ဂျိုးဝီဒါ ပထမဆုံး မောင်အိုလံပီယာပြိုင်ပွဲကို သန္ဓေတည်လိုက်တုန်းက(ဘီယာတစ်လုံး၏ အမည်ကို လိုက်သတ်မှတ်ပြီး နာမည်ပေးခဲ့သည်- နံပါတ်၂ ဖြစ်ရပ်ကိုကြည့်ပါ။) သူသည် သမိုင်းကို ဖန်တီးနေပြီဆိုတာ သေချာကို သိခဲ့သည်။

သို့သော်ဂျိုးဝီဒါ သေချာကြိုမမြင်ကောင်းမမြင်ထားသည်မှာ နှစ်ပေါင်းလေးဆယ်ကျော်ကြာခဲ့သော်လည်း  မောင် အိုလံပီယာပွဲများမှာ   နှစ်စဉ်နှစ်စဉ် အထူးခြား၊ အအံ့သြဆုံး အမှတ်အရဆုံးဖြစ်ရပ်တွေ ဖန်တီးပေးနေသော ပွဲများဖြစ်သည်ဆိုတာပါဘဲ။

၁၈၆၅ ခုနှစ်ကတည်းက မောင်အိုလံပီယာပွဲ ၄၄ပွဲ ရှိနေပြီဖြစ်သော်လည်း တစ်ပွဲစီသည် သူ့နည်းနှင့်သူ ထူးခြားသော သမိုင်းဝင်ဖြစ်စဉ်တစ်ခု သူ့အကြောင်းနှင့်သူ ရှိစမြဲပင်။

ကဲ မောင်အိုလံပီယာသမိုင်းမှာ အမှတ်အရမိဆုံး၊ အမှတ်ရစရာအဖြစ်ဆုံး အချိန်နှင့် ဖြစ်ရပ် ၁၀ ခုစီသို့ ပြန်လည် ခရီးထွက်ကြည့်ကြပါစို့။

ဒသမ ဖြစ်ရပ် ၂၀၀၃ – တစ်ရောက်တည်းသာ အထီးကျန်နေသည်

၂၀၀၃ မောင်အိုလံပီယာ ပြိုင်ပွဲနီးလာသောအခါ မှန်းထားကြတဲ့ မနှစ်က ချန်ပီယံ ရော်နီကိုးလ်မင်း၏ အပြစ်အနာအဆာများကို စတင်ဖော်ပြလာကြသည်။ ၂၀၀၃ကို အလွတ်မခံချင်သော ရော်နီသည် ကစားခန်းမထဲမှာ သူ့ကြိုးစားမှုတွေကို နှစ်ဆတိုးခဲ့သည်။ သံချေးတက်နေသော၊ အေးစက်မာကျောနေသော အလေးတွေနှင့် အာလင်တင်ရှိ မက်ထရိုဖလက်စ် ဂျင်မ်တွင် ပြင်းအားအသစ်ဖြင့် အပြင်းအထန်ကြိုးစားခဲ့သည်။ လက်စ်ဗီးဂပ်စ် မောင်အိုလံပီယာပြိုင်စင်ပေါ်မှာ အဲသည့်ရလဒ်တွေကို ဖွင့်ချလိုက်တော့ မျက်လုံးကျွတ်ထွက်သွားစရာ ၂၈၇ပေါင်၊ ကြွက်သားတွေက အမြှောင်းမြှောင်းထနေသည့်အပေါ်မှာ ထပ်အမြှောင်းမြှောင်းထနေသည်အထိ စုတ်ပြတ်သပ် ကွဲပြားနေပုံ၊ အဲသည့်ကွဲပြားမှုတွေကို ရှုပ်ထွေးအောင်လုပ်နေသည်က အပေါ်က လက်ချောင်းတမျှ ထူထဲသော သွေးကြောကြီးတွေ။ အားလုံးတုန်လှုပ်ချောက်ချားကုန်ကြပြီ။ လူသားတစ်ယောက်၏ အဲသည့်လောက်အံ့သြစရာ ကိုယ်ကာယဗလကို ဘယ်တုန်းကမှ မမြင်ဖူးခဲ့ကြပါ။ နောက်နောင်လည်း ဘယ်ကာယဗလမောင်မှ အဲသည့်လောက်ထိအံသြစရာ မဖြစ်ဖူးသေးပါ။ နောက်နှစ်မှာ ရော်နီ ပေါင်ချိန် ၁၀ပေါင်လောက်တင်နိုင်သော်လည်း ရော်နီကြီး၏ ထိတ်လန့်စရာအကောင်းဆုံး၊ အံ့သြစရာအကောင်းဆုံးသည် ၂၀၀၃ မောင်အိုလံပီယာမှာသာဖြစ်သည်။

န၀မ ဖြစ်ရပ် ၁၉၇၀ – အသူရာတို့၏ တိုက်ပွဲ

၁၉၇၀ကို ပြန်လှန်ကြည့်လျှင် တစ်ယောက်နှင့် နောက်တစ်ယောက်သာ ကာယဗလကို ကြီးစိုးခဲ့သည်။ မောင်ဒဏ္ဍာရီလို့သတ်မှတ်ထားသူ ဆာဂျီယိုသည် ၁၉၆၈မောင်အိုလံပီယာကို သူနှင့် ပြိုင်မည့်လူမရှိတာကြောင့် မပြိုင်ရဘဲနှင့် မောင်အိုလံပီယာရခဲ့သည်။ သို့သော် ၁၉၆၉မှာ သြစတီးယားက အာနိုးရွှာဇီနက်ဂါးဆိုသည့် ကလေးလေးက မောင်ဒဏ္ဍာရီကို သူ့အိမ်နောက်ဖေးပြန်ပို့မယ်ဆိုပြီးတက်လာခဲ့သည်။ အဲသည့်ပွဲမှာ အာနိုးအပြတ်အသတ်ရှုံးခဲ့သော်လည်း တိုက်ပွဲတစ်ခုတော့ စခဲ့ပြီဖြစ်သည်။

တစ်နှစ်ကြာသည့်အခါ ၂၃နှစ် ရွှာဇီနက်ဂါးသည် ရင့်ကျက်လာခဲ့ပြီ၊ ကိုယ်ကာယအရရော၊ ယုံကြည်မှုအရရော ရင့်ကျက်လာခဲ့ပြီ။ မောင်အိုလံပီယာပြိုင်ပွဲမတိုင်မီ ရက်အနည်းငယ်အလိုမှာ မောင်ကမ္ဘာပြိုင်ပွဲတွင် သူဖြုံရသော ပြိုင်ဖက်တစ်ယောက်ကို အနိုင်ရခဲ့သည်။ လောလောလတ်လတ် မိုးထိမြင့်နေသည့် ယုံကြည်မှုဖြင့် ရွှာဇီနက်ဂါးသည် လေဆာအလင်းလို ကြည်လင်ပြတ်သားနေသော နိုင်ရမည်ဆိုသည့်စိတ်ဖြင့် နယူးယောက်ရှိ မောင်အိုလံပီယာပွဲကို လာခဲ့သည်။ ထုထည်အကြမ်းကြီး၊ အချိုးအစားအကြမ်းကြီးကို အတင်းထုလုပ်ထားသော ကိုယ်ကာယနှင့်အာနိုး၊ ထုထည်ချင်းကတော့ အတူတူပင်၊ ၀ါရင့် ပုံစံနှင့် ကိုယ်ကယပိုင်ရှင် ဆာဂျီယိုတို့ ထိပ်တိုက်ရင်ဆိုင်ကြသည့်အခါ။ အပြင်းအထန် တိုက်ပွဲတစ်ခုပြီးသည့်နောက် အာနိုးသည် ကြီးကျယ်လှပါသော ဆာဂျီယိုကြီးကို အောင်နိုင်ခဲ့ပြီး သူ၏ မောင်အိုလံပီယာ ခုနှစ်ဆုထဲက ပထမဆုံးဆုကို ဆွတ်ခူးနိုင်ခဲ့သည်။

အဌမ ဖြစ်ရပ် ၁၉၉၈ – အောက်က လူ

ဆက်တိုက်အနိုင်ရခဲ့သူ ချန်ပီယံကြီး ဒိုရီယံရိတ်စ် မပြိုင်တော့ပါဟု ဆိုသောအခါ ၁၉၉၈ မောင်အိုလံပီယာသည် ရှောင်ရေး၊ ကီဗင်လဗရုန်း၊ နက်ဆာအယ်လ် စွန်ဘတ်တီနှင့် ဒုတိယရခဲ့သူ ဖလက်ဝှီးလား တို့အတွက် လုစရာဖြစ်လာသည်။

ဖလက်ဝှီးလားသည် တိုက်ပွဲအတွက် နိုင်ရမည်ဆိုပြီး အသင့်ပြင်ပြီး နယူးယောက်ကို ထွက်လာခဲံသည်။ သို့သော် သူအပါအ၀င် ကာယဗလလောကမှ ဘယ်သူကမျှ ၁၉၉၇နှင့် ၁၉၉၈ကြား တစ်နှစ်အတွင်း ရော်နီကိုးလ်မင်း၏ ပြောင်းလဲမှုကို မခန့်မှန်းမိကြပါ။ ရော်နီကိုးလ်မင်း၏ ၁၉၉၈ အသွင်သည်သာ သူတို့မြင်ဖူးသမျှထဲတွင် အကောင်းဆုံးသော ကိုယ်ကာယအသွင်တစ်ခုဖြစ်သည်ဟု ဆိုကြသူတွေ ဒီနေ့အထိရှိနေဆဲပင်။ သူ၏ အမိုးလုပ်နိုင်သော ၀င်းမှသည် ချွန်ထက်နေသာ လက်မောင်းရှေ့သား၊ ဖောင်းတင်းပေါ်လွင်နေသော ပေါင်ရှေ့သားနှင့် ချိတ်တက်နေသော ရင်အုပ်တို့သည် သေးသိမ်နေသော ခါးဆီသို့ ဆက်သွယ်နေကြသည်။ ရော်နီသည် သမိုင်းဝင် အိုလံပီယာ သက်သောင့်သက်သာအနေအထားတွေမှာ အကွဲပြားဆုံးအဖြစ် သတ်မှတ်ခံရပြီး အဲသည့်နှစ်မှာပင် အားလုံးကို ကျော်လွှားအနိုင်ယူခဲ့သည်။

သတ္တမ ဖြစ်ရပ် ၁၉၈၄ – ဒဏ္ဍာရီကို ဖြိုခွင်းသူ

၁၉၈၃တွင် ၂၃နှစ်သာရှိသေးသည့် လီဟေနီဟုဆိုသော မောင်အိုလံပီယာပြိုင်ပွဲဝင် လူသစ်ကလေးသည် သူ၏ပထမဆုံးပွဲ၌ တတိယချိတ်အောင် ယှဉ်ပြိုင်နိုင်ခဲ့သည်။ ခြောက်ပေနီးနီးရှိပြီး ပေါင်၂၃၀ကျော်ရှိသော လီဟေနီသည် ကြီးထွားဖွံ့ဖြိုးဖို့ရာ အများကြီးရှိသေးသည်။ အမှန်လည်း နောက်နှစ်တွေမှာ သူသည် သူ့ဖရိန်ကို ၁၀ပေါင်လောက်<ကက်သားချည်းထပ်ဖြည့်နိုင်သည်အထိ ဖွံ့ဖြိုးလာခဲ့သည်။ ထိုအတွက် ရလဒ်အနေဖြင့် ၁၉၈၄မောင်အိုလံပီယာပွဲ မက်ဒီဆင်စကွဲယားမှာလုပ်သည့်ပွဲမှာ အကြီးအကျယ်လွှမ်းမိုးနိုင်ခဲ့သည်။

အဲသည့်ည ပြိုင်ပွဲညမှာဘဲ တက်ရောက်အားပေးကြတဲ့ ပရိသတ်အားလုံး (မူရင်းစာရေးသူအပါအ၀င်) သိလိုက်ကြသည်မှာ ကာယဗလကြယ်ပွင့်တစ်ပွင့် မွေးဖွားလိုက်ပြီဟူ၍။ ထိုသူသည် ဒိုင်းဆုကို သူထိန်းသမျှကာလပတ်လုံး ထိန်းနိုင်သွားမည့် ကိုယ်ကာယမျိုးနှင့် ဖြစ်သည်။ နောက်ထပ် ၇ကြိမ်ဆက်တိုက်ထိန်းနိုင်သွားသည့် လူစားမျိုးဖြစ်သည်။

၁၉၈၄ မောင်အိုလံပီယာပြိုင်ပွဲ၏ အထင်ကရ မှတ်တမ်းတစ်ခုသည် ၁၂နှစ်ကြာ ပျောက်ကွယ်နေသော ဆာဂျီယို စင်ပေါ်သို့ တစ်ကျော့ပြန်လာခြင်းဖြစ်သည်။ မောင်ဒဏ္ဍာရီကြီး အဆင့် ဂ သာရခဲ့သော်လည်း (ပရိသတ်အားလုံးမှ ဘိုးဟု မကျေနပ်သံများ ဆူညံသွားလျှက်) သူဝင်ပြိုင်မည်ဆိုသော အကြောင်းတစ်ချက်တည်းကိုက နယူးယောက်ရုံမှာ ပရိသတ်တွေ ဆူညံပွက်လောရိုက်ပြီး ရုံပြည့်လျှံသွားစေသည်။ သူ၏ မို့စ်မာစကူလာ ကိုယ်ဟန်ညှစ်ပုံကြောင့် အားလုံး မေးစေ့ကျွတ်ကျမတတ် ပါးစပ်ဟောင်းလောင်းတွေနှင့် အံ့သြသွားကြ၏။ ပြီးတော့ သူ၏စိတ်ကြိုက်အောင်မြင်သူပို့စ် (နံပါတ်တစ်ပို့စ်) သည် အားလုံးကို မတ်တတ်ရပ်ကာ သူ့ကို တလေးတစားအားပေးစေခဲ့သည်။ နောက်ပိုင်းတွင် လီဟေနီတောင်မှ အိုလီဗာ၏ ကြီးမားသော ဇွဲနှင့် ဂုဏ်မြင့်ခမ်းနားမှုတို့ကို အံ့သြအားကျမိကြောင်း ၀န်ခံခဲ့သည်။

ဆဌမ ဖြစ်ရပ် ၂၀၀၆ – ဒုတိယ မဟုတ်တော့ပြီ

၂၀၀၆ မပြိုင်ခင်တွင် ဂျေးကတ်တလာသည် မချင့်မရဲ ခံစားချက်များ ခံစားနေရသည်။ ၂၀၀၁ သူ၏ တတိယမြောက် မောင်အိုလံပီယာ ပြိုင်ပွဲကတည်းက စင်ပေါ်မှာ အကောင်းဆုံးမောင်ဟု လူအချို့ကတစ်ပေးကြသော်လည်း သူသည် နောက်ပိုင်းနှစ်တွေရောမှာ ဒုတိယထက်ပိုမရခဲ့ပါ။ ၂၀၀၆ မောင်အိုလံပီယာပွဲအတွက် သူ့ကိုယ်သူသမိုင်းတွင်စေရမည်ဟု စိတ်ဒုံးဒုံးချကာ အပြည့်အ၀ကို ပြင်းပြင်းထန်ထန် ပြင်ဆင်ထားခဲ့သည်။

လီဟေနီ၏ မောင်အိုလံပီယာ ရှစ်ထပ်ကွန်း ဆုနှင့်အတူ ကိုးလ်မင်းသည်လည်း သူ့သမိုင်းသူရေးဖို့ အသင့် ပြင်ဆင်ထားခဲ့သည်။ ကိုးလ်မင်းသည် ၂၀၀၃ က လောက် မကောင်းသည်မှာ ထင်ရှားနေပြီး (ဒသမဖြစ်ရပ်ကိုကြည့်) ကတ်တလာသည် သူ၏ အကောင်းဆုံးအချိန် ၂၀၀၁ကလောက် နီးနီးပြန်ကောင်းလာသော်လည်း ဆုကြေညာသည့် ဘော့ပ် ဆီချဲရီလိုက မောင်အိုလံပီယာ အသစ် ဂျေးကတ်တလာကို မကြေညာခင် အရသာခံကာ အကြာကြီးနားနေစဉ်တွင် တရုံလုံးမှာ ငြိမ်သက်ပြီး စိတ်လှုပ်ရှားကာ အကျဉ်းအကျပ်ဖြစ်နေကြသည်။ မောင်အိုလံပီယာဖြစ်ပြီးသားတစ်ယောက်ကို ဖြုတ်ချပြီး အနိုင်မရခဲ့သည်မှာ အနှစ်နှဆယ်လောက်ရှိနေခဲ့ပြီဖြစ်သည်။ အထူးသဖြင့် မောင်အိုလံပီယာ ရှစ်ဆု ရင်ဝယ်ပိုက်ထားသည့် ချန်ပီယံမျိုးကိုတော့ ဘယ်သောအခါမှ ဖြုတ်ချ အနိုင်မယူခဲ့ဖူပါ။

ပဉ္စမ ဖြစ်ရပ် ၁၉၉၁ – နေ၀င်သွားသော ၀က်သစ်ချပင်ကြီး

၁၉၉၀ မတိုင်ခင်အထိ ကာယဗလမောင်အားလုံးထဲတွင် တစ်ဦးတည်းသာ မငြင်းဆိုနိုင်သော ဘုရင်ဖြစ်ခဲ့သည်။ အာနိုး ရွှာဇီနက်ဂါး။ တချို့က ဆာဂျီယို၏ အကောင်းဆုံးအချိန်သည် ရွှာဇီနက်ဂါးကို နိုင်နိုင်သည် သို့မဟုတ် စတီးရိဗ်က ပိုအချိုးအစားကျသည်ဟု ဆိုကြသော်လည်း အာနိုးသည် ကာယဗလ၏ ဆုအများဆုံးပိုင်ရှင်ဆိုသည်ကတော့ ရှင်းနေပါ၏။

သို့သော် ၁၉၉၀တွင် ဟေနီသည် သူ၏ ၇ကြိမ်မြောက် သရဖူကို ဆောင်းနိုင်ခဲ့ပြီ။ အာနိုးနှင့် မတူသည်မှာ ထို ၇ ဆုကို ဆက်တိုက်ရခဲ့ခြင်းဖြစ်သည်။ (အာနိုးသည် ၁၉၇၅မှာ နားခဲ့ပြီး ၁၉၈၀ကျပြန်လာယူခဲ့သည်) ရုတ်တရက် ကာယဗလ၏ အလွှမ်းမိုးဆုံး မောင်ဘယ်သူလဲဆိုသည့် ဆွေးနွေးချက်သည် တချိန်ပူနွေးလာခဲ့ပြန်ပြီ။

လီဟေနီ့ ရာဇ၀င်ကိုပြန်ကြည့်လျှင် သူသည် ၁၉၉၀ မောင်အိုလံပီယာပွဲတွင် လီလာဗရာဒါကို ကပ်သီးကပ်သပ်နိုင်ခဲ့သည်။ ထို့ကြောင့်သူသည် ၁၉၉၁ ကာယဗလမောင်ပြိုင်ပွဲအတွက် မနားတော့ဘူးဟု ဆုံးဖြတ်ပြီး ပြန်ကြိုးစားသည်။ နောက်ဆုံးတော့ သူ၏ အကြီးဆုံးနှင့် အကောင်းဆုံးအခြေအနေကိုပြန်ရခဲ့သည်။ ပြီးတော့ သူသည် နောက်ထပ် ပေါင်ချိန်တွေထပ်တိုးရပါသေးသည်။ အဘယ်ကြောင့်ဆို ဒိုရီယံရိတ်စ်ဆိုသည့် စွမ်းအားအပြည့် ထုထည်အပြည့်ဖြင့် ဘရစ်တိန် နိုင်ငံသားသည် တစ်နှစ်ထက်တစ်နှစ် ပိုကောင်းလာခဲ့သောကြောင့် ဖြစ်၏။ လီဟေနီ စိုးရိမ်ခဲ့သော ဒိုရီယံသည် ထိုနှစ်အပြီး နောက်နှစ်တွင် ဆက်တိုက်သရဖူဆောင်းမည့် ပထမဆုံး အမေရိကန် မဟုတ်သည့် မောင်အိုလံပီယာ ဆုရှင်ဖြစ်လာခဲ့သည်။

စတုတ္ထ ဖြစ်ရပ် – ၁၉၈၁ အိုး ဒါမဖြစ်သင့်ဘူး

မောင်အိုလံပီယာ ပြိုင်ပွဲရလဒ်နှင့် ပတ်သက်ပြီး အငြင်းပွားရဆုံးသည် ၁၉၈၁ ပွဲပင်ဖြစ်သည်။ တခြားပွဲတိုင်းထက် အမူပိုလွန်းသော အရင်နှစ် ၁၉၈၀ ပွဲအတွက် ကာယဗလလောကကြီးသည် အမြဲစမြုပ်ပြန်ကာ ပြောဆိုနေကြဆဲပါ။ (ပထမ ဖြစ်ရပ်ကိုကြည့်) အာနိုး ရွှာဇီနက်ဂါးသည် (ဂျင်မ် လော်မီရာနှင့် အတူ) ၁၉၈၁ပွဲအတွက် ကမကထဆောင်ရွက်သူဖြစ်ပြီး တခြား ကာယဗလလောကသားများနှင့်အတူ ထိုပြိုင်ပွဲရလဒ်ကို ကောင်းမွန်သော၊ သပ်ရပ်သော၊ အငြင်းပွားဖွယ်မရှိသော မောင်အိုလံပီယာရလဒ်အဖြစ် မျှော်လင့်ခဲ့ကြသည်။ သို့သော် သူတို့ ရခဲ့သည်မှာ အဲဒီ့လို မဟုတ်ခဲ့။

၁၉၇၇ အလေးမပြိုင်ပွဲတွင် ဆိုးဆိုးရွားရွား ဒူးဒဏ်ရာရပြီးနောက် ဖရန်ကို ကိုလံဘူသည် သူ၁၉၇၆မှာ ရခဲ့သော် မောင်အိုလံပီယာဆုကို မကာကွယ်နိုင်တော့ပါ။ သို့သော် သူသည် နောက်တစ်ကြိမ် ထပ်ရဖို့ အလွန်စိတ်အားထက်သန်နေခဲ့သည်။ ကံတရားဖန်လာတော့ ၁၉၈၁သည် သူ့အတွက် သရဖူဆောင်းစရာ ပွဲတစ်ပွဲဖြစ်လာသည်။

မိုက်မန်ဇာ၊ ဖရန့်ဇိန်းနှင့် ဘော်ရာကိုး တို့သည် မနှစ်က အဆုံးအဖြတ်ပြီးကတည်းက ဘယ်တော့မှ မပြိုင်တော့ဘဲ ပြိုင်ပွဲတိုင်း ပွဲကြည့်ပရိသတ်သာလုပ်တော့မည်ဟု ဆုံးဖြတ်ခဲ့ကြသည်။ ထိုစဉ်တွင် ခရစ်ဒစ်ကာဆန်၊ တွမ်ပလပ်စ်၊ ရောလ်ကလင်ဒါနှင့် ဒန်နီပက်ဒီလာတို့ကျတော့ ဒီနှစ်မှာ အကောင်းဆုံးလုပ်ပြီး ယှဉ်ပြိုင်မည်ဟု စိတ်တက်<ကနေကြသည်။ ဖရန်ကို၏ ခန္ဓာကိုယ်အပေါ်ပိုင်းသည် ဘယ်သူမှ မယှဉ်နိုင်အောင် ကောင်းနေသော်လည်း အောက်ပိုင်းကျတော့ လွန်ခဲ့တဲ့ လေးနှစ်က ဒူးဒဏ်ရာကြောင့် သိသိသာသာ အားနည်းနေသည်။ သူတစ်ဦးတည်းသည် ကာယဗလမောင်နှစ်ယောက်ပေါင်းထားသလိုပင် ဟု ထိုနှစ်က ဆိုစမှတ်ပြုကြသည်။ ဆိုလိုသည်မှာ ခန္ဓာကိုယ်တစ်ပိုင်းသည် အရမ်းကောင်းပြီး နောက်တစ်ပိုင်းသည် ညံ့နေသည်။ ထိုနှစ်ခုအကြား ခါးသည် စည်းခြားထားသည်။

ကိုလံဘူကို ၁၉၈၁ မောင်အိုလံပီယာဟု ကြောငြာသောအခါ ဒုတိယရသူ ခရစ် ဒစ်ကာဆန်၊ စတုတ္ထနှင့် ပဉ္စမရသူ ကယ်လင်ဒါနှင့် ပက်ဒီလာတို့သည် အနိုင်ရသူကို ဆုတံဆိပ်မအပ်နှင်းမီတွင်ပင် ကန့်ကွက်သည့်သဘောဖြင့် စင်ပေါ်က အကုန်ဆင်းသွားကြသည်။ သူတို့၏ သဘောထားတွေကြောင့် ပရိသတ်တွေအားလုံးလည်း ဆူညံပွက်လောရိုက်သွားသည်။

အရင်ခေတ်ကာယဗလသမိုင်းအတွက် ပေးဆပ်ရှာဖွေခဲ့သူများ တွေ့ရှိရသည်မှာ တွမ်ပလပ်စ်နှင့် ပက်ဒီလာတို့သည် ၈၁ ပွဲအတွက် လူကြိုက်များသူများဖြစ်ပြီး ကယ်လင်ဒါနှင့် ဒစ်ကာဆန်တို့က ဒုတိယလူကြိုက်များသူများဖြစ်သည်။ တနည်းဆိုရလျှင် ကိုလံဘူ၏ ၁၉၈၁ ကာယဗလနန်းတက်ပွဲသည် အမှတ်ရစရာ ပြောစမတ်ပြုစရာ ပွဲတစ်ပွဲဖြစ်ခဲ့သည်။

တတိယ ဖြစ်ရပ် ၁၉၇၂ – အသူရာတို့၏ တိုက်ပွဲ ၂

ဆာဂျီယိုလား/အာနိုးလာ/ အာနိုးလား/ဆာဂျီယိုလာြး။ အခုထိတောင် ဆွေးနွေးချက်သည် မပြီးဆုံးသေးပါ။ ကာယဗလ ပရိသတ်ကြီး ဤကမာမြေမှ ပျောက်ကွယ်သွားသည်အထိ ဆက်လက်ဆွေးနွေး နေဦးမည်သာဖြစ်သည်။

၁၉၇၂နှစ် တုန်းက ရွှာဇီနက်ဂါးသည် ကမ္ဘာ့နံပါတ်တစ်ကာယဗလမောင်ဖြစ်သည်။ လွန်ခဲ့သည့် ၂နှစ်က အိုလီဗာကို နိုင်ပြီးနောက် သူရရှိခဲ့သော ဘွဲ့ပင်ဖြစ်သည်။ သို့သော် အာနိုး၏ မောင်ဒဏ္ဍာရီအပေါ် အနိုင်ရရှိမှုသည် သေချာမပြတ်သားခဲ့ပါ။ တကယ်တော့ ဤသည်မှာ ဆာဂျီယိုသာ ကမ္ဘာ့အကောင်းဆုံး ကာယဗလမောင်ဟု ယူဆနေကြသူများ၏ ထင်မြင်ချက်တစ်ခုသာဖြစ်သည်။ ၁၉၇၂ မတိုင်မီတွင် မှတ်ချက်သည် အာနိုးကို နှစ်မှတ်၊ ဆာဂျီယိုကို တစ်မှတ်။ အာနိုး၏ မောင်အိုလံပီယာ နှစ်ဆုသည်လည်း တကျွိကျွိသာမြည်သလို ဆာဂျီယို၏ နှစ်ဆုသည်လည်း ရေထဲနှစ်ထားသလို နှစ်ယောက်စလုံး မပေါ်လွင်ကြ။ မပြတ်သားကြ။ ထို့ကြောင့် ဂျာမနီမှာ ကျင်းပသည့် အိုလံပီယာပွဲသည် အဲသည်လိုငြင်းခုံနေကြသည်တို့ကို ငြိမ်သက်သွားစေသည့် ပွဲတစ်ပွဲဖြစ်သွားစေသည်။

၁၉၇၁က အာနိုး၏ပုံစံနှင့်ကွာသည်မှာ အာနိုးသည် အကောင်းဆုံးဟုယူဆကြသည့် ဆာဂျီယိုကြီးကို နိုင်အောင် နည်းမျိုးစုံကျင့်သုံးသည်မှာ ထုကြီးသည့် အိုလီဗာနှင့် ယှဉ်နိုင်အောင် ဒိုင်တွေနားပိုကပ်မတ်တတ်ရပ်သည်ကအစ ပါဝင်ခဲ့သည်။ နောက်နှစ်ပေါင်းများစွာကြာသည့်အခါ အာနိုးဝန်ခံသည်မှာ ထိုနေ့က ဆာဂျီယိုသည် အံ့သြဖွယ်ကောင်းလောက်အောင်ကို ကောင်းနေပြီး သူကပ်သပ်နိုင်ခဲ့သည်မှာ ကံကောင်းသည်ဟုဆိုခဲ့သည်။

နောက်ဆုံးတော့ ရွှာဇီနက်ဂါးသည် ကာယဗလသမိုင်းတွင် အိုလီဗာကို နိုင်ခဲ့ပြီဆိုသော အမှတ်ရစရာဆုတစ်ခု ထပ်လောင်းရရှိသွားခဲ့ပေသည်။

ဒုတိယဖြစ်ရပ် ၁၉၆၅ – စကော့ထ် ဘုရင်

ဘီယာဆိုင်တစ်ဆိုင်မှာ စခဲ့ပါသည်။ တစ်ည ဂျိုးဝီဒါနှင့် လယ်ရီစကော့ထ်တို့သည် အပြင်ထွက်လမ်းလျှောက်ကြရင်း ဘီယာနည်းနည်းဝင်သောက်ဖို့ ဆုံးဖြတ်ကြသည်။ စကော့ထ်သည် သူ့သူငယ်ချင်းတွေကို ညည်းညူနေသည်။ ကာယဗလမှာ သူ့အတွက် တက်စရာ တောင်ကုန်းမရှိတော့ပြီ ဟူ၍။ သူသည် အကြိမ်ပေါင်းများစွာ အကောင်းတကာ့အကောင်းဆုံးတွေကို အောင်နိုင်ခဲ့ပြီ။ သူနိုင်ပြီးသား ပွဲတွေဆက်ဆက်ပြိုင်နေဖို့မှာ သူ့အတွက် အဓိပ္ပာယ်မရှိတော့ပါ။၂၅၀န်းကျင်သာရှိသေးသော စကော့ထ်သည် သူ့ပြိုင်ပွဲဝင်ဘောင်းဘီကို တိုင်မှာချိတ်လိုက်ပြီး ဒါဟာ ငါ့ရဲ့ ကာယဗလပြိုင်ပွဲဝင်ဘ၀ ပြီးဆုံးပြီဟု ပြောရမလိုဖြစ်နေသည်။

သည်တွင် ကာယဗလဖခင်ကြီး ဂျိုးဝီဒါက တကယ့် ထိပ်သီးကာယဗလမောင်များသာ  ယှဉ်ပြိုင်ရမည့် ပြိုင်ပွဲကြီး၊ ထိပ်ဆုံးက ပြိုင်ပွဲကြီးတစ်ခု ဖန်တီးပေးမည်ဟု စကော့ထ်ကို ပြောခဲ့သည်။ သူတို့ ထိုင်နေကြသည့် စားပွဲပေါ်က အိုလံပီယာ ဘီယာ(ဘီယာနာမည်က အိုလံပီယာ)ကို ကြည့်နေကြရာက သူသည် ခပ်မြန်မြန်ပင် သူ့ပြိုင်ပွဲအတွက် နာမည်တစ်လုံးကောက် ရွေးမိလိုက်သည်။

ပထမဆုံးအဖွင့် မောင်အိုလံပီယာပွဲသည် ဘရွတ်ကလင် ဂီတခန်းမတွင် ကျင်းပခဲ့ပြီး ထိုင်ခုံမပေး၊ မတ်တတ်ရပ်သာ ကြည့်ခွင့်ရှိသော ပွဲတစ်ပွဲဖြစ်သည်။ မှတ်တမ်းများတွင် ဖော်ပြထားသည်မှာ ထိုနေ့က ပြိုင်ပွဲမတိုင်ခင်ရော၊ ပြိုင်ပွဲပြီးထိရောပါ အရူးအမူးဖြစ်နေသော ပရိသတ်ကြီးသည် ရုံပြင်ထိလျှံထွက်နေပြီး လမ်းပေါ်ထိပါရောက်ကုန်သည်အထိ လာရောက်အားပေးကြသည်ဟူ၍။ လယ်ရီကို အောင်နိုင်သူအဖြစ် သရဖူအပ်နှင်းသောအခါ အဲသည်မှာ အကုန်ဗြောင်းဆန်ဆူညံသွားသည်။ ]လာရီး}၊ ]လာရီး} ဆိုသော သြဘာပေးသံများ အဆက်မပြတ်ပေါ်ထွက်လာပြီး လယ်ရီမှာ သူ့ရဲ့ စိတ်ကြိုက်ကိုယ်ဟန်ပြများနှင့် ဆက်ပြရတော့သည်။ ထိုအခါ ပို၍ပင် အကြီးအကျယ်ဆူညံပွက်လောရိုက်သွားစေသည်။ လွန်ခဲ့သော ၄၅နှစ်ကျော်ကစပြီး ယနေ့အထိ ဘယ်မောင်အိုလံပီယာဆုအဆုံးအဖြတ်မှ ထိုကဲ့သို့ ရုတ်ရုတ်သဲသဲ အားပေးခြင်းမခံခဲ့ရသလို ထိုညက ပထမဆုံးမောင်အိုလံပီယာ စကော့ထ်ကဲ့သို့လည်း ဘယ်ချန်ပီယံမှ ချစ်မြတ်နိုးခြင်း မခံခဲ့ရပါ။

ပထမ အကြီးကျယ် အမှတ်ရဆုံးဖြစ်ရပ် ၁၉၈၀ – အံ့သြစရာပါပေ

ဘယ်သူမှ အဲဒါကို မမျှော်လင့်မိကြပါ။ သူတို့ ဒါ တကယ်ဖြစ်နေပါလားဆိုတာ တွေ့ရှိတော့မှ ဒါသည် အပျော်အပြက် ဟာသတစ်ခုပါဘဲ ဆိုပြီး ယုံလိုက်ကြသည်။ တကယ်တော့ ဒါသည် ဟာသမဟုတ်ပါ။ သူတို့သာ ဟာသလုပ်ခြင်း ခံလိုက်ရတာပါ။

အာနိုးသည် ၁၉၈၀ခုနှစ်တွင် ကာယဗလမောင်တွေ မောင်အိုလံပီယာပြိုင်ပွဲအတွက် ပြိုင်ကြမည့် သြစတေးလျသို့ လေယာဉ်စီးသွားရတော့မည်။ သူသည် ကာယဗလရုပ်မြင်သံကြားအတွက် တိုက်ရိုက်အစီရင်ခံမည့်သူနေရာအတွက် ဖိတ်ကြားခြင်းခံရ၍သွားခြင်းသာဖြစ်သည်။ ထိုထက် လုံးဝမပို။ သေချာသည်က သူသည် ၁၉၇၅ သူအနားယူကတည်းကထက် ထုပိုကြီးနေသည်။ သို့သော်လည်း ဒါသည် စီးပွားရေးအရ အကြီးအကျယ် ရိုက်မည့် ကိုနန် (Conan) ဇာတ်ကားအတွက် ပြင်ဆင်ထားရ၍ဖြစ်သည်။ မင်းသားနေရာကနေ ဗလကြီးကြီးဖြစ်သင့်၍ သူထုတင်ထားသောကြောင့်ဖြစ်သည်။ သို့သော် လေယာဉ်က သြစတေးလျမြေကို ထိလိုက်သည်နှင့် ရွှာဇီနက်ဂါး ဒီရောက်လာတာ ပြိုင်ဖို့ဆိုပြီး ဖြစ်လာသည်။ အဲသည့်သတင်းကို ပြိုင်ပွဲဝင်အတော်များများက လုံးဝမနှစ်မြို့ကြ။

ပြိုင်ပွဲဝင်များ သူတို့၏တုန်လှုပ်မှုကို ပြိုင်ပွဲစင်ပေါ်ယူမလာခင် အားကစားသမားများ အချင်းချင်း တွေ့ဆုံကတည်းက ထိတ်လန့်မှုတွေ ပြန့်နှံ့ခဲ့သည်။ ရွှာဇီနက်ဂါးသည် သူ့အဓိကပြိုင်ဖက်လို့ယူဆသည့် မိုက်မန်ဇာကို သူ့၏ စိတ်ဓာတ်စစ်ဆင်ရေးနည်းလမ်းတွေကို သုံးခဲ့သည်။ ၀က်သစ်ချပင်ကြီးသည် အရင်ကဆို သူ့ရဲ့ စိတ်ပိုင်းဆိုင်ရာ ထိုးစစ်ဆင်သည့် နည်းလမ်းတွေကို တတ်နိုင်သမျှ အမြဲရှောင်သူတစ်ယောက်ဖြစ်ခဲ့သော်လည်း ယခုအခါမှာတော့ မိုက်၏ ဗိုက်ဗယ်လီတွေကို ထိုးစစ်ဆင် ပြောလိုက်ရာ မိုက်မန်ဇာက လုံးဝလက်မခံ၊ အပြောမခံ ပြန်လည်ထိုးစစ်ဆင်သည်။ သည်တွင် ရဲရင့်လှသော ဘင်ဝီဒါသာ ၀င်မတားလျှင် သူတို့ လက်သီးချင်း ထိုးကြိတ်ကြတော့မည့်အဆင့် အထိ ဖြစ်ခဲ့သည်။

ရွှာဇီနက်ဂါးသည် သြစတေးလျက မောင်အိုလံပီယာပွဲမှာ သူ၏ ၇ကြိမ်မြောက်နှင့် နောက်ဆုံး မောင်အိုလံပီယာဆုကို ဆွတ်ခူးခဲ့သည်။ ဒစ်ကာဆန်က ဒုတိယရခဲ့သည်။ မနှစ်က မောင်အိုလံပီယာ ဖရန့်ဇိန်းက တတိယရသည်။ ဘော်ရာ ကိုးလ်က စတုတ္ထရပြီး မန်ဇာက ပဉ္စမရသည်။ ထိုနှစ်က ဖလားကို ထိပ်ဆုံးက တခြားလေးယောက်လည်း ရနိုင်သည်ဟု မှတ်တမ်းတစ်ခုရှိခဲ့သည်။ သို့သော် ယနေ့ခေတ်အထိ လူအများသည် ထိုနေ့က ရွှာဇီနက်ဂါးသည် သူ့အကောင်းဆုံးအချိန်ထက် အများကြီးညံ့သော်လည်း တခြားမောင်တွေကိုတော့ နိုင်နိုင်သည်မှာ အမှန်ပင်ဟု အခိုင်အမာပြောဆိုကြသည်။

နောက်ဆုံးဆုံးဖြတ်ချက်သည် မိုက်မန်ဇာကို အနားယူသွားစေသည်။ ဖရန့်ဇိန်းနှင့် ကိုးလ်တို့ကို နောက်နှစ်ပွဲတွေမှာ ဘေးက ပွဲကြည့်ပရိသတ်တွေသာ ဖြစ်သွားစေသည်။ ရွှာဇီနက်ဂါး၊ သူကရော သူလည်း နောက်နောင် ဘယ်တော့မှ ထပ်မပြိုင်တော့ပါ။ သူ့ကိုလည်း ပြိုင်ပွဲတွေကို ကမကထပြုလုပ်သူ၊ ရုပ်ရှင်မင်းသားနှင့် နိုင်ငံရေးသမားတွေဆီသို့သာ အသွင်ပြောင်းသွားစေခဲ့သည်။ ယနေ့အထိ ထို ၁၉၈၀ မောင်အိုလံပီယာပွဲသည် ကာယဗလ သမိုင်းတွင် သုံးသပ်ကြဆုံးအပိုင်း၊ ဆွေးနွေးကြဆုံးအပိုင်းနှင့် အဖြတ်တောက်ခံရဆုံးအပိုင်းတစ်ပိုင်း ဖြစ်ပေသည်။

စိတ်ဝင်စားကြပါလားခင်ဗျာ?  Comments?

Related posts:

1. လီိဟေနီနဲ့ မောင်အိုလံပီယာ ပြိုင်ပွဲအပေါ် သူ့သဘောထား
2. မောင်အိုလံပီယာ ဆုတံဆိပ် ဖြစ်ပေါ်လာပုံ
3. မောင်အိုလံပီယာ ပေါ်ပေါက်လာပုံ အကျဉ်းချုပ်
4. လေးထပ်ကွမ်း မောင်အိုလံပီယာ ဂျေးကတ်လာ၏ ပေါင်ကြွက်သား ကစားနည်း