေ့ကျင့်ခန်းတိုင်းအတွက် လုံလောက်တဲ့ အလေးတွေနဲ့ ကစားရေးပဲ ဖြစ်ပါတယ်။

အလေးမသမားများ (Weightlifters)ကျတော့ ကိုယ့်အတိုင်းအတာနဲ့ အစွမ်းကုန် အလေးများများကို မ,နိုင်ဖို့ အလေးနဲ့ လေ့ကျင့်ရပါတယ်။ ပြီးတော့ ပြိုင်ပွဲမှာ ကိုယ်ပြိုင်ရမယ့် အလေးမ,နည်းတွေအတွက် နည်းစနစ်ဆိုင်ရာ လေ့ကျင့်မှုတွေ လုပ်ကြရပါတယ်။

ကာယဗလသမားတွေနဲ့ အလေးမ,သမးတွေကို နှိုင်းယှဉ်ကြည့်လိုက်ရင် ကာယဗလသမားတွေဟာ အလေးမ,သမားတွေလောက် ခွန်အားမသန်ကြဘူးလို့ ယူဆခဲ့ကြပါတယ်။ ကာယဗလသမားတွေ ကစားထားတဲ့ အဖု အထစ် ကြွက်သားကြီးတွေဟာ အားရှိတဲ့ ကြွက်သားစစ်စစ်တွေ မဟုတ်ဘူးလို့တောင် အပြောခံရတတ်ပါသေးတယ်။ တကယ်တော့ မမှန်ပါဘူး။ ခွန်အားဆိုတာ ကြွက်သားထုထည်နဲ့အတူ ပေါက်ဖွားလာရတာပါ။ အခုခေတ် မောင်လူသန် ပြိုင်ပွဲတွေမှာ ကာယဗလသမားတွေရဲ့ ခွန်အားကောင်းပုံတွေက သာဓကပြနိုင်ခဲ့ပါတယ်။

“ခုခံအားဝန်တိုးလေ့ကျင့်မှုသဘောတရား”ဟာ ကာယဗလသမားတွေ၊ အလေးမသမားတွေ၊ တချို့ အားကစားနည်းအတွက် အားကစားသမားတွေ၊ ဒဏ်ရာရမှုကြောင့် ကိုယ်ခန္ဓာ ပြန်လည်တည်ဆောက်မှုအတွက် လေ့ကျင့်ကြသူတွေ၊ ကျန်းမာပြီး ကြံ့ခိုင်မှုပြည့်ဝအောင် လေ့ကျင့်ကြတဲ့ သန်းပေါင်းများစွာသော သူတွေအားလုံးအတွက် တူညီတဲ့အခြေခံအကျဆုံး လေ့ကျင့်မှုပဲဖြစ်ပါတယ်။

အလေးနဲ့လေ့ကျင့်ခြင်း (Weight Training) ဆိုတာကတော့ ယေဘုယျ အကျဆုံးပြောရရင် လှုပ်ရှားမှုအချို့ကိုပိုပြီး ခက်ခဲအောင် အလေးပိုပြီးကစားရတာဖြစ်ပါတယ်။

ဥပမာ အပြေးသမားတွေက ခြေမျက်စိမှာ အလေးခြေကျင်းဝတ်ပြီး အပြေးကျင့်တတ်ပါတယ်။ ဘေ့စ်ဘောကစားသမားတွေက ထိပ်ခေါင်းမှာ ခဲဖြည့်ထားတဲ့ ရိုက်တန်နဲ့ လွှဲရိုက်တာကျင့်တတ်ကြပါတယ်။ ဘောလီဘောသမားတွေ၊ အမြင့်ခုန်သမားတွေက ခဲထည့်ထားတဲ့ လက်ပြက်အင်္ကျီကို ၀တ်ပြီး အခုန်ကျင့်တတ်ကြတယ်။ အခုခေတ်မှာဆိုရင် အားကစားသမား အားလုံးလိုလိုဟာ ကိုယ်အားကစားနည်းအတွက် အဓိကအသုံးပြုရမယ့် ကြွက်သားတွေ သန်ဖို့၊ မြန်ဖို့အတွက် သာမန်ဘားတိုဘားရှည် အလေးတွေနဲ့ လေ့ကျင့်ကြသလို ခေတ်မီစွယ်စုံ ကိုယ်ကာယလေကျင့်မှုစက်ကြီးတွေ (Multi-Purpose Macines) နဲ့ ကစားနေကြတယ်မဟုတ်လား။

အလေးဖြင့် လေ့ကျင့်ခြင်းအကျိုး မျှော်ကိုးစရာ

အလေးမသူ အတော်များများဟာ အလေးနဲ့ လေ့ကျင့်ခြင်းရဲ့အကျိုးကို ကောင်းစွာနားမလည်ကြဘူး။ တချို့ဆိုရင် အလေးရုံထဲမှာ လာကစားပြီး ပြောတတ်ကြသေးတယ်။ “ကျွန်တော်ကတော့ ကြွက်သားကြီးတွေ သိပ်ကြီးချင်လို့တော့မဟုတ်ဘူး။ ကိုယ်လုံး ကျစ်လစ်တောင့်တင်ချင်လို့ အလေးလာကစားတာပါ” ဆိုတဲ့ အပြောမျိုး ပေါ့ဗျာ။ အမလေး ကြွက်သားတွေ ကြီးထွားဖို့ဆိုတဲ့ကစ္စဟာ လွယ်တာများမှတ်လို့။ မကြီးထွားနိုင်ဘူးလို့တော့ မပြောလိုပါဘူး။ ဒါပေမယ့် ကြီးအောင်ကစားဖို့ဆိုတာ အလွန်ခက်ပါတယ်။ မောင့်အိုလံပီယာ ပြိုင်ပွဲဝင်အဆင့်အတန်း ရောက်အောင် ကာယဗလသမားတစ်ဦးဟာ (၈)နျစ်ကနေ (၁၂)နှစ်လောက်ကြာအောင် သံမဏိစိတ်ဓာတ် အဓိဌာန်နဲ့ ပြင်းပြင်းထန်ထန် ကစားယူရတယ်ခင်ဗျ။ ဒါတောင်မှ ကိုယ့်မှာကြွက်သားတွေကြီးထွားနိုင်တဲ့ မျိုးရိုးဗီဇကပါဦးမှ။ အပြေးသမားတစ်ယောက်ဟာ အများကြီး အပြေးကျင့်ရုံသက်သက်နဲ့ တစ်မိုင်ကို (၄)မိနစ်အောက် စံချိန်မျိုးရဖို့ ဘယ်လွယ်ပါ့မလဲ။ ပင်ကိုယ်အစွမ်းအစ (Talent) ရှိဖို့က သိပ်ကိုလိုပါတယ်။

ဒီလိုပြောတဲ့အတွက် သာမန်လူတစ်ယောက်အဖို့ အလေးကစားလို့ ဘာမှအကျိုးအမြတ် မရနိုင်ဘူးလို့ ဆိုလိုတာ မဟုတ်ပါဘူး။ အလေးနဲ့ကစားရင် တချို့တလေလောက်ကလွဲရင် လူရဲ့ကိုယ်လုံးကိုယ်ထည် လှလာမယ်။ ကြွက်သားတွေ ပေါ်လွင်လာမယ်။ ကြွက်သားတွေ အရွယ်အစားကြီးထွားလာတာနဲ့အတူ ခွန်အားလည်း တိုးလာမှာ မုချသေချာပါတယ်။ ကိုယ်ခန္ဓာက အဆီတွေကျသွားပြီး ကြွက်သားမျှင်တွေ ထုထည်ကြီးလာမယ်။ ပိုပြီး မာကျော သန်စွမ်းလာမယ်။ ကိုယ်ခန္ဓာတစ်ခုလုံးဟာ ပျော့တော့တော့နဲ့ အဆီတွေရစ်ပြီး အားအင်ချိနဲ့မယ့်အစား တစ်ကိုယ်လုံး ကျစ်လျစ်တောင့်တင်းပြီး ခွန်အားပိုကောင်းလာပါလိမ့်မယ်။

အလေးနဲ့ကစားတဲ့အတွက် အကျိုးအာနိသင် ထူးခြားပြောင်းလဲပုံမှာတော့ တစ်ယောက်နဲ့တစ်ယောက် တူချင်မှ တူကြမယ်။ တချို့ကျ အများကြီး ပြောင်းလဲသွားနိုင်တယ်။ တချို့ကျ နည်းနည်းပဲ ပြောင်းလဲမှု ရှိမယ်။ ဘာပဲ ပြောပြော နည်းနည်းတိုးတက်ပြောင်းလဲတာလည်း ကိုယ့်ရဲ့ကိုယ်လုံးကိုယ်ထည်ပြောင်းလဲမှုမှာ ရုတ်တရက် သိသိသာသာ ပြောင်းလဲမှုမျိုးဖြစ်တယ်ဆိုတာ ထင်ရှားစွာ တွေ့လာပါလိမ့်မယ်။ ရင်အုပ်မှာ (၂)လက်မလေးလောက် ပိုတက်လာပေမယ့် တစ်ချိန်တည်းမှာ ခါးက (၂)လက်မသေးသွားတယ်ဆိုရင် ကိုယ့်ရဲ့ကိုယ်လုံးအသွင်ဟာ အများကြီး အမြင်ပြောင်းသွားပါလိမ့်မယ်။ လူတစ်ယောက်ဟာ ကိုယ့်မျိုးရိုးဗီဇပါလာတဲ့ ကိုယ်ခန္ဓာအမျိုးအစားကို လုံးဝ ပြောင်းသွားအောင် လုပ်ယူလို့ဘယ်ရမလဲ။ ဒါပေမယ့် အတိုင်းအတာအရ အများကြီး ပြောင်းလဲသွားအောင်တော့ လေ့ကျင့်ယူလို့ရပါတယ်ဗျာ။

ကြွက်သားစစ်စစ် ထုထည်အစိုင်အခဲ (Muscle Mass)ကို တစ်နှစ်မှာ (၅)ပေါက်ထက်ပိုပြီး ကြီးထွားအောင် လုပ်ယူနိုင်ဖို့ သိပ်ကိုခဲယဉ်းလှပါတယ်။ ကြွက်သားထု အစိုင်အခဲကို အစမှာ ကြီးထွားအောင် မနည်းလုပ်ယူရတာပါ။ ကြွက်သားအစိုင်အခဲ ထုထည်ကြီးထွားမှုကို တစ်ခါရပြီးခဲ့ရင်လည်း လျှော့သွားတောင်မှ ရပြီးသား ကြွက်သားထုထည် ကို ပြန်ရအောင် လွယ်လွယ်နဲ့ကစားယူလို့ ရနိုင်ပြန်ပါတယ်။ ပင်ကိုအစွမ်းအစ တကယ်ပါလာတဲ့ အားကစားသမား တစ်ဦးအနေနဲ့ တစ်နှစ်အတွင်း ကြွက်သားထု (၁၀)ပေါင်ဆိုတဲ့ ကြွက်သားအစိုင်အခဲ စစ်စစ်ဆိုတာ အများကြီးနော်။

တစ်နှစ်မှာမှ ကြွက်သားစစ်စစ် အစိုင်အခဲထုထည် (၅)ပေါင်တည်း တိုးနိုင်မယ်ဆိုတာကို နည်းမယ်တော့ မထင်နဲ့နော်။ ဒီလိုတွက်ကြည့်ပါ။ တစ်နျစ်မှာ (၅)ပေါင်နှုန်းနဲ့ဆိုတော့ ကြွက်သားစစ်စစ်အစိုင်အခဲ (၂၅)ပေါင်တိုးဖို့ (၅)နှစ် အချိန်ယူရမယ်။ ဒီတော့ ကိုယ်အလေးချိန် (၁၅၀)ပေါင်ရှိတဲ့လူတစ်ယောက်ဟာ (၅)နှစ်ကြာ ပြင်းပြင်းထန်ထန် အလေးနဲ့ကစားလိုက်ရင် ကိုယ်အလေးချိန်မှာ အဆီတစ်စက်မှမပါဘဲ ကြွက်သားစစ်စစ် (၂၅)ပေါင်တိုးပြီး (၁၇၅)ပေါင် အထိ တက်လာပါလိမ့်မယ်။

ကိုယ်က တကယ်မကြီးထွားချင်ဘူးလို့ ဆိုပေမယ့်လည်း အလေးနဲ့ကစားရင် ခွန်အားကတော့ အတိုင်းအတာ အထိ အစွမ်းကုန်တိုးလာမှာပဲ။ ပြီးတော့ ကြွက်သားတွေဟာ သူ့အတိုင်းအတာအထိ အစိုင်အခဲထုထည်လည်း တက်လာမှာ သေချာပါတယ်။ အလေးနဲ့ကစားရင် ကိုယ်ရဲ့ခွန်အားရော ဗလရော မတက်ဘဲကိုမနေပါဘူးဆိုတာ စိတ်ချလက်ချ ယုံကြည်ထားစမ်းပါ။

အဲဒီလို ကိုယ်ရဲ့ခန္ဓာကိုယ်က ခွန်အားဗလတက်လာတာနဲ့အမျှ ကိုယ့်ရဲ့စိတ်ကလည်း စိတ်ဓာတ်တက်ကြွ လာတဲ့ အကျိုးကျေးဇူးကို ခံစားလာရပါလိမ့်မယ်။ ခွန်အားတိုးလာတဲ့အတွက် နေလို့ထိုင်လို့ ပိုကောင်းလာလိမ့်မယ်။ နေထိုင်ကောင်းလာတဲ့အတွက် ကိုယ့်ကိုယ်ကို ယုံကြည်မှုစိတ်တွေ ပိုရှိလာလိမ့်မယ်။ ဒီတိုးတက်မှုကြောင့် ကိုယ်က လူတွေကို ဆက်ဆံတဲ့နေရာမှာရော၊ လူတွေက ကိုယ့်ကိုပြန်ပြီးတုံ့ပြန်တဲ့နေရာမှာရော၊ အများကြီး အကျိုးပြု လာလိမ့်မယ်။ ကိုယ့်ရဲ့ ကိုယ်လုံးကိုယ်ထည်က ကြည့်လို့ပိုကောင်းလာရင် ကိုယ့်စိတ်ထဲမှာလည်း နေရထိုင်ရတာ ပိုကောင်းလာမယ်။ ကိုယ့်စိတ်ထဲမှာ နေရထိုင်ရတဲ့ ခံစားမှုစိတ်က ကြည်နေရင် လူကိုကြည့်ရတာလည်း ပိုကြည့်ကောင်းလာမှာပဲ။ ဒါဟာ အလေးနဲ့လေ့ကျင့်မှုကြောင့် ရရှိလာမယ့် ကောင်းသောအကျိုးပြု သံသရာတစ်မျိုးပဲ ဖြစ်ပါတော့တယ်။ ကဲ မိတ်ဆွေ အဲဒီတော့ ဒီအတိုင်း ထိုင်နေမယ့်အစား အလေး နဲ့ လေ့ကျင့်ကြဖို့ ကြိုးစားကြပါလား။

Post written by Aung Aung (aungaung.aung24@gmail.com)

အာနိုးရဲ့ ကာယဗလ ဆိုင်ရာ အထွေထွေ ဗဟုသုတများမှ ကြွက်သားသဘော သဘာဝနှင့် ခုခံအားဝန်တိုးလေ့ကျင့်မှု သဘောတရားအကြောင်းကို တင်ပြပေးလိုက်ပါတယ်။ တစ်ကိုယ်လုံးမှာ ကြွက်သားအမျိုးအစား (၃) မျိုးရှိပါတယ်။ သူတို့မှာ တစ်မျိုးစီ အရည်အသွေးလက္ခဏတွေ ရှိကြပါတယ်။

(၁) ကြွက်သားချော (Smooth Muscle)

ကိုယ်ခန္ဓာအတွင်းက သွေးကြောကြီးတွေနဲ့ အူ ကြွက်သားချောလို့ခေါ်ပါတယ်။

(၂) နှလုံးကြွက်းသား (Cardiac Muscle)

နှလုံးရဲ့ ကြွက်းသားမျှင်အားလုံးကို နှလုံးကြွက်သားလို့ ခေါ်ပါတယ်။ အကြိမ်ခပ်များများလုပ်တဲ့ လေ့ကျင့်ခန်းတွေနဲ့ နှလုံးကြွက်သားကို ခွန်အားပိုကောင်းလာအောင် လေ့ကျင့်ယူလို့ရနိုင်ပါတယ်။

(၃) အရိုးကြွက်သား (Skeletal Muscle)

အရိုးတွေပေါ်မှာ ကပ်နေပြီးတော့ တစ်ကိုယ်လုံးရဲ့ လှုပ်ရှားမှုကို ထိန်းချုပ်ပေးတဲ့ ကြွက်သားရှည်ကြီးတွေကို အရိုးကြွက်သား (သို့မဟုတ်) ပြင်ပကြွက်သားလို့ ခေါ်ဆိုပါတယ်။

အလေးနဲ့ လေ့ကျင့်ခြင်းဆိုတာ ဒီပြင်ပကြွက်သားတွေကို ကြီးထွားပြီး ခွန်အားသန်မာအောင် လေ့ကျင့် ပေးတာ ဖြစ်ပါတယ်။

ကြွက်သားတွေမှာ အဓိကတာဝန်တစ်ခုပဲ ရှိပါတယ်။ အဲဒါကတော့ ကြွက်သားများ ညှစ်အားကျုံ့အားနဲ့ အလုပ်လုပ်ခြင်း (Contraction)ဖြစ်ပါတယ်။ ဒီအလုပ်ကလွဲလို့ ကြွက်သားတွေမှာ အခြားအလုပ်တာဝန် ဘာမှမရှိပါဘူး။

ကြွက်သားဟာ အလိုက်သင့်လိုက်ပြီး အလုပ်လုပ်နိုင်တဲ့ အမြင့်မားဆုံး အရည်အချင်း ရှိပါတယ်။ သူ့ကို ပေးအပ်တဲ့ တာဝန်အနည်းအများပေါ်မှာ မူတည်ပြီး အလိုက်သင့် လုပ်သွားတတ်တဲ့ သဘောရှိပါတယ်။

ဥပမာတချို့ကို ပြောပြဦးမယ်။

ကျွန်တော့်သူငယ်ချင်းတစ်ယောက်ဟာ တောင်တန်းနှင်းလျှောစီးရင်း ခြေထောက်ကျိုးသွားလို့ ဆေးရုံ တက်ပြီး ရက်သတ္တပါတ်ပေါင်းများစွာ ကျောက်ပတ်တီးနဲ့ အိပ်ရာပေါ်မှာပဲ နေခဲ့ရတယ်။ ဆေးရုံကဆင်းလို့ ကျောက်ပတ်တီး ဖြေလိုက်တော့ ကျိုးခဲ့တဲ့ခြေထောက်ဟာ သိမ်သွားသလိုပဲ။

ကျောက်ပတ်တီးစီးထားပြီး အလုပ်မလုပ်ဘဲနဲ့ အငြိ်မ်ထားခဲ့တဲ့ ကြွက်သားတွေဟာ သိသိသာသာရှုံ့သွားတဲ့ သဘောဖြစ်ပါတယ်။

စကိုင်းလက် အာကာသယာဉ်နဲ့ လိုက်သွားကြတဲ့ အာကသယာဉ်မှူးတွေဟာ အာကာသထဲမှာ လှုပ်ရှားမှု မရှိဘဲ အကြာကြီးနေခဲ့ရပါတယ်။ ကမ္ဘာမြေကြီးရဲ့ ဆွဲငင်အားမရှိတဲ့ အာကာသထဲမှာဆိုတော့ သူတို့ကြွက်သား တွေဟာ အလုပ်လုပ်စရာမလိုတဲ့အကျင့်ကို အလိုက်သင့်နေတတ်သွားသလို ဖြစ်ခဲ့ကြတယ်။ အဲဒီ အာကာသယာဉ်မှူး တွေ မြေပြင်ကို ပြန်ရောက်လာကြတော့ သူတို့ကြွက်သားတွေကို လမ်းလျှောက်တတ်အောင် မနည်းပြန်ကျင့်ယူရတဲ့ အဖြစ်မျိုးနီးပါးအထိ ရောက်သွားခဲ့ကြတယ်။

ဒါကြောင့် ကြွက်သားကို အနားပေးထားရင် အားယုတ်တဲ့အပြင် ရှုံ့တောင်သွားတတ်ပါတယ်။ ကြွက်သားကို နာနာခိုင်းရင်လည်း ဖွံ့ဖြိုးသန်မာလာပါတယ်။ ဒါဟာ ကြွက်သားရဲ့ အလိုက်သင့်လုပ်ဆောင်တတ်တဲ့ စရိုက်ဖြစ်ပါတယ်။

ဒါဟာ ကြွက်သားရဲ့ အခြေခံသဘောတရားပါပဲ။ ကြွက်သားတစ်ခုကို အသုံးပြုရင် ကြီးထွားလာမယ်၊ သန်မာလာမယ်။ ကြွက်သားတစ်ခုကို လိုအပ်တဲ့ ၀န်နဲ့အလုပ်မပေးရင် အားပျော့သွားမယ်၊ ကျုံ့သွားမယ်။

ကြွက်သား အရွယ်အစားနှင့် ခွန်အား

(Muscle Size Strength)

ကြွက်သားတစ်ခုကို အသုံးပြုခြင်းနည်းတဲ့အတွက် ကြွက်သားရှုံ့သွားခြင်းကို “ကြွက်သားသိမ်သွားခြင်း” (Atrophy)ဟု ခေါ်ဆိုပါတယ်။

ကြွက်သားကို ပင်ပင်ပန်းပန်း အလုပ်လုပ်ခိုင်းပြီး အသုံးပြုများတဲ့အတွက် ကြွက်သားဖွံ့ဖြိုးတိုးတက်လာခြင်းကို “ကြွက်သားကြီးထွားခြင်း” (Hypertrophy)လို့ ခေါ်ဆိုပါတယ်။

ကြွက်သားတစ်ခုမှာ အလွန်သေးငယ်တဲ့ ဖိုင်ဘာအမျှင်ငယ်လေးတွေကနေ ပိုကြီးတဲ့ ကြွက်သားတစ်ရှူး အမျှင်နုတွေ စုစည်းထားပါတယ်။ လူတွေမှာ မွေးရာပါ ကြွက်သားအမျှင်နု အရေအတွက် တစ်ယောက်နှင့်တစ်ယောက် မတူကြပါဘူး။ အဲဒီ မွေးရာပါ ကြွက်သားအမျှင်နု အရေအတွက် များလာသူဟာ ကြွက်သားကြီးထွားပြီး ခွန်အားပိုရှိ ပါတယ်။ ဒါပေမယ့် ခွန်အားပိုရှိရေးအတွက် အဲဒီမွေးရာပါ ကြွက်သားအမျှင်နုလေးတွေ အရေအတွက် ပိုများလာအောင် ဘယ်လိုနည်းနဲ့မှ လုပ်ယူလို့မရနိုင်ပါဘူး။ အာဟာရ ကောင်းကောင်းစားလို့လည်း မရနိုင်ဘူး။ လေ့ကျင့်ခန်းနဲ့ လုပ်ယူလို့လည်း မရနိုင်ဘူး။ တခြားနည်းလမ်းလည်း ဘာမှမရှိဘူး။ အဲ . . . တစ်ခုတော့ရှိတယ်။ အဲဒီ ကြွက်သားမျှင်လေးတွေ အရွယ်အစားကြီးလာအောင်နဲ့ ခွန်အားပိုကောင်းလာအောင်တော့ ကျွန်တော်တို့ လုပ်ယူလို့ ရနိုင်တယ်ဗျ။

ကြွက်သား ခွန်အားတိုးရေးအတွက် အထောက်အကူပြုနိုင်တဲ့ အချက်တချို့ ရှိပါတယ်။ ဘာတွေလဲသိလား။

(၁) ကြွက်သားတစ်ခုမှာပါဝင်တဲ့ ဖိုင်ဘာအမျှင်များရဲ့ အရေအတွက်။

(၂) ကြွက်သားတစ်ခု ညှစ်ကျုံ့ပြီး အလုပ်လုပ်တဲ့နေရာမှာ ပါဝင်တဲ့ ဖိုင်ဘာအမျှင်များရဲ့ အရေအတွက်။

(၃) ကြွက်သား ဖိုင်ဘာတစ်ခုချင်းရဲ့ ခွန်အားနဲ့ကြီးထွားမှု။

ကြွက်သားတစ်ခုကို အားညှစ်ပြီး အလုပ်လုပ်တဲ့အခါမှာ အဲဒီကြွက်သားရဲ့ ဖိုင်ဘာအမျှင်ရာခိုင်နှုန်း အတိုင်းအတာသာ အလုပ်လ်ုပကြတယ်။ အကုန်ပါတာမဟုတ်ဘူး။ အလုပ်လုပ်ဖို့ လိုအပ်တဲ့ ဖိုင်ဘာအမျှင် အရေအတွက်လောက်သာ ပါဝင်အလုပ်လုပ်ကြတယ်လို့ နားလည်ထားပါ။ ပေါ့ပေါ့အလုပ်ဆိုရင် ကြွက်သားမျှင် နည်းနည်းပဲ အလုပ်လုပ်ဖို့ လိုမှာပေါ့။

ဒါပေမယ့် . . . လေးလေးပင်ပင် ကြီးကြီးမားမား ခုခံအား (Resistance)ကို တွန်းလှန်ပြီး လုပ်ရတဲ့အခါမျိုး ကျတော့ တစ်ကိုယ်လုံးက ကြွက်သားဖိုင်ဘာအမျှင်တွေ အများကြီးအလုပ်လုပ်လာအောင် ကိုယ်ခန္ဓာကြီးက အလိုက်သင့်လုပ်ပေးရတော့တယ်။ ချက်ချင်းကြီးတော့ မရဘူးနော်။ အားကြီးတဲ့ ခုခံအားကို ကျော်လွှားနိုင်ဖို့ အချိန်တော့ယူရမယ်။ ဒါကြောင့်လည်း . . . ကြွက်သားတွေကြီးထွားအောင် လုပ်ရတဲ့အလုပ်မှာ ဇီဝကမ္မဗေဒ သဘောတရားအရ အတိုင်းအတာ အကန့်အသတ် ရှိနေတာပေါ့။ ဒါပေမယ့် ကြွက်သားတွေ ကြီးထွားချင်ရင် ကြွက်သားမျှင်တွေ အရေအတွက် များတာထက်များများ ပိုအလုပ်လုပ်လာဖို့ဟာ အဓိကအချက်ဖြစ်ပါတယ်။

ဒီနေရာမှာ လူတွေရဲ့ခန္ဓာကိုယ်ဟာ စက်နဲ့တော့မတူဘူး။ မြင်းကောင်ရေ (၁၀) ကောင်အားရှိတဲ့ မော်တာတစ်လုံးကို မြင်းကောင်ရေ (၁၂) ကောင်အားရှိတဲ့ ၀န်ကိုဆွဲခိုင်းလိုက်ရင် မီးလောင်သွားဖို့ပဲရှိတယ်။ ဒါပေမယ့် မြင်းရေ(၁၀) ကောင်အားရှိတဲ့ ကိုယ်ခန္ဓာကြီးကို (၁၂) ကောင်အားဝန်ကို အလုပ်လုပ်ခိုင်းရင် ခန္ဓာကိုယ်ဟာ (၁၂)အားရှိလာလိမ့်မယ်။

ကြွက်သားတွေကို ကြံ့ခိုင်အောင် လေ့ကျင့်တဲ့နေရာမှာ တခြားပြောင်းလဲမှုတွေ ဖြစ်လာတာရှိသေးတယ်။ ကြွက်သားမျှင်တွေ ပိုပြီး ကြီးထွားလာတယ်။ ဖိုင်ဘာလျှင်တွေကိုစုပြီး ရစ်ပတ်ထုတ်ပေးထားတဲ့ အဖုံးအပိတ်ဟာ ပိုပြီး ခိုင်မာတောင့်တင်းလာတယ်။ ကြွက်သားတွေကို သွေးရောက်အောင်ပို့ပေးတဲ့ အငယ်ဆုံးသွေးမျှင်ကြောတွေ (Capillaries)ရဲ့ အရေအတွက် များလာမယ်။ ကြွက်သားထဲကို သွေးလှည့်ပတ်မှု ပိုကောင်းလာလိမ့်မယ်။

ခုခံအား ၀န်တိုးလေ့ကျင့်ခြင်း သဘောတရား

(Progressive-Resultance Training)

ပြေးခြင်း (သို့မဟုတ်) ရေကူးခြင်းနဲ့ ပစ္စည်းမပါဘဲ ပြုလုပ်ရတဲ့ ကိုယ်လက်လေ့ကျင့်ခန်း (Calisthenics)တွေဟာ ပုံသေခုခံအားကို ရင်ဆိုင်ရတဲ့ လေ့ကျင့်မှုတွေ ဖြစ်ပါတယ်။ အဲဒီကစားနည်းတွေမှာ ဘယ်လောက်ပဲကြာကြာ ကစားရ ကစားရ ကြွက်သားတွေဟာ ပုံသေခုခံအားကိုပဲ ရင်ဆိုင်ဆန့်ကျင် အလုပ်လုပ်ကြရ ပါတယ်။ လှုပ်ရှားမှုတွေကို အချိန်အကြာကြီး ပိုလုပ်နိုင်ရင်လည်း အမောခံနိုင်မှု သက်လုံပိုကောင်းလာမယ်။ အကြိမ်ပေါင်း ဘယ်လောက်လုပ်လုပ် ခွန်အားတော့ ပိုတိုးလာမှာမဟုတ်ဘူး

ခွန်အားပိုကောင်းလာအောင်က ခုခံအားကို တိုးတိုးသွားရတယ်။ ဒါမှလည်း ပိုမိုတိုးလာတဲ့ခွန်အားကို ကြွက်သားတွေကအလိုက်သင့် လိုက်လျောညီထွေ ဆက်ပြီးရင်ဆိုင်လုပ်သွားနိုင်တဲ့ အကျင့်ရလာနိုင်ပေမယ်။ ဒီလိုဆောင်ရွက်ခြင်းကို “ခုခံအားဝန်တိုးလေ့ကျင့်ခြင်း” လို့ ခေါ်ပါတယ်။ အလေးမနဲ့ ကာယဗလလေ့ကျင့်မှုတွေမှာ ဒီသဘောတရားကို အသုံးပြုရပါတယ်။

“ခုခံအားဝန်တိုးလေ့ကျင့်ခြင်း” နိယာမဟာ လူတိုင်းကို သာတူညီမျှအကျိုးရှိအောင် ဆောင်ရွက်ပေးနိုင်တဲ့ လေ့ကျင့်နည်း ဖြစ်ပါတယ်။ ဘယ်တော့မှ သက်သက်သာသာမရှိပါဘူး။ ဆိုကြပါစို့ဗျာ။ ကျွန်တော်က ပေါင် (၁၀၀) အလေးကိုပဲ မ,နိုင်ပြီး မိတ်ဆွေက (၁၀)ပေါင်အလေးကိုပဲ မ,နိုင်တယ်ထားပါတော့။ ခုခံအား ၀န်အလေးအနည်းအများ သာ ကွာခြားမယ်။ ကျွန်တော်တို့ နှစ်ယောက်စလုံးဟာ ရှိသမျှ အားကုန်ထုတ်ပြီးသာ မ,ကြရတဲ့ အလုပ်သာဖြစ်လို့ ကတော့ ကျွန်တော်ရော၊ မိတ်ဆွေရော နှစ်ယောက်စလုံးဟာ ကိုယ့်အားနဲ့ကိုယ် အများဆုံးခုခံအားကို တန်းတူရည်တူ အားညှစ်ထုတ်ပြီး အလုပ်လုပ်နေကြရတာပဲဖြစ်ပါတယ်။ အရေးကြီးတာက ကျွန်တော်တို့ နှစ်ယောက်စလုံးဟာ ကိုယ့်ကြွက်သားတွေကို တကယ်အစွမ်းကုန်ညှစ်ပြီး အားထုတ်ခိုင်းဖို့က အဓိက စကားပြောတာဖြစ်ပါလိမ့်မယ် ဆိုတဲ့ အာနိုးရဲ့ ခုခံအား ၀န်တိုးလေ့ကျင့်မှု အကြောင်းလေးကိုတင်ပြရင်း နိဂုံးချုပ်လိုက်ပါတယ်။

Post written by Aung Aung (aungaung.aung24@gmail.com)

ကိုယ်ကာယ ကြံ့ခိုင်မှုကို Physical Fitness လို့ခေါ်ပါတယ်။ Physical ဆိုတာက “ကိုယ်ကာယနှင့် သက်ဆိုင်သော (Fitness) ဆိုတာက “ကြံ့ခိုင်မှု” အဲဒီနှစ်ခုပေါင်းလိုက်တော့ “ကိုယ်ကာယ ကြံ့ခိုင်မှု” လို့အဓိပ္ပာယ်ရပါတယ်။

ကိုယ်ကာယ ကြံ့ခိုင်မှုဆိုတာက ကိုယ်ခန္ဓာတစ်ခုလုံးရဲ့ စွမ်းရည်တွေ တိုးတက်မှုခေါ်တာပါပဲ။

ဥပမာ တစ်ခုပြောပြပါမယ်။

ဇီဝကမ္မဗေဒ သိပ္ပံပညာရှင်များလို့ခေါ်ဆိုတဲ့ ကိုယ်ခန္ဓာရဲ့ အလုပ်လုပ်မှုကို လေ့လာစူးစမ်းကြတဲ့ သုတေသနဆရာကြီးတွေဟာ လွန်ခဲ့တဲ့နှစ် (၄၀)လောက်က အလေးမသမားများ (Weightlifters) နဲ့ ကာယဗလသမားများ (Body Builders)ကို လေ့လာစမ်းသပ်ခဲ့ကြပါတယ်။ သူတို့ကိုအဲ့ဒီလိုစမ်းသပ်ကြည့်တဲ့အခါ သူတို့တစ်တွေမှာ ခွန်အား အလွန်ကောင်း ကြပုံ နှင့် ကြွက်သားကြီးတွေ ဖွံဖြိုးကြီးထွားကြပုံတွေကို တွေ့ရှိခဲ့ကြတယ်။ ဒါပေမယ့် သူတို့မှာ နှလုံးနဲ့ ပတ်သက်လို့ အမောခံနိုင်ရည်၊ သက်လုံ (Cardiovascular Endurance) မပြည့်စုံကြပုံများ ကို တွေ့ရှိခဲ့ကြတယ်။ အပြင်က ကြွက်သားတွေကတော့ ကြီးထွားပုံများကို တွေ့ရှိခဲ့ကြတယ်။ အပြင်က ကြွက်သားတွေကတော့ ကြီးထွားကြပါပေ့။ ဒါပေမယ့် ကိုယ်ခန္ဓာအတွင်းက နှလုံးနဲ့ အဆုတ်တို့မှာ အမောခံနိုင်မှု အားမရှိကြဘူး။

အဲဒီကျတော့ အလေးမခြင်းဟာ ကောင်းတယ်ဆိုပေမယ့် ကိုယ်ခန္ဓာရဲ့ အတွင်းအပြင်ညီမျှတဲ့ တိုးတက်မှုကိုတော့ မပေးနိုင်ပါလားလို့ မှတ်ချက်ခဲ့ကြပါတယ်။ ကိုယ်ကာယဖွံဖြိုး တိုးတက်မှုအတွက် လေ့ကျင့်ရာမှာ အတွင်းရောအပြင်ပါ သာတူညီမျှပေးနိုင်တဲ့ စံပြုလောက်တဲ့ လေ့ကျင့်မှုမျိုးကို လုပ်ဖို့ လိုအပ်ပုံကို သဘောပေါက် ခဲ့ကြပါတယ်။

တစ်ဖက်မှာ နှိုင်းယဉ်ကြည့်စရာ တစ်ခုကိုလည်းတွေ့မြင် လာကြတယ်။

တာဝေး အပြေးသမား တစ်ယောက်ကို စမ်းသပ်ကြည့်လိုက်ပြန်တော့ သူ့မှာအမောခံနိုင်ရည် သက်လုံက အပြည့်ရှိနေပြီး ကြွက်သား ခွန်အားများမှာ နည်းနေပုံကိုတွေ့ရတယ်။ တကူးတက အလေးနဲ့ မကစားထားတဲ့  တာဝေးအပြေး သမားတွေမှာ အထူးသဖြင့် ကိုယ်ခန္ဓာအပေါ်ပိုင်းရဲ့ ကြွက်သား ခွန်အားနည်းနေပုံကို တွေ့ရှိ ခဲ့ကြရပြန်တယ်။ ဒီတော့ တာဝေးပြေးသမားတွေရဲ့ လေ့ကျင့်မှုမှာ ကိုယ်ခန္ဓာရဲ့ အတွင်းအပြင်တိုးတက်မှုက မညီမျှပြန်ဘူး။

အဲဒီလို သုတေသနတွေ့ရှိခဲ့ချိန်ကစပြီး နောက်ပိုင်းမှာ ဧရာမ ပြောင်းလဲမှုတွေ ဖြစ်လာခဲ့တော့တာပဲ။

အခုခေတ်မှာ ကြည့်လိုက်ပါ။

အလေးမသမား၊ ကာယဗလသမားထဲမှာ အမောခံနိုင်ရည် သက်လုံနဲ့ပြည့်စုံအောင် မလေ့ကျင့်တဲ့သူရယ်လို့ မရှိကြတော့သလောက်ပါပဲ။ အဲ့ဒီလို အမောခံနိုင်ရည် သက်လုံပြည့်စုံကြတဲ့ တာဝေးပြေးသမားတွေ၊ ရေကူးသမားတွေဟာ ခွန်အားလေ့ကျင့်မှုတွေ မပြုလုပ်ဘဲ မနေကြတော့ဘူး။ အဲဒီတော့ သူတို့တစ်တွေဟာ “ဘက်စုံ ကြံ့ခိုင်မှုပြည့်စုံတဲ့ အားကစား” (Totally fit athlete) ဖြစ်လာကြတယ်။ ဒီလို ကိုယ်ခန္ဓာ အတွင်းအပြင် ကြံ့ခိုင်မှုပြည့်စုံတဲ့ အားကစားသမားတွေဟာ သူတို့ရဲ့ ပြိုင်ဘက်တွေ ထက်ပိုပြီး စောင်းထက် လာကြပါတော့တယ်။

ကျွန်တော်ဟာ ဘက်စုံကြံ့ခိုင်မှုအတွက် လေ့ကျင့်ရေး သဘောတရားကို အမြဲလိုက်နာပြီး လေ့ကျင့်ခဲ့ပါတယ်။ ကျွန်တော်ဟာ ကာယဗလသမား ဖြစ်မ လာခင်က ပြိုင်ပွဲဝင်ရေကူး သမားတစ်ဦး ဖြစ်ခဲ့ဘူး ပါတယ်။ ဘောလုံးလဲ ကောင်းကောင်း ကန်ခဲ့သူဖြစ်ပါတယ်။ အဲဒါကြောင့် ကျွန်တော့်ရဲ့ လေ့ကျင့်မှု အစီအစဉ်တွေထဲမှာ အလေးကြီးတွေကိုပဲ မရုံသက်သက် မဟုတ်ပဲ ကိုယ်ခန္ဓာ အကြောဆန့်တဲ့ လှုပ်ရှားလေ့ ကျင့်မှုတွေ (Stretching movements) နဲ့ ပြေးတာတွေ ပါတွဲပြီး ကစားခဲ့ပါတယ်။

ကျွန်တော့်အမြင်ရတော့ ဘက်စုံကြံ့ခိုင်မှုမှာ အဓိက အပိုင်းကြီးသုံးပိုင်း ပါဝင်တယ်လို့မြင်ပါတယ်။ အဲဒါတွေကတော့ . . .

(၁) အဲရိုးဗစ် ကြံ့ခိုင်မှု လေ့ကျင့်ခြင်း

(Aerobic Conditioning)

အောက်စီဂျင် အများကြီး လိုအပ်တဲ့ ကိုယ်ကာယ လှုပ်ရှားမှု မှန်သမျှကို အဲရိုးဗစ်လှုပ်ရှားမှုလို့ အဓိပ္ပာယ်ရပါတယ်။ ကိုယ်ခန္ဓာက ကြွက်သားတွေ အလုပ်လုပ်ဖို့ အောက်စီဂျင်လိုပါတယ်။ အောက်စီဂျင်ကို နှလုံး၊ အဆုတ်၊ သွေးလှည့်ပတ်မှု အဖွဲ့လို့ခေါ်တဲ့ အဆုတ် -နှလုံးနဲ့ သွေးလှည့်မှုကတစ်ဆင့် ကြွက်သားတွေထဲကို ပို့ပေးပါတယ်။ အဲရိုးဗစ် ကြံ့ခိုင်မှုဆိုတာ နှလုံးနဲ့ အဆုတ် အမောခံနိုင်ရင်၊ သက်လုံကောင်းအောင် နှလုံးနဲ့ အဆုတ် ကြံ့ခိုင်မှုအတွက် လေ့ကျင့်ခြင်းကို ပြောတာ ဖြစ်ပါတယ်။ အဓိက ကြွက်သားစုတွေကို ထပ်ခါထပ်ခါနဲ့ အဆက်မပြတ် အကြာကြီးလေ့ကျင့်ပေးတာဟာ အဲရိုးဗစ် ကြံ့ခိုင်မှု လေ့ကျင့်ခြင်းဖြစ်ပါတယ်။ တာလတ်၊ တာဝေးပြေးခြင်း၊ ရေကူးခြင်း၊ ကြိုးခုန်ခြင်း၊ ပြိုင်စက်ဘီးစီးခြင်း (ပြိုင်ဘီးအစား ရိုးရိုးစက်ဘီးကို သွက်သွက်နဲ့ ခရီးဝေးစီးခြင်း)တို့ဟာ အဲရိုးဗစ် လေ့ကျင့်ခန်းတွေ ဖြစ်ပါတယ်။

(၂) ပျော့ပျောင်းမှု

(Flexibility)

ကြွက်သားတွေ၊ အကြောအဆက်တွေ၊ အရွတ်တွေဟာ တစ်ခါတစ်ခါမှာ တောင့်တင်းနေတတ်ပါတယ်။ အဲဒီလို တောင့်တင်းမှုကြောင့် သူတို့ရဲ့အနအထား ကြုံ့သွားတဲ့သဘော။ လှုပ်ရှားပြီး ဆန့်ထုတ်နိုင်မှုအတိုင်းအတာ (Range of motion) ကို လျှော့သွားစေတဲ့ သဘောကို ဖြစ်စေ ပါတယ်။ အဲဒီလို တောင့်တင်းနေချိန် မှာ ရုတ်တရက် ပြင်းပြင်းထန်ထန် အလုပ်လုပ်ခိုင်းလိုက်ရင် ကြွက်သားတွေ၊ အကြောဆက်တွေနဲ့ အရွတ်တွေဟာ အသားလေး ထိခိုက်နာကျင်ပြီး ဒဏ်ရာရသွားနိုင်ပါတယ်။ ဒီလိုမဖြစ်စေရအောင် ပျော့ပျောင်းမှုအတွက် တစ်ကိုယ်လုံး အကြောဆန့်တဲ့ လေ့ကျင့်ခန်းတွေ၊ ယောဂလေ့ကျင့်ခန်းမျိုး (Yoga Exercise)တွေနဲ့ တန်ပြန်လေ့ကျင့်မှု ပြုလုပ်ယူရ ပါတယ်။

(၃) ကြွက်သားကြံ့ခိုင်မှု

(Muscle Conditioning)

ကြွက်သားတွေကြီးထွားပြီး ခွန်အားပိုကောင်းလာအောင် လေ့ကျင့်တဲ့နည်း တစ်နည်းတည်းပဲ ရှိပါတယ်။ (Resistance Training)လို့ခေါ်တဲ့ “ခုခံမှုဝန်အားကို ကျော် လွှားနိုင်အောင် လေ့ကျင်နည်း” ဖြစ်ပါတယ်။ ခုခံအား တစ်ခုကို တွန်းကန်ကျော်လွှားအောင် ကြွက်သားတွေကို ညှစ်ပြီး အားထုတ်ခိုင်းရင် ကြွက်သားတွေဟာ အားစိုက်ပြီး လုပ်ရတဲ့အလုပ်ကို အလိုက်သင့်လုပ် တတ်သွားတဲ့အကျင့်ကို ရလာပါလိမ့်မယ်။ ကြွက်သားတွေ ကြီးထွားပြီး ခွန်အားသန်မာလာအောင် လုပ်ပေးနိုင်တဲ့ အကောင်းဆုံးနဲ့ အထိရောက်ဆုံးနည်းကတော့ “အလေးနဲ့ လေ့ကျင့်ခြင်း” (Weight Training)ပဲ ဖြစ်ပါတယ်။

အဲဒါတွေလုပ်လို့ ကြံ့ခိုင်တဲ့ ကိုယ်ခန္ဓာတစ်ခု ဖြစ်လာပြီ ဆိုရင်လည်း ကိုယ့်ရဲ့ကိုယ်ခန္ဓာကို ကစားတစ်ခုခု အတွက် အသုံးချတတ်ဖို့လည်း အရေးကြီးပါတယ်။ ကိုယ်ခန္ဓာကြီးရဲ့ အခြေခံအဖွဲ့ အစည်းတွေ အခြေခံ ကြံ့ခိုင်မှု မပြည့်စုံဘဲနဲ့ အားကစားလုပ်ရင်လည်း လုပ်ဆောင်နိုင်မယ် မဟုတ်ပါဘူး။

ကိုယ်ခန္ဓာကြံ့ခိုင်မှုအတွက် လေ့ကျင့်ရာမှာ အစားအသောက်နဲ့ အာဟာရ အရေးကြီးပုံကိုလည်း မမေ့ကြနဲ့ဦး။ ကိုယ်ခန္ဓာကြီး အလုပ်လုပ်နိုင်အောင် လိုအပ်တဲ့ အာဟာရတွေ ဖြည့်မပေးဘဲနဲ့ ကိုယ်ခန္ဓာကြီးကို အတင်း ဖိပြီး အလုပ်လုပ်ခိုင်းရင်လည်း လုံးဝမဓိပ္ပာယ်မရှိနိုင်ဘူး။ ကျန်းမာရေးကောင်းပြီး အားရှိအောင် စားတတ်ဖို့လည်း လေ့လာ သင်ကြားယူတတ်ဖို့ လိုအပ် ပါသေးတယ် လို့ အာနိုးရဲ့ အကြံပေးလမ်းညွှန်ချက်များ ကို ဆောင်းပါးတစ်ပုဒ် အနေနဲ့ တင်ဆက်ပေး လိုက်ပါ တယ်။ နောက်ထပ် တင်ဆက်ပေးမဲ့  ဆောင်းပါးတွေမှာ အာနိုးရဲ့ ကြွက်သားဆိုင်ရာ သိသင့် သိထိုက်တဲ့ ဗဟုသုတ အချို့နှင့် အလေးဖြင့် လေ့ကျင့်မှု အကျိုးကျေးဇူးများ အကြောင်း ကို ရေးသားပေး ပါမယ်။ အင်တာဗျူး ဆောင်းပါးတစ်ခုလည်း တင်ဆက်ပေးဖို့ ရှိပါတယ်။ တစ်ခြားတော့ မဟုတ်ပါဘူး မြန်မာပြည်ရဲ့ နံပါတ်(၁) ကိုအောင်ဆွေနိုင် နှင့်  မျက်နှာချင်းဆိုင် မေးမြန်း ထားတာလေးတွေ ၊ သူ့ရဲ့ အကြံပေးချက်လေးတွေပါ ၊ ကျွှန်တော်တို့ ဆိုက်က မင်ဘာတွေ အတွက်တော့ အကျိုးရှိမယ် ထင်ပါတယ်။ နည်းနည်း လေးတော့ သည်းခံပြီး စောင့်ပေးပါ  သိပ်မကြာခင် တင်ဆက်ပေးပါမယ်။

Post written by Aung Aung (aungaung.aung24@gmail.com)

မောင် အိုလံပီယာ (၇)ထပ်ကွမ်း အာနိုးရဲ့ သူကိုယ်တိုင် အလုပ်တွေ မအားလပ်ပေမယ့် လေ့ကျင့်မှု မှာ မပျက်ကွက်စေပဲ တီထွင်ကြံဆပြီး လုပ်သလို မဖြစ်ရင် ဖြစ်သလို လုပ်မယ်ဆိုတဲ့ သူ့ရဲ့ ခံယူချက် လေးကို ကျွန်တော်တို့ ဆိုက် ကိုဝင်ရောက်လေ့လာတဲ့ လူငယ်တွေ ၊ အလုပ်တွေ မအားလပ်ဘူး ဆိုပြီး အမျိုးမျိုး အကြောင်းပြပြီး လေ့ကျင့်ခန်းလုပ်ဖို့ ပျက်ကွက်နေတဲ့ ကျွန်တော် အစရှိတဲ့ စိတ်သာရှိပြီး တကယ် မလေ့ကျင့်နိုင်သူတွေ ကတော့ ဒီဆောင်းပါးလေးကို ဖတ်ပြီး ရသမျှ အချိန်လေးထဲက ကိုယ့်အတွက် ကျန်းမာရေး အကျိုးအမြတ်သာမက  တစ်ခြား ဆက်နွယ်သော အကျိုးကျေးဇူးတွေ အများကြီး ပေးနိုင်တဲ့ ကာယလေ့ကျင့်မှု အတွက် အာနိုး ဘယ်လို ရသမျှ အချိန်လေးမှာ ဘယ်လို တီထွင်ကြံဆပြီး လေ့ကျင့်ခဲ့သလဲ ဆိုတာ ကို လေ့လာ ကြည့်လိုက်ရအောင်။

ကျွှန်တော် အနေနဲ့ ၁၉၇၅ ခုနှစ် မောင်အိုလံပီယာ (၆)ထပ်ကွမ်းဆုကို ၇ရှိခဲ့ချိန်မှစပြီး ကျွန်တော်ရဲ့ ဘ၀ဟာ ရုတ်ချည်းဆိုသလို ပြောင်းလဲ ခဲ့ပါတယ်။ အဲဒီအချိန်မတိုင်ခင်ထိ ကျွန်တော် ဘ၀ကို ကာယဗလ လေ့ကျင့်မှုက လုံးလုံး လွမ်းမိုးထားခဲ့တယ်။ ကျွန်တော် ရဲ့ တစ်နေ့တာ အချိန်တွေကို ကျွန်တော်ရဲ့ အကောင်းဆု့း ကစားဖော် ဖရန်ကို နဲ့ တစ်နေ့ (၄)နာရီ အလေးကြီး တွေနဲ့ ကမ္ဘာမှာ လေ့ကျင့်မှု အများဆုံး မောင်တစ်ဦး စာရင်းထဲမှာ ပါဝင်သည့်အထိ ကျွန်တော် လေ့ကျင့်ခဲ့တယ်။ ကျွန်တော် ရဲ့ ဘ၀ တစ်ခု လုံးဟာ ကာယဗလမှာ မြုပ်နှံထားခဲ့တယ်။ တစ်နေ့တာ လေ့ကျင့်မှု ၊ စားသောက်မှု ၊ လူမှုရေးဘ၀ကနေပြီး တံခွန်စိုက် ပြိုင်ပွဲတွေ မှာ ၀င်ပြိုင်တယ် နောက်ပိုင်းမှာ အမေရီကန် နိုင်ငံသား အဖြစ်တောင် ခံယူသည်အထိ ကျွန်တော် ဘ၀ကို လုံးဝ ပြောင်းလဲ ပစ်လိုက်တယ်။ အဲဒါတွေ အားလုံးဟာ ၁၉၇၆ ခုနှစ်မှာ အတ်ိတ်မှာ ကျန်ခဲ့ပြီ။ စိန်ခေါ်မှုတွေကို ကျော်လွားပြီး အောင်ပွဲ ဆင်နီုင်ခဲ့တယ်။

ကာယဗလပြိုင်ပွဲတွေမှာ အနိုင်ယူအောင်ပွဲခံနိုင်ဖို့ လွယ်ကူလာတာကို ကြိုတင်ခန့်မှန်းလို့ ရလာတာနဲ့အမျှ ကျွန်တော်ဟာ အောင်လံလွှင့်ထူစရာ ရေသစ်မြေသစ်၊ နယ်သစ်ပယ်သစ်တွေကို ရှာဖွေဖို့ ကျွန်တော်ဆုံးဖြတ်ခဲ့ရပြန်ပါတယ်။

အဲ့ဒါကြောင့်အခုဆိုရင် ကျွန်တော်ဟာ ရုပ်ရှင်မင်းသားတစ်ယောက်၊ စာရေးဆရာတစ်ယောက်နဲ့ စီးပွားရေး လုပ်ငန်းရှင်တစ်ယောက် အနေနဲ့ အသက်မွေးဝမ်းကျောင်း ပြုနေပါပြီ။ ကျွန်တော်ဟာ တိုက်တာ၊ မြေ၊ အိမ်ရာတွေ အရောင်းအ၀ယ်လုပ်တယ်။ တက္ကသိုလ်တွေမှာ ဟောပြောပွဲတွေ လက်ခံခဲ့တယ်။ စာအုပ်တွေရေးတယ်။ ဆွေးနွေးပွဲ တွေ လက်ခံကျင်းပပေးတယ်။ ကမ္ဘာ့ကာယဗလတံခွန်စိုက် ပြိုင်ပွဲတွေကို မြေတောင်မြှောက် ပွဲသွင်းကျင်းပပေးတယ်။ ရုပ်မြင်သံကြား ဝေဖန်ပြောဆိုရေးသမား တစ်ဦးအနေနဲ့ ရေဒီယိုနဲ့ရုပ်မြင်သံကြား အစီအစဉ် အမျိုးမျိုးကနေ အသံလွှင့်ပေးတယ်။ ကျွန်တော်ရဲ့ လှုပ်ရှားဆောင်ရွက်မှုတွေကြောင့် ဥရောပ၊ သြစတြေးလျ၊ အာဖရိက နှင့် ကမ္ဘာနေရာအနှံအပြားအထိ နှစ်စဉ်မိုင်ပေါင်း သောင်းနဲ့ သိန်းနဲ့ချီပြီး ခရီးသွားလာနေရာပါတယ်။ ကျွန်တော်မှာ အဲဒီလိုရင်လှိုက်သည်းဖို အစီအစဉ်များပေမယ့် လူတော်တော်များများက ထင်တာရှိသေးတယ်။ ကျွန်တော်မှာ နေ့ခင်းမှာသာ အချိန်နာရီပို အလုပ်လုပ်ရပြီး ကျွန်တော်ဟာ သူများတွေမှာ မရနိုင်တဲ့ အချိန်မျိုးရအောင်ယူပြီး ကိုယ့်ကိုယ်ကို ထိန်းကစားနေနိုင်တယ်လို့ လူတွေထင်ကြပါတယ်။

သူတို့က ပြောတက်ကြသေးတယ်။

“ခင်များကတော့ ဆုကြေးစား ကာယဗလသမားတစ်ယောက် ဖြစ်နေတာကိုးဗျ။ ကျွန်တော်က ကုမ္ပဏီ တစ်ခုရဲ့ အုပ်ချုပ်မှု အကြီးအကဲတစ်ယောက်ဖြစ်နေတော့ ကျွန်တော်မှာ ကစားဖို့အတွက် ဘယ်လိုမှ အချိန်မပေး နိုင်ပါဘူးဗျာ”လို့ သူတို့က ဆိုတတ်ကြတယ်။

ဒီလိုပြောတာကို ကျွန်တော်ဂရုဏာတော့ သက်မိပါတယ်။ ဒါပေမယ့် သဘောမတူနိုင်ပါဘူး။ ကျွန်တော် ရေးတဲ့ပထမဆုံးစာအုပ် စထုတ်ဝေတဲ့အချိန်တုန်းက အခြေအနေတွေ ဘယ်လိုရှိခဲ့သလဲဆိုတာကို ပြန်သတိရမိ သေးတယ်။ ကျွန်တော်မှာ ပြိုင်ပွဲတွေမြေတောင်မြှောက်ပေး ဖို့အတွက် တစ်လကြာလောက် ခရီးထွက်ခဲ့ရတယ်။ အဲဒီအချိန်မှာပဲ ရသမျှအချိန်ပိုလေးတွေမှာ အလုပ်တိုက်က ရုံးခန်းထဲမှာထိုင်ပြီး ဖိစီးမှုပေးနေတဲ့ စီးပွားရေး လုပ်ငန်းတွေကိုလည်း ဂရုစိုက်လုပ်ခဲ့ ရသေးတယ်။ ပုံမှန်အနေနဲ့ဆိုရင် အလေးမအားကစားရုံ နားကပ်ဖို့ ကျွန်တော်မှာ ဘယ်လိုလုပ် အချိန်ရနိုင်ခဲ့ပါ့မလဲ။ သွားပြီး ကစားနိုင်တယ်ပဲ ထားဦး ခေါင်းထဲမှာ အလုပ်ကိစ္စတွေ ဗရပွနဲ့ ကျွန်တော်ဘယ်လိုလုပ်ပြီး အာရုံစိုက်ကစားနိုင်ပါ့မလဲ။ ခုံပေါ်မှာ ပက်လက်အိပ်အနှေးမ ကစားချိန်မှာ အလုပ်ကိစ္စ တချို့ လက်လွတ်သွားနိုင်ပေမယ့် ပြဿနာမျိုးတွေ ခေါင်းထဲ ရုတ်တရက်ဝင်လာတော့မယ်။ လေ့ကျင့်ရေးထက် စိတ်အနှောက် အယှက်ဖြစ်မှုတွေက ပိုပြီးတော့ အရေးပါလာပါတယ်။

ဒီတော့ကျွန်တော်မှာ လိုက်လျောညီထွေ သင့်တင့်လျောက်ပတ်စွာ လုပ်တတ်အောင် သင်ယူပါတော့တယ်။ ကျွန်တော်အလုပ်ကိစ္စတွေကို ဂရုစိုက်တာလည်း မပျက်စေဘဲနဲ့ ကျွန်တော်လည်း ကြံ့ခိုင်မှုရှိအောင် စိတ်ထားအသစ်နဲ့ လေ့ကျင့်နိုင်ရေးအတွက် လေ့ကျင့်မှုနည်းလမ်းသစ်တွေနဲ့ သဘောထားတွေကို ကျွန်တော် တီထွင်ကြံဆပြီး လေ့ကျင့်နိုင်အောင် ကြိုးစားခဲ့တယ်။ မိတ်ဆွေတို့လည်း အလုပ်မအားလို့ ဂျင်မ် မသွားနိုင်တိုင်း  ကိုယ်ကာယလေ့ကျင့်ခန်း မလုပ်ရဘူးဆိုရင် ဒီကိစ္စဟာ သဘာဝ မကျတဲ့ ကိစ္စတစ်ခုပါ။ မိမိရဲ့ ကိုယ်ပိုင် အသိဥာဏ်လေးနှင့် ယှဉ်ပြီး အိမ်တွင်းမှာ ပြုလုပ်နီုင်တဲ့ လေ့ကျင့်မှု အသစ်လေးကို ဖန်တီး ကြည့်ပါ တစ်နည်း မဟုတ် တစ်နည်းက သင့်ကို အကျိုးပြုလိမ့်မယ်လို့ ကျွန်တော်ယုံကြည်စိတ်ချမိပါတယ်”။

တီထွင်ကြံဆ အတတ်ပညာ

ကျွန်တော်ဆိုလိုချင်တာနဲ့ ပတ်သက်လို့ ဥပမာတစ်ခုပေးချင်ပါတယ်။

ကျွန်တော်ဟာ အလုပ်ကိစ္စနဲ့ နယူယောက်မြို့ကိုသွားဖို့ တစ်ခါက ဖြစ်ပေါ်လာခဲ့ပါတယ်။ ဒါကြောင့် ကျွန်တော် ညနေ (၆) နာရီမှာကစားဖို့ အစီအစဉ်လုပ်ခဲ့ပါတယ်။ ကစားခါစပဲရှိသေးတယ် ပြိုင်ပွဲသွင်းရေး ကိစ္စတစ်ခုဆွေးနွေးဖို့ အရေးပေါ် အစည်းအဝေးတစ်ခုတက်ဖို့ တယ်လီဖုန်းနဲ့ ဆက်လာပါတယ်။

အစည်းဝေးကလည်း မာရသွန်အစည်းဝေးဖြစ်သွားလို့ ညစာစားပြီးမှ ပြီးတော့တယ်။ ကျွန်တော် ဟိုတယ်ခန်းကိုပြန်ရောက်တော့ ည(၁၁)နာရီကျော်နေပြီ။ တစ်နေလုံးလည်းမကစားရသေးဘူး။ ညဉ့်လည်းနက်သွားပြီ။ တီဗွီဖွင့်ကြည့်မလား။ စာတစ်စောင် နှစ်စောင်ပဲရေးမလား။ အိပ်ရာထဲတန်းဝင်ပြီး အိပ်တော့မလား ဒါပဲရှိတော့တယ်။ ဒါပေမယ့် အဲဒါတွေကို ကျွန်တော် တစ်ခုမှမလုပ်ခဲ့ပါဘူး။ ကျွန်တော်မှာ နေ့တိုင်း တစ်နည်းမဟုတ်တစ်နည်းနဲ့ ရသလိုကစားမယ်လို့ ကိုယ်ပိုင်စည်းမျဉ်းလုပ်ထားခဲ့တော့ ကျွန်တော် ဆုံးရှုံးသွားတဲ့ လေ့ကျင့်မှုတွေကို တစ်ခုခုနဲ့အစားထိုးဖို့ ကျွန်တော်ဆုံးဖြတ်လိုက်တယ်။ ရသလိုကစားမယ်။

ပထမ (၁၀)မိနစ်မှာ ကျွန်တော်အဆစ်တွေနဲ့ တစ်ကိုယ်လုံးက ကြွက်သားတွေအတွက် အကြောဆန့် လေ့ကျင့်ခန်းတွေကို လုပ်လိုက်တယ်။ အဲဒီနောက် ၀မ်းဗိုက်ကြွက်သားတွေအတွက် ခြေနှစ်ချောင်း အပေါ်ကိုထောင်မခြင်း (Leg-Raises)နဲ့ ခေါင်းကနေ ထောင်ထခြင်း တွေကစားလိုက်တယ်။ ရင်အုပ်နဲ့ လက်မောင်းကြွက်သားတွေအတွက် လက်ထောက်တွန်းတင်ကို ကစားလိုက်တယ်။ ပခုံးကြွက်သားတွေအတွက် နံရံမှာကပ် ကင်းမြီးကောက် ထောက်ပြီး လက်ထောက်တွန်းတင် ကိုလုပ်လိုက်တယ်။ ပြီးတော့ အောက်ပိုင်းအတွက် ဒူးကွေး ထိုင်ထ  နဲ့ ခြေထောက် ရှေ့နောက်ခွဲပြီးနှိမ်ချခြင်း  ကိုလုပ်လိုက်တယ်။ ဒီလေ့ကျင့်ခန်းတွေအတွက် မိနစ် (၂၀) ပဲ အချိန်ကုန်ခဲ့ပါတယ်။ ဒါပေမယ့် ကျွန်တော် ကစားလို့မပြီးသေးပါဘူး။

နှလုံးနဲ့ အဆုတ် သွေးလှည့်ပတ်မှုကောင်းပြီး အမောခံနိုင်ရည်ရှိမှု ကောင်းစေမယ့်လေ့ကျင့်မှု ဟာ ကျွန်တော် လေ့ကျင့်မှုအစီအစဉ်မှာ အရေးပါတဲ့ အစိတ်အပိုင်းတစ်ခုဖြစ်ပါတယ်။ အဲရိုးဗစ်ကြံ့ခိုင်မှု လို့်ခေါ်တဲ့ အမောခံနိုင်မှု ပိုကောင်းမွန်ရေးအတွက် ကျွန်တော်ပြေးလေ့ရှိပါတယ်။ အခုတော့ ညဉ့်နက်နေပါပြီ။ အပြင်ဘက်က လမ်းတွေပေါ်မှာ နှင်းနဲ့ ရေခဲတွေချော်နေပါတယ်။ အဲ့ဒီတော့ ကျွန်တော်ဘာကို အစားထိုး လုပ်ရသလဲသိလား။ အောက်ထပ် ခန်းမကျယ်ကြီးထဲဆင်း သွားပြီး လှေကားထစ် (၁၀)ထစ်လောက်ကို မြန်မြန်ပြေးတက်လိုက်၊ ပြေးဆင်းလိုက် လုပ်ခဲ့ရပါတယ်။ ဒီနည်းဟာ နှလုံး၊ အဆုတ် အမောခံနိုင်မှု အားကောင်းဖို့အတွက် အလွန်ကောင်းတဲ့ လေ့ကျင့်နည်းတစ်ခု ဖြစ်တယ်ဆိုတာ ယုံစမ်းပါ။ အဲဒီလိုလည်းလုပ်ပြီးရော ကျွန်တော်မှာမောသွားပြီး စိတ်လည်းလန်းသွားတယ်။ ရေလည်းချိုးပြီးရော ကျွန်တော်ဆိုတာ ကလေးငယ်တစ်ယောက်လို တခေါခေါနဲ့ နှစ်နှစ်ခြိုက်ခြိုက် အိပ်ပျော်သွားခဲ့တော့တာပါပဲ။ အဲဒီ လေ့ကျင့်ခန်း လေးဟာ တကယ်တော့ သင့်အတွက် မထိရောက်ဘူးလို့ သင်ပြောနိုင်လား မပြောနိုင်ပါဘူး။ ဘယ်သူကမှလည်း ကာယလေ့ကျင့်မှု ကို အကျိုးယုတ်တဲ့ လေ့ကျင့်ခန်းလို့ မပြောနိုင်ကြဘူး။ ပြောရဲတဲ့လူ ရှိရင်လည်း ကျွန်တော်က လုံးဝကို ဆန့်ကျင်ပြီး အတိုက်အခံ ပြောဖို့အသင့်ပါ။ ကျွန်တော် ဆိုလိုတာက အလေးမပါပဲ အမြဲတမ်း ဒီလိုမျိုး တီထွင်ကြံဆပြီး လေ့ကျင့်ခိုင်းတာ မဟုတ်ဘူးနော်။ မအားလပ်တဲ့ နေ့တွေမှာ ဂျင်မ် မသွားနိုင်ရင်ပါ။

အလေးတွေမပြီး ကစားတဲ့လေ့ကျင့်မှုကို “ခုခံမှုဝန်အားတိုးကစားခြင်းလေ့ကျင့်မှု” (Progressive Resistance Training) လို့ ခေါ်ဆိုပါတယ်။ အလေးနဲ့ ကစားခြင်းဟာ ကျွန်တော်လေ့ကျင့်မှုတွေရဲ့ အခြေခံဖြစ်ပါတယ်။ ။ ဒါပေမယ့် “ပျော့ပျောင်းမှု” (Flexibility) နဲ့ “နှလုံးနဲ့အဆုတ်အမောခံနိုင်ရည်၊ ဇွဲသက်လုံကောင်းမှု လေ့ကျင့်ခြင်း” (Cardiovascular Training )တွေလည်း အများကြီး လိုပါလိမ့်မယ်။ ဘာကြောင့်လဲဆိုရင်တော့ တကယ်တမ်း ကျန်းမာပြီး ကြံ့ခိုင်မှု ရှိချင်တယ်ဆိုရင်တော့ ပျော့ပျောင်းမှုနဲ့ အမောခံနိုင်ရည် ရှိမှုတွေကလည်း အရေးကြီးတဲ့အတွက် ဖြစ်ပါတယ်။

ဒါပေမယ့် တီထွက်ကြံဆပြီး လေ့ကျင့်မှုလုပ်လို့ရတယ်ဆိုတဲ့ စိတ်ကူးတချို့ကိုလည်း မျှော်မှန်းထားဖို့လိုပါတယ်။ ကိုယ့်မှာ ဘယ်လောက်ပဲ အချိန်မအားလပ်တဲ့ ဖိစီးမှုတွေရှိနေနေ ကိုယ်ကစားနေကျနေရာနဲ့ ပစ္စည်းကိရိယာတွေနဲ့ မနီးဘဲ အိမ်နဲ့ဝေး ကွာတဲ့နေရာတွေကို ရောက်နေနေ တစ်နည်းနည်းနဲ့တော့ ဖြစ်သလို တီထွင်ကြံဆ ကစားလို့ရတဲ့ လေ့ကျင့်မှုမျိုး (Improvisational Training) အကြောင်းကိုလည်း သိထားသင့် ပါတယ်။

ဘယ်ကမ္ဘာမှာပဲဖြစ်ဖြစ် အားလုံးသာ အကောင်းဆုံးဖြစ်ခဲ့ရင် ကျွန်တော်တို့ တစ်တွေအားလုံးမှာ ကြံ့ခိုင်မှုရှိအောင် အချိန်တွေ၊ ခွန်အားတွေ အများကြီးပေး လှူနိုင်မှာဖြစ်ပါတယ်။ ဒါပေမယ့် ကျွန်တော်တို့ ခင်များတို့နေကြတဲ့ ကမ္ဘာမှာတော့ ဒါမျိုးမဖြစ်သေးဘူး။ သို့သော် စိတ်မလျှော့ပါနဲ့။

ဘယ်လောက်ပဲ အလုပ်တွေများများ ကိုယ်ကြံ့ခိုင်မှုလေးရှိအောင်လုပ်သွားဖို့ ဖြစ်နိုင်ပါတယ်ဗျာ။ အဲဒါကို ဘယ်လိုနည်းလမ်းနဲ့ လုပ်ရင်ရနိုင်တယ်ဆိုတာကို သင်ကိုယ်တိုင်မသိနိုင်သေးရင် သင်ထက် ၀ါရင့်တဲ့ အားကစား သမားတွေ ၊ နည်းပြတွေဆီမှာ သင်ယူလေ့လာလိုက်ပါ သင့်အတွက် အကျိုး မယုတ်စေရပါဘူး။တကယ်ပါ။”” လို့ဆိုတဲ့ အာနိုးရဲ့ အချိန်မအားလပ်လို့ ဂျင်မ် မသွားနိုင်တဲ့ လူငယ်၊ လူကြီးတွေကို ဒီအတိုင်းနေမယ့်အစား မိနစ် အနည်းငယ်နဲ့ အကျိုးရှိစေမဲ့ လေ့ကျင့်ခန်းမျိုး ကို တီထွင်ကြံဆပြီး လေ့ကျင့်နိုင်ကြဖို့ တိုက်တွန်းထားတဲ့ ဒီဆောင်းပါးလေးကို ၀ါသနာရှင်များ ဗဟုသုတ ရရှိနိုင်ပြီး အချိန်မရလို့ ဂျင်မ် မသွားနိုင်တဲ့နေ့တွေမှာ  အစားထိုး လေ့ကျင့်ခန်းလေးများ တီထွင်ကြံဆ နိုင်စေရန် ရည်ရွယ်ပါတယ်။

Post written by Aung Aung (aungaung.aung24@gmail.com)

လီဟေနီရဲ့ လူသစ်တွေအတွက် ကာယဗလ အကြံညဏ် အပိုင်း(၂)ကို ဆက်လက်တင်ပြပေးလိုက်ပါတယ်။ လီဟာနီက တကယ်လို့ တစ်ပတ်မှာ (၆)ရက်ကစားချင်တယ်ဆိုရင် လည်း ကြွက်သားတစ်ခုကို တစ်ပတ်မှာ နှစ်ကြိမ်ထက်ပိုပြီး ပြင်းပြင်းထန်ထန် ခွန်စိုက်အားစိုက် စိတ်လိုက်မာန်ပါ မကစားသင့်ဘူးလို့ သူခံယူချက်ကိုအကြံပေး ပါတယ်။ လီဟေနီက နမူနာပုံစံတစ်ခုအဖြစ် တစ်ပတ် (၆) ရက်ကစားပေးမယ့် နေ့တိုင်းအများကြီး အားစိုက်ကစားစရာ မလိုတဲ့ မောင်အိုလီပီယာ (၂)ထပ်ကွမ်း “လယ်ရီစကော့” ရဲ့ အောက်ပါလေ့ကျင့်ရေးဇယားကို ထုတ်နုတ်ပြခဲ့ပါတယ် -

အဓိကကြွက်သားကြီးတွေကို တစ်ပါတ်မှာ (၃)ကြိမ်စီနဲ့ တစ်ပတ်(၆) ရက် ကစားနည်းကတော့ ခွန်အားပိုစိုက်ရပြီး ပြင်းထတ်တဲ့လေ့ကျင့်မှု့ ဖြစ်ပါတယ်။ အဲဒီနည်းနဲ့ကစားချင်ရင် စောစောက ကြွက်သား အုပ်စုခွဲ ကစားတဲ့ဇယားက “A” နဲ့ “B” ကိုပဲ ပြန်ပြီး အခြေခံစဉ်စားကြည့်လိုက်ပါ။ A အုပ်စု အတွက် တနင်္လာ/ဗုဒ္ဓဟူး/ သောကြာနေ့တွေမှာ (၃)ရက်ကစားပြီး B အုပ်စုကို အင်္ဂါ / ကြာသပတေး / စနေ့နေ့မှာ (၃) ရက်ကစားရပါမယ်။ တစ်ပါတ် (၆) ရက်ကစားနည်းက တနင်္ဂနွေတစ်ရက်ပဲအနားရမယ်။

ဒီခေတ်မှာ နိုင်ငံတကာ အပျော်တမ်းနဲ့ ဆုကြေးစားပြိုင်ပွဲဝင်ထိပ်သီး ကာယဗလသမားတွေကတော့ တစ်ပတ်မှာ (၆) ရက်စလုံးကစားပြီး (၆) ကြိမ်ထက်ပိုကစားနေကြပါတယ်။ “တစ်ရက်နှစ်ချိန်ခွဲကစားနည်း” (Double Split System) ကို အသုံးပြုကစားပါတယ်။ ဒီနည်းကတော့ တစ်ရက်မှာ ကစားရမယ့် ကြွက်သားစုကို အညီအမျှ (၂) ပိုင်း ထပ်ခွဲထုတ်လိုက့်ပြီး မနက်ပိုင်းမှာ (၁) ချိန်၊ မွန်းလွဲပိုင်း / ညနေပိုင်းမှာ (၂)ချိန်၊ တစ်နေ့(၂) ကြိမ်ခွဲကစားတဲ့နည်းဖြစ်ပါတယ်။

တစ်နေ့နှစ်ကြိမ်ခွဲကစားနည်းက အလွန်ပင်ပန်းမယ် ဆိုတာ ထင်ရှားနေပါတယ်။ ဒီိနည်းက ပင်ပန်းလွန်းတဲ့ အတွက် အတွေ့အကြုံရှိတဲ့ ၀ါရင့်သမားတွေလောက်သာ ကစားသင့်ပါတယ်။ ဒါတောင်မှနေ့ခင်းမှာ ရုံးအလုပ် / အပြင် အလုပ်တစ်ခုခုရှိတဲ့ လူမျိုးတွေနဲ့ကျတော့မကိုက်ပြန်ဘူး။ ဒီနည်းက မနက်ပိုင်း ကစားပြီးရင် နေ့ခင်းမှာ (၂)နာရီ လောက်အနားယူ အိပ်ပေးဖို့လိုအပ်တယ်။ ဒီတော့ ဘာအလုပ်မှမရှိဘဲ လိုက်စားလိုက်ကစားလိုက် ကာယဗလသမားတွေနဲ့မှ ပိုသင့်တော်တယ်။ အားကစား သမားတွေဟာ သာမာန်လူတွေ ညစဉ်ပုံမှန် (၈)နာရီ အိပ်တာထက်တောင် အိပ်နိုင်ရင် အိပ်ရမယ်။ နေ့ခင်းလည်း အိပ်ဖို့လိုတော့ အိပ်ချိန်ပင်ပင်ပန်းပန်း ကစားလို့ကတော့ တစ်ပတ်နှစ်ပတ် အတွင်းမှာ ဒေါင်းသွားမှာသေချာတယ်။

တကယ့် လက်တွေ့မှာတော့ ကာယဗလမောင့်ပြိုင်ပွဲကြီးတွေဝင်ကြမယ့်ထိပ်တန်းမောင်တွေသာ ပွဲအလို တစ်လခွဲကနှစ်လလောက်အထိတစ်နေ့နှစ်ကြိမ်ခွဲ ကစားတာ ကိုလုပ်ကြပါတယ်။ တစ်နည်းပြောရရင် ကြွက်သားအဆီတွေ “စစ်သွားပြီး” ကြွက်သားအလှတွေ အလုံးတစ်ကွဲပြားပေါ်လွင် လာစေမယ့် လေ့ကျင့်မှု့မျိုး ဖြစ်တယ်။

တစ်နေ့နှစ်ကြိမ်ခွဲကစားနည်းမှာ တစ်ပန်းသာတဲ့ အချက်တစ်ခုတော့ရှိတယ်။ ဒီနည်းနဲ့ လေ့ကျင့်တဲ့အခါမှာ တစ်ခါကစားရင် ကြွက်သားတစ်ခုထက် ပိုပြီး ကစားစရာမလိုဘူး။ လီးဟာနီကတော့ တစ်ခါကစားရင် ကြွက်သားတစ်ခု တည်းအတွက်ပဲ သက်သက်သာသာ အာရုံစိုက်ပြီး “ကီ” သွင်း ကစားလို့ရတဲ့ ဒီနည်းကို သိပ်ကြိုက်တယ်။ လီးဟာနီကတော့ အဖက်ဖက်က ပြည့်စုံ အချိန်လည်းပေးနိုင် ကာယဗလက သူ့အတွက် အသက်မွေးဝမ်းကြောင်း လည်း ဖြစ်တော့ တစ်နေ့နှစ်ကြိမ် တစ်ပတ်(၆)ရက် နှစ်လုံးပေါက်လေ့ ကျင့်တယ်။ တစ်နေ့နှစ်ကြိမ်နဲ့ (၃)ရက်ကစား (၁)ရက်နားစနစ်ကို နှစ်လုံးပေါက်ကစားတယ်လို့ ပြောတယ်။

ကာယဗလသမားတွေဟာ စံပြုလောက်တဲ့ လေ့ကျင့်မှုနဲ့ အာဟာရ စားသောက်မှု နည်းစံနစ်တွေကို အသုံးချ နိုင်ရေးအတွက် အမြဲတမ်းစူစမ်းလေ့လာပြီး လက်တွေ့စမ်းသပ်နေကြသူတွေ ဖြစ်ပါတယ်။ လေ့ကျင့်ခန်း အသစ်တွေ နည်းစနစ်အသစ်တွေ လေ့ကျင့်ရေးဇယားအသစ်တွေ အားသွန်ခွန်စိုက်လေ့ ကျင့်နည်းအသစ်တွေ လေ့ကျင့်ရေးစက် အသစ်တွေ အာဟာရပြောင်းလဲ စားသောက်မှုနည်းလမ်းမျိုးစုံတွေနဲ့ စမ်းသပ်လေ့ကျင့်နေကြပါတယ်။ သူတို့တစ်တွေ ထဲမှာတော့ လီးဟာနီတစ်ယောက်လည်း ပါဝင်ပါတယ်။

လီးဟာနီရဲ့ စမ်းသပ်တွေ့ရှိမှု အတွေ့အကြုံတွေကို ပြန်လည်ဖောက်သည်ချခဲ့ပုံဟာ စိတ်ဝင်စားစရာ ကောင်းလှပါတယ်။ လီးဟာနီက သူ့အတွက် တစ်နေ့နှစ်ကြိမ်နဲ့ တစ်ပတ် (၆)ရက် ဆက်ကစားတာဟာ သိပ်အကျိုး မရှိခဲ့ဘူးလို့ ပြောပါတယ်။ တစ်ပတ် (၆)ရက်နှုန်းနဲ့ ကစားရင် ရက်သတ္တ (၆)ပတ် (၇)ပတ် ကြာလာတဲ့အခါမှာ လုံးဝကို ကုန်ခန်းသွားပြီး လေ့ကျင့်မှု လွန်ကဲလာပြီး ဆုတ်ယုတ်သွားတော့ တာပဲတဲ့။ အဲဒီအခါမှာ လီးဟာနီဟာ တစ်ပတ် (၆)ရက် ကစားတာကိုလည်း မပျက်စေရဘဲနဲ့ တစ်နေ့နှစ်ကြိမ် ခွဲကစားတာကို (၄)ရက်မှာ (၃)ရက်ပဲ ပြောင်းလဲ ကစားလိုက်တယ်။ ဒီပုံစံနဲ့ကစားတော့မှ သူ့အတွက်ကောင်း လွန်းလို့ အဲဒီအတိုင်း ကစားလာတာ (၅)နှစ် ဆက်တိုက်တောင်ရှိခဲ့ပါပြီ။ ဒါကြောင့်တစ်နေ့ နှစ်ကြိမ် ခွဲကစားတာနဲ့ ပါတ်သက် သူရဲ့(၃)ရက် ကစား(၁)ရက်နား အတွေ့အကြုံပေါ်မှာ အခြေခံပြီး တစ်နေ့နှစ်ကြိမ် ဘယ်လို ခွဲကစားသင့်သလဲဆိုတာကို လီးဟာနီက ဝေဖန်အကြံပေး ခဲ့တာ ဖြစ်ပါတယ်။

လီးဟာနီအဆိုအရ တစ်နေ့နှစ်ကြိမ် ခွဲကစားရာမှာ ပင်ပန်းမှု အသက်သာဆုံး ကစားနည်းကတော့ နံနက် ပိုင်းမှာ “အဓိကကြွက်သာစုတစ်ခုတည်းကိုသာ” (ဥပမာ-ရင်အုပ်၊ ပေါင်၊ ကျော) အားရပါးရ၊ ပင်ပင်ပန်းပန်း၊ ခွန်အားစိုက်ကစားသင့်တယ်။ ညနေခင်း ညဦးပိုင်းမှာ ကျန်တဲ့ ခြေသလုံးလက်ဖြန်တို့လို အငယ်စားကြွက်သားတွေကို ကစားသင့်တယ်လို့ ပြောပါတယ်။ နံနက်ပိုင်းကို ပိုပြီး ခွန်အားစိုက် ကစားတဲ့နည်းပါ။

တစ်နေ့နှစ်ကြိမ်စလုံး အပြည့်အ၀ ခွဲကစားတဲ့ အစီအစဉ် (Full double Split Routine)နဲ့ လေ့ကျင့်မယ် ဆိုရင်တော့ နံနက်ပိုင်းမှာ “ကြွက်သားကြီးတစ်ခု” နဲ့ “ကြွက်သားငယ်တစ်ခု”ကို တွဲကစား၊ ညနေပိုင်းမှာလည်း အဲဒီပုံစံ အတိုင်း “အကြီးစားတစ်ခု” နဲ့ “အသေးစားတစ်ခု” တွဲကစားဖို့ လီဟာနီက အကြံပေးပါတယ်။ နှစ်ကြိမ်စလုံး အပြည့်အ၀ ကစားနိုင်တဲ့ နည်းလမ်းတွေအနက်က လီးဟာနီပေးတဲ့ နမူနာလေ့ကျင့်ခန်းပုံစံတစ်ခုကတော့ အောက်ပါ အတိုင်း ဖြစ်ပါတယ်။

ပထမနေ့             (နံနက်)               ရင်အုပ်/၀မ်းဗိုက်

(ညနေ)               နောက်ကျော/ခြေသလုံး

ဒုတိယနေ့           (နံနက်)               ပေါင်ရှေ့/နောက်

(ညနေ)               လက်မောင်းရှေ့သား/လက်ဖျံ

တတိယနေ့          (နံနက်)               ပခုံး/၀မ်းဗိုက်

(ညနေ)               လက်မောင်းနောက်/ခြေသလုံး

တစ်နေ့(၃)ကြိမ်ကစားခြင်း

မောင်အိုလံပီယာပြိုင်ပွဲအတွက် ရက်သတ္တပတ် (၃)ပတ်အလိုမှာတော့ လီဟာနီဟာ တစ်နေ့ (၂)ကြိမ် ကစား နေတာကို (၃)ကြိမ်အထိတောင် တိုးကစားပါတယ်။ တစ်နေ့ (၃)ကြိမ်ကစားခြင်း (Triple-split Routine) ကိုတော့ တစ်ကြိမ်မှာ“ကြွက်သားတစ်ခု”ခွဲပြီး နံနက်/ နေ့လယ်/ ညပိုင်း (၃)ကြိမ် ခွဲကစားတယ်။

အဲဒီလို (၃)ကြိမ် ခွဲကစားတဲ့အပြင် “ကိုယ်ဟန်ပြလေ့ကျင့်မှု” (Posing Practice)ကို နေ့တိုင်း (၁)နာရီ သပ်သပ် အချိန်ပေးပြီး ပြင်းပြင်းထန်ထန် လေ့ကျင့်မှုကြောင့် ကြီးထွားတဲ့ လီးဟာနီရဲ့ ကြွက်သားတွေဟာ အဆီစစ်ပြီး တစ်ရစ်ကွဲပြားလာတော့တာဖြစ်ပါတယ်။

လီးဟာနီ၏ အကြံပေးချက်များ

• ကိုယ့်ခန္ဓာတစ်ခုလုံးအတွက် တစ်ရက်ခြား တစ်ပတ်(၃)ကြိမ်နည်းနဲ့ ကစားပါ။
• နှစ်လ/ သုံးလရှိမှ နှစ်ရက်ကစား/ တစ်ရက်နား တစ်ပတ်(၄)ကြိမ် ရက်ခွဲကစားနည်းကို ပြောင်းကစားပါ။
• လေးလ/ ငါးလရှိမှ သုံးရက်ကစား/ နှစ်ရက်နား “တစ်ပါတ် (၅)ကြိမ်” ကစားနည်းကို ကျင့်သုံးပါ။
• အဲဒီနောက်မှ “သုံးရက်ကစား/တစ်ရက်နား” ရက်ခွဲကစားနည်းကို ဆက်ကစားပါ။
• တစ်ပတ် (၆)ရက် ကစားရင် အဓိကကြွက်သားကြီးများကို တစ်ပတ်(၂)ကြိမ်သာ စကစားပါ။ နောက်မှ (၃) ကြိမ်အထိ တိုးကစားဖို့ ကြိုးစားပါ။
• တစ်နေ့ (၂)ကြိမ် ခွဲကစားရင် အစပထမမှာ ကြွက်သားကြီးတွေကို နံနက်ပိုင်းမှာကစားပြီး၊ ကြွက်သား အသေးစားတွေကို ညနေပိုင်းမှာကစားပါ။ အချိန်ရပြီး အသားကျလာတော့မှ နံနက်ပိုင်း၊ ညနေပိုင်း နှစ်ကြိမ်စလုံးမှာ ကြွက်သားကြီးတွေကို ခွဲကစားသွားပါ။
• တစ်နေ့ (၂)ကြိမ်၊ လေ့ကျင့်ချိန်များအကြား တစ်ရေးလောက်အိပ်ပါ။
• ရက်ခွဲ ကစားနည်းဖြစ်စေ၊ တစ်နေ့ (၂) ကြိမ်ခွဲကစားနည်းဖြစ်စေ၊ ကြိုက်သလို ဘာကိုပဲ ရွေးကစား ကစား ညစဉ် အိပ်ရေးဝအောင်အိပ်ပါ။
• ကြွက်သားထု ကြီးထွားစေမယ့် အစားအသောက် များကိုစားပါ။ အမိုင်နိုင်အက်စစ်ဓာတ် (ပရိုတိန်း)၊ ဗီတာမင်နှင့် သတ္တုဓါတ် အဟာရဖြည့်ဆေးလုံးများ အပိုဖြည့်စွက် မှီဝဲပါ။
• အကောင်းမြင် စိတ်ဓာတ် အတွေးအခေါ်များ အမြဲထားပြီး လေ့ကျင့်သွားပါ။ အောင်မြင်မှု ရရှိပါလိမ့်မယ်။

လီးဟာနီရဲ့ ကာယဗလလေ့ကျင့်မှု ပညာပေး အကြံဥာဏ်များဟာ အလွန်ကောင်းမွန်လှပါတယ်။ သူပေးတဲ့ အကြံပေးချက်တွေကို မှတ်မိနေအောင် ဒီဆောင်းပါးကို ထပ်ခါတလဲလဲ ဖတ်မနေရအောင်လို့ သူပေးတဲ့ အကြံဥာဏ်တွေနဲ့ လိုအပ်ချက်တွေကို ခေါင်းထဲမှာ အတိုချုပ်၊ သံမှိုစွဲနေစေဖို့အတွက် အဓိက အချက်ကြီး (၁၀) ချက်ကို ပူးတွဲပါ အတိုင်း ပြန်လည်မှတ်စု ထုတ်ပေးလိုက်ရပါတယ်။

တင်ဆက်သူ။   ။အောင်အောင်(aungaung.aung24@gmail.com)

Post written by Aung Aung (aungaung.aung24@gmail.com)

ကာယဗလမောင်ပြိုင်ပွဲတစ်ခုကို ၀င်ပြိုင်ချိန်မှာ မောင်အိုလံပီယာ “လီဟေနီ” ဟာ သူ့ရဲ့ ၆ပေ အရပ်ရှိတဲ့ ကိုယ်ခန္ဓာအတွက် ဖုထစ်ပြီးတစ်တစ်ရစ်ရစ် အထူးကွဲပြားပေါ်လွင်နေတဲ့ ကြွက်သားထု ကိုယ်အလေးချိန် (၂၆၀)ပေါင်နဲ့ (ယေဘူယျအားဖြင့်) ပြိုင်လေ့ရှိပါတယ်။ အရပ် ၆ပေချင်းတူပေမယ့် လီးဟေနီနဲ့ တခြား ၆ပေရှိတဲ့ ကာယဗလသမား တွေနဲ့ ကွာခြားတာတစ်ခု ရှိပါတယ်။ တခြားခြောက်ပေသမားတွေက ကြွက်သားအရည်အသွေးတွေ ကွဲပြားပေါ်လွင် နေဖို့အတွက် ကိုယ်အလေးချိန် (၂၁၀)ပေါင်လောက်အထိ လျှော့ချကြရတယ်။ လီးဟေနီက ကိုယ်အလေးချိန် ပိုများ ပေမယ့် ကြွက်သား ဒက်ဖနေးရှင်းတွေ ကွဲပြားပေါ်လွင်နေပါတယ်။

လီဟေနီက သူနဲ့ တစ်ခြားလူတွေ ဒီလိုကွဲခြားနေကြရခြင်းရဲ့ အကြောင်းရင်းကတော့ သူ့အနေနဲ့ သူများတွေ ထက်ပိုပြီး အလေးကြီးတွေကို ပြင်းပြင်းထန်ထန် အားသွန်ခွန်စိုက်နဲ့ အချိန်ကာလအကြာကြီးလေ့ကျင့်ခဲ့လို့ ဖြစ်တယ်လို့ ပြောပါတယ်။ “ဘယ်ကြွက်သားအတွက်ပဲဖြစ်ဖြစ် ကြွက်သားထုကြီးထွားချင်ရင် အလေးတွေကို တဖြည်းဖြည်းတိုးကစားတဲ့ “၀န်တိုးလေ့ကျင့်မှု့” (Overload Training) ကို ကြပ်ကြပ်မတ်မတ်ပုံစံမှန်မှန်နဲ့ အမြဲကစားသွားရမယ်” လို့ လီဟေနီကအကြံပေးပါတယ်။ ဒီသဘောတရားဟာ ဟာကြူလီလို ကြီးထွားတဲ့ ကြွက်သားထုရရှိရေးအတွက် လျို့ဝှက်ချက်ဖြစ်ပါတယ်။ အရပ်(၁)လက်မအတွက် အဆီမပါတဲ့ ကြွက်သားထု 3.3 ပေါင်နဲ့အနည်းဆုံးညီမျှတဲ့ ကိုယ်အလေးချိန် ရှိရမယ်လို့လည်း လီဟေနီကတွက်ပြပါတယ်။ (လီဟေနီရဲ့ အရပ်က ၇၂လက်မ(၆-ပေ) ရှိတော့ ၇၂ x ၃.၃ ပေါင် = ၂၃၇.၆ပေါင် အနည်းဆုံး ရှိသင့်တယ်လို့အဖြေ ထုတ်ကြည့်လို့ရပါတယ်။ မြန်မာကာယဗလသမားတွေရဲ့ အရပ်အမောင်း ကိုယ်လုံးအချိုးအဆစ်တွေနဲ့၊ တွက်ကြည့်မယ်ဆိုရင်တော့ လီဟေနီရဲ့ “စံနှုန်း” ဟာနည်းနည်းများမယ်လို့ ထင်ပါတယ်။

အလေးကြီးတွေကို ရေရှည်အမြဲတိုးကစားသွားနိုင်ဖို့ကတော့ စိတ်ဓာတ်တွန်းအား အများကြီးလိုပါလိမ့်မယ်လို့ လီးဟေနီကြေ့ပာပါတယ်။ ဒါပေမယ့် အမြဲတမ်း အလေးတိုးပြီး အစွမ်းကုန်ဖိကစားသွားဖို့ကအလွန်အရေးကြီးပါတယ်။ အကြိမ်တိုင်းကို ကြပ်ကြပ်မတ်မတ်ပုံစံနဲ့ ကစားဖို့ ကိုယ်အသုံးပြုတဲ့ “အလေးဝန်” နဲ့ အလေးကို ရွေ့ရှားအောင် အားစိုက်ပေးတဲ့ “ကြွက်သားထု” တို့ဟာ တိုက်ရိုက်ဆက်စပ်မှု့ရှိတယ်လို့ လီးဟေနီက ယုံကြည်ပါတယ်။ အလေးများများ ထည့်ပြီး ပုံစံမှန်မှန်နဲ့ ကြွက်သားခွန်အားစိုက်ကစားရမယ်လို့ ဆိုလိုတဲ့သဘောပေါ့။ ကိုယ့်အနေနဲ့ လေ့ကျင့်ချိန်တိုင်းမှာ ရာနှုန်းပြည့်အားထုတ်မကစားလို့ကတော့ တစ်နေ့နေ့မှာ ကိုယ့်ကိုနိုင်မယ့်လူမျိုး ပေါ်လာဖို့လမ်း ရှိတယ်လို့ လီးဟေနီက သတိပေးခဲ့ပါတယ်။

နှိုင်းယှဉ်ပြောရရင် “အားသွန်ခွန်စိုက် လေ့ကျင့်မှု” (Training Intensity) ဟာ ကြွက်သားထုကြီးထွားမှုနဲ့ ကြွက်သားများ အသေးစိတ် ပြတ်သားပေါ်လွင်မှုအတွက် အခြေခံအားဖြင့် အရေးကြီးဆုံးဖြစ်ပါတယ်။ ကြွက်သားထု ကြီးထွားခြင်း (Muscle Mass) ကိုယ်ကာယ အတိုင်းအထွာများ အချိုးအစားညီမျှခြင်း (Balanced Physical Proportions) ကြွက်သားများအသေးစိတ်ပေါ်လွင်မှု (Detail Definition)တို့နဲ့ ပြည့်စုံမှုရှိမှသာ ကာယဗလမောင်ပြိုင်ပွဲတစ်ခု မှာ အနိုင်ရမယ့် ကိုယ်လုံးပိုင်ရှင် ဖြစ်လာနိုင်ပါမယ်။ ဒီအရည်အသွေးတွေနဲ့ ပြည့်စုံတဲ့ ကာယဗလမောင်တစ်ယောက် ဟာ ပြိုင်ပွဲစင်မြင့်ပေါ်မှာ ကိုယ်ဟန်ပြပုံကောင်းမွန်မယ်ဆိုရင် ဆုဖလားတွေ အများကြီးပွေ့ပိုက်ပြီး အိမ်အပြန် မျက်နှာပန်းလှပါလိမ့်မယ်။ အားကစားရုံထဲမှာ ချွေးနဲ့သွေးနဲ့ရင်းနှီးကစားခဲ့ရတဲ့အကျိုး ထမင်းဝိုင်းမှာ အစားအစာတွေ ဆင်ခြင်ခြိုးခြံပြီး စားသောက်ခဲ့ရတဲ့ ထိန်းချုပ်မှုတန်ဖိုးနဲ့ နာရီပေါင်းများစွာ ကိုယ်ဟန်ပြ လေ့ကျင့်မှုလုပ်ခဲ့တဲ့ ကြိုးစားမှု တွေရဲ့ရလာဒ်အမြတ်ကို ရရှိပါလိမ့်မယ်။

အားသွန်ခွန်စိုက်လေ့ကျင့်မှု

“အားသွန်ခွန်စိုက်လေ့ကျင့်မှု”ကို ဘယ်လိုတိုးတက်အောင် လုပ်ရပါမလဲ။ ဒီအချက်ကို မြန်မာလူငယ်ကာယ ဗလသမားတွေ ရေရေလည်လည် နားလည်ထားသင့်ပါတယ်။

ကာယဗလလေ့ကျင့်စ သက်တမ်းနုသေးတဲ့ကာလမှာ အားသွန်ခွန်စိုက် လေ့ကျင့်မှုကို တဖြည်းဖြည်း တိုးယူ သွားရပါတယ်။ လေ့ကျင့်ခန်းတိုင်းအတွက် အလေးကို တဖြည်းဖြည်း တိုးကစားသွားရပါမယ်။ ကြွက်သားတိုင်းအတွက် ကစားတဲ့ စုစုပေါင်း အကျော့အရေအတွက်ကို တစ်ဖြည်းဖြည်း တိုးယူသွားရပါမယ်။ ယေဘူယျအားဖြင့် အကျော့ကို ကြွက်သားအစိတ်အပိုင်းတစ်ခုအတွက် တစ်ပါတ် သို့မဟုတ် နှစ်ပါတ်တစ်ကြိမ်လောက်မှာ တစ်ကျော့စီတိုးကစားသွား ရပါမယ်။ လပေါင်းများစွာကစားသွားရမယ်။

တစ်ပတ်မှာ (၃) ရက်နှုန်းနဲ့တစ်စတစ်စ ပုံမှန်ကစားလာလို့ လပေါင်းအတော်ကြာလာတဲ့ အခါမှာ တစ်ကိုယ်လုံးအတွက် လေ့ကျင့်ခန်းအကျော့ပေါင်း (၄၀) က (၅၀) အထိ များလာပါလိမ့်မယ်၊ လေ့ကျင့်ချိန်က တစ်ရက်မှာ တစ်နာရီက တစ်နာရီခွဲလောက်အထိ ကြာပါလိမ့်မယ်။ အဲဒီ အဆင့်မှာ လေ့ကျင့်ချိန်တစ်ခုရဲ့ ပထမပိုင်း သုံးပုံတစ်ပုံကို အားရပါးရ ခွန်တိုက်အားတိုက်ကစားပြီး နောက်ဆုံး သုံးပုံတစ်ပုံကို အားစိုက်မှုနည်းနည်း လျှော့ကစားတာမျိုး လုပ်သွားကောင်းသွား ရပါလိမ့်မယ်။ အားစိုက်မှုနှုန်း စအထွက်မှာ အားကောင်းပြီး နောက်ပိုင်းမှာ လျော့ကျသွားတာမျိုးကို ကြုံရပါလိမ့်မယ်။

ရက်ခွဲကစားနည်း

အဲဒီလို ခွန်အားစိုက်လေ့ကျင့်မှု နောက်ပိုင်းမှာ လျော့ကျသွားတဲ့ပြဿနာကို ဖြေရှင်းတဲ့နည်းကတော့ ရက်ခွဲ လေ့ကျင့်မှု (Split Routine)အစီအစဉ်နဲ့ ကြွက်သားအစိတ်အပိုင်းတွေကို ရက်ခွဲကစားတဲ့နည်း ဖြစ်ပါတယ်။ သမားရိုးကျတစ်ကိုယ်လုံးကို တစ်ပတ် (၃)ကြိမ် ကစားတဲ့အစား တစ်ပတ်မှာ (၄)ရက်ကစားပြီး ယေဘုယျအားဖြင့် အပေါ်ပိုင်း (၂)ရက်၊ အောက်ပိုင်း (၂)ရက် ခွဲကစားတဲ့နည်းဖြစ်ပါတယ်။ တစ်ပိုင်းကို တနင်္လာနေ့ ကြာသပတေးနေ့ တွေမှာကစား၊ ကျန်တစ်ပိုင်းကို အင်္ဂါနေ့နဲ့ သောကြာနေ့တွေမှာ ကစားတယ်။ ဗုဒ္ဓဟူး၊ စနေနဲ့ တနင်္ဂနွေ (၃)ရက် အနားယူရပါတယ်။

လီဟေနီဟာ ဒီလို တစ်ပတ် (၄)ကြိမ်၊ ရက်ခွဲကစားနည်းကို အမေရိကန် အမျိုးသားတံခွန်စိုက် စကြ၀ဠာ ပြိုင်ပွဲတွေမတိုင်မီ (၂)လ အလိုလောက်အထိ လေ့ကျင့်ခဲ့ပါတယ်။ တခြားပွဲငယ်တွေ အနိုင်မရခင်မှာလည်း ဒီပုံစံအတိုင်း ကစားခဲ့ပါတယ်။ ဒီလို ရက်ခွဲလေ့ကျင့်မှုဟာ လီဟာနီ အနိုင်ဆုကြေးငွေရရေးအတွက် “အားသွန်ခွန်စိုက် လေ့ကျင့်မှု”အတွက်ရော လေ့ကျင့်မှု တစ်ကြိမ်နဲ့တစ်ကြိမ်အကြားမှာ ကောင်းကောင်းအနားရပြီး အပြည့်အ၀ အားပြန်ပြည့်မှုအတွက်ရော အလွန်ကောင်းတဲ့ အစီအစဉ်တစ်ခုဖြစ်ခဲ့တယ်လို့ ပြောပါတယ်။

ကြွက်သားတွေကို ရက်ခွဲပြီး တွဲကစား ပုံအမျိုးမျိုး ရှိပါတယ်။ လီးဟာနီရဲ့ အကောင်းဆုံး စိတ်ကြိုက် တွဲကစားပုံတွေအနက်က အောက်ပါပုံစံဟာ အကြိုက်ဆုံးပုံစံတစ်ခု ဖြစ်တယ်လို့ ဆိုပါတယ်။

တနင်္လာ/ကြာသပတေး

ဝမ်းဗိုက် (ပြင်းပြင်းထန်ထန်)

ရင်အုပ်

နောက်ကြော

ပခုံး

ခြေသလုံး

အင်္ဂါ/သောကြာ

ဝမ်းဗိုက် (သက်သက်သာသာ)

ပေါင်

လက်မောင်းအရှေ့သား

လက်မောင်းအနောက်သား

လက်ဖျံ

ဒီကစားနည်းဟာ ကိုယ်ခန္ဓာကို နှစ်ပိုင်းသာ ခွဲကစားတဲ့အတွက် ကြွက်သားတိုင်းအတွက် ခွန်အားကုန် ကစား နိုင်ပါတယ်။ တစ်ရက်တည်းမှာ တစ်ကိုယ်လုံး ကြွက်သားတွေ အားလုံးအတွက် ကစားရရင် နောက်ပိုင်းကြွက်သားတွေ အတွက်လည်း အားချန်ကစားရတော့ ကစားတဲ့ ကြွက်သားတစ်ခု နှစ်ခုအတွက် အားကုန်အားသွန်ပြီး ကစားလို့ မဖြစ်နိုင်ပါဘူး။ အခုလို ကြွက်သားတွေကို နှစ်ရက်ခွဲကစားတဲ့အတွက် ကြွက်သားတွေကို (၄၈)နာရီ (၉၆)နာရီအထိ၊ အနားပေးချိန် ရပါတယ်။ အဲဒီတော့ ကြွက်သားတွေအတွက် “လေ့ကျင့်မှုလွန်ကဲခြင်း” (Overtraining) လည်း မဖြစ်စေတော့ဘူး။

တစ်ပတ်မှာ လေးရက်ခွဲ ကစားတဲ့နည်းကို လပေါင်းအတော်အတန် ကစားပြတဲ့အခါမှာ စိတ်ကပိုပြီး ကစား ချင်တဲ့ဆန္ဒတွေ ဖြစ်လာနိုင်ပါပါတယ်။ တစ်ပါတ်မှာ (၅)ရက် ကစားတဲ့နည်း၊ (၃)ရက် ခွဲကစား (၂)ရက်နား (၃)ရက် ပြန်ကစား (၂)ရက်နား ပုံစံမျိုးတွေ ကစားချင်လာနိုင်ပါတယ်။

(၃)ရက်ကစား (၂)ရက်နား (Three-on/Two-off) ကစားနည်းနဲ့ ကစားမယ်ဆိုရင်တော့ ကြွက်သားစုတွေကို အတတ်နိုင်ဆုံး ညီညီမျှမျှဖြစ်အောင် ရွေးချယ်လေ့ကျင့်သွားရေးကို အရင်ဆုံး လုပ်တတ်ဖို့ လိုအပ်ပါလိမ့်မယ်။ လီးဟာနီ အကြံပေးတဲ့ နမူနာပုံစံတစ်ခုကို ကြည့်ပါ။

ပထမနေ့

ဝမ်းဗိုက်

ရင်အုပ်

နောက်ကျော အပေါ်ပိုင်း

ခြေသလုံး

ဒုတိယနေ့

နောက်ကျောအောက်ပိုင်း (Lower Back)

ပေါင်ရှေ့သား (Quadriceps)

ပေါင်နောက်သား (Hamstrings)

လက်ဖျံ

တတိယနေ့

ဝမ်းဗိုက်

ပခုံး

လက်မောင်းသားရှေ့နောက်

စတုတ္ထနေ့/ပဉ္စမနေ့            -           နားရက်များ

ဒီပုံစံနဲ့ ကစားရင်း စနေ၊ တနင်္ဂနွေတွေကို နားရက်လို့လည်း ထည့်သွင်းတွက်လို့ မရပါဘူး။ (၃)ရက်ကစား/ (၂)ရက်နား ပတ်လည်ပုံစံအတိုင်း မှန်မှန်ကစားသွားရပါမယ်။ အခုခေတ် ထိပ်တန်းကာယဗလသမားအများစုအတွက် (၃)ရက်ကစား/(၂)ရက်နား (သို့မဟုတ်) (၃)ရက်ကစား/(၁)ရက်နား စနစ်ဟာ လူကြိုက်များပြီး ရေပန်းစားနေပါတယ်။ ဒါပေမယ့် ဒီကစားနည်းမှာ အခက်အခဲတစ်ခုရှိနိုင်ပါသည်။ အဲ့ဒါကတော့ စနေ၊ တနင်္ဂနွေနေ့တွေမှာ ကျောင်းကန်ဘုရား သွားတဲ့အလုပ်၊ မိသားစုအလုပ်နဲ့ လူမှု့ရေးအလုပ်တွေတာဝန်မကင်းတဲ့ ကာယဗလသမားတွေအတွက် အမြဲတမ်း အဆင်ပြေဖို့မလွယ်လှဘူး။

တစ်ပတ်မှာ (၅) ရက်ခွဲကစားနည်း (Five-day-Split) ကတော့ စနေ၊ တနင်္ဂနွေ အားလပ်ရက် (၂) ရက်ရနိုင်ပါသည်။ (၅) ရက်ခွဲ ကစားနည်းကို စောစောကရေးခဲ့တဲ့ (၂) ရက်ကစား (၁)ရက်နား/ (၂) ရက်ကစား (၂) ရက်နား နည်းနဲ့ တစ်ပတ် (၄) ရက်ခွဲကစားတဲ့ပုံစံကိုပဲအခြေခံ ဆွဲကြည့်ရအောင်။ တနင်္လာ/ ကြာသပတေးနေ့ လေ့ကျင့်ရေးအစီအစဉ်ကို “A” လို့မှတ်ထားပြီး အင်္ဂါ/သောကြာ အစီအစဉ်ကို “B” လို့ မှတ်ထားပါ။ အဲဒီအတိုင်းတစ်ပတ်ငါးရက်ပုံစံနဲ့ တစ်လ လေ့ကျင့်ရေးဇယားချ ရေးဆွဲမယ်ဆိုရင် အောက်ပါပုံစံအတိုင်း ထွက်လာပါလိမ့်မယ်။ ( စနေ၊ တနင်္ဂနွေ နှစ်ရက်က အမြဲနားရမယ် )

ရက်သတ္တပတ်အတွင်း     ရက်သတ္တပတ်အလိုက

လေ့ကျင့်ရေးရက်များ     လေ့ကျင့်ရေးဇယား

ဒီပုံစံနဲ့ လေ့လာကြည့်ရင် တစ်လအတွင်း ပထမအပတ်နဲ့ တတိယအပတ်၊ ဒုတိယပတ်နဲ့ စတုတ္ထပတ်တွေရဲ့ လေ့ကျင့်ရေး ဇယားများပုံစံတူဖြစ်နေတာတွေကို တွေ့ရပါမယ်။

တက်သစ်စ ကာယဗလသမားတွေဟာ စိတ်မရှည်ကြဘဲ တစ်ပတ် (၆)ရက်အထိကစားတက်ကြတယ်။ လီဟေနီကတော့ တစ်ပတ်မှာ (၆) ရက်ဆက်တိုက်ကစားမယ့်အစား “(၃) ရက်ကစား (၁) ရက်နား” စနစ်နဲ့ပဲ ကစားဖို့သာအားပေး ထောက်ခံလိုပါတယ်။ သုံးရက်ကစားတစ်ရက်နား ကစားရင်း တစ်ပတ်မှာ တစ်ရက်ပဲနားချိန်ရမယ်။ (၈) ရက်မှာ (၂) ရက်ပဲ နားချိန်ရမယ်လို့ လီဟေနီကပြောတဲ့သဘောပါ။ ကြားမှာတစ်ရက်လေးနားရုံနဲ့ ဘာထူးမလဲ ဇီဇာကြောင်နေ လိုက်တာလို့ြေ့ပာချင်ပြောကြနိုင်တာ ကိုလီးဟာနီက သိတယ်။ ဒါကြောင့် ကြွက်သားတွေကြီး ထွားမှာမို့ နားချိန်ဟာ ဘယ်လောက်အရေးပါသလဲ ဆိုတာကို သိနိုင်အောင် လီးဟာနီ က ထောက်ပြခဲ့တာဖြစ်ပါတယ်။

လီဟေနီက သူရှင်းပြတာကိုဘာမှနားမလည်ဘူးဆိုရင် ပုံသေကာယဗလနိယာမ ဆောင်ပုဒ်လေးတစ်ခုကို မှတ်ထားလိုက်ကြဖို့ ထပ်ပြီးသတိပေးလိုက်သေးတယ်။

“ကြွက်သားတွေဟာ ပြီးခဲ့တဲ့အနောက်ဆုံးအကြိမ် လေ့ကျင့်ကစားထားတာတွေ အပြည့်အ၀ပြန်ပြီး အားမပြည့်မချင်း ဘယ်တော့မှ အဲ့ဒီ့ကြွက်သားတွေ မကြီးထွားနိုင်ဘူး။”

(Yours muscles cannot grow until they have fully recovered from the previous workout.)

ဆိုတဲ့ လီဟေနီ၏ ကျန်ရှိနေတဲ့ အကြံပေးချက်အချို့ကို အပိုင်း (၂)တွင် ဆက်လက် ဖတ်ရှုပါ။

တင်ဆက်သူ။  ။ အောင်အောင်(aungaung.aung24@gmail.com)

ဖလှက်ဝှီးလားရဲ့ ကျန်ရှိနေတဲ့ အာဟာရ စားသောက်မှု အပိုင်းနှင့် လေ့ကျင့်မှုအစီအစဉ် လေးကို အပိုင်း(၂)မှာ ဆက်လက် တင်ပြပေး လိုက်ပါတယ်။

(## ပို့စ်၏ မူရင်း ဇယားကွက်များသည် ၀ဘ်ဆိုဒ် format နှင့် ကတောက်ကဆဖြစ်နေသောကြောင့် မူရင်းပို့စ် အရသာနှင့် လက်ရာ မပျက်ရလေအောင် pdf လုပ်ကာ တင်ထား၏ ##)

DOWNLOAD HERE